The Comprehensive Aramaic Lexicon

(1) 10:52	וֻמַלֵיל יוי עִם משה בְטוּרָא דְסִינַי לְמֵימַר׃
(1) 20:52	מַלֵיל עִם בְנֵי ישראל וְתֵימַר לְהוֹן אְרֵי תֵיעְלוּן לְארעא דַאְנָא יָהֵיב לְכוֹן וְתַשמֵיט ארעא שְמִיטְתָא קְדָם יוי׃
(1) 30:52	שֵית שְנִין תִזרַע חַקלָך וְשֵית שְנִין תִכסַח כַרמָך וְתִכנוֹש יָת עְלַלתַה׃
(1) 40:52	וֻבשַתָא שְבִיעֵיתָא נִיָח״נְיָח#3#״ שְמִיטְתָא יְהֵי לארעא דְתַשמֵיט קְדָם יוי חַקלָך לָא תִזרַע וְכַרמָך לָא תִכסַח״תחצד#3#״׃
(1) 50:52	יָת \כָתֵי חְצָדָך ״קטא דחצדך#3#״ לָא תִחצוּד וְיָת עִנְבֵי שִבקָך לָא תִקטוּף שְנַת שְמִיטְתָא יְהֵי לארעא׃
(1) 60:52	וֻתהֵי שְמִיטַת אַרעָא לְכוֹן לְמֵיכַל לָך וֻלעַבדָך וֻלאַמתָך וֻלאְגִירָך וֻלתוֹתָבָך דְדָיְרִין עִמָך׃
(1) 70:52	וְלִבעִירָך וֻלחַיתָא״וֻלחָיתָא#3#״ דִבאַרעָך תְהֵי כֹל עְלַלתַה לְמֵיכַל׃
(1) 80:52	וְתִמנֵי לָך שְבַע שְמִיטָן״שמיטין#3#״ דִשנִין שְבַע שְנִין שְבַע זִמנִין וִיהוֹן לָך יוֹמֵי שְבַע שְמִיטָן״שמיטין#3#״ דִשנִין אַרבְעִין וְתֵישַע״וֻתשַע#3#״ שְנִין׃
(1) 90:52	וְתַעְבַר שוֹפַר יַבָבָא בְיַרחָא שְבִיעָאָה בְעַסרָא לְיַרחָא בְיוֹמָא דְכִיפוּרַיָא תַעבְרוּן״תִעבְרוּן#3#״ שוֹפָרָא בְכֹל אְרַעכוֹן׃
(1) 01:52	וֻתקַדְשְון יָת שְנַת חַמשִין שְנִין וְתִקרוֹן חֵירוּתָא בְאַרעָא לְכֹל יָתְבַהָא יוֹבֵילָא הִיא תְהֵי לְכוֹן וֻתתוּבוּן גְבַר לְאַחסָנְתֵיה וֻגבַר לְזַרעִיתֵיה תְתוּבוּן׃
(1) 11:52	יוֹבֵילָא הִיא שְנַת חַמשִין שְנִין תְהֵי לְכוֹן לָא תִזרְעוּן וְלָא תִחצְדוּן יָת כָתַהָא״קטהא#3#״ וְלָא תִקטְפוּן יָת שִבקַהָא׃
(1) 21:52	אְרֵי יוֹבֵילָא הִיא קוּדשָא תְהֵי לְכוֹן מִן חַקלָא תֵיכְלוּן יָת עְלַלתַה׃
(1) 31:52	בְשַתָא דְיוֹבֵילָא הָדָא תְתוּבוּן גְבַר לְאַחסָנְתֵיה׃
(1) 41:52	וַאְרֵי תְזַבֵין״תזבון#3#״ זְבִינִין״זבון#3#״ לְחַברָך אוֹ תִזבוֹן״תזבין#3#״ מִיַד חַברָך לָא תוֹנוֹן״תוֹנֵין#3#״ גְבַר יָת אְחוּהִי׃
(1) 51:52	בְמִניַן שְנַיָא בָתַר יוֹבֵילָא תִזבוֹן מִן חַברָך בְמִניַן שְנֵי עלַלתָא יְזַבֵין לָך׃
(1) 61:52	לְפוֹם סַגיוּת שְנַיָא תַסגֵי זְבִינוֹהִי וֻלפוֹם זְעֵירוּת שְנַיָא תַזעַר זְבִינוֹהִי אְרֵי מִניַן עְלַלתָא הוּא מְזַבֵין לָך׃
(1) 71:52	וְלָא תוֹנֵין״תוֹנוֹן#3#״ גְבַר יָת חַברֵיה וְתִדחַל מֵאְלָהָך אְרֵי אְנָא יוי אְלָהְכוֹן׃
(1) 81:52	וְתַעבְדוּן יָת קִיָמַי״קְיָמַי#3#״ וְיָת דִינַי תִיטְרוּן וְתַעבְדוּן יָתְהוֹן וְתִיתְבוּן עַל ארעא לְרוּחצָן׃
(1) 91:52	וְתִיתֵין אַרעָא אִיבַה וְתֵיכְלוּן לְמִסבַע וְתִיתְבוּן לְרוּחצָן עְלַה׃
(1) 02:52	וַאְרֵי תֵימְרוּן מָא נֵיכוֹל בְשַתָא שְבִיעֵיתָא הָא לָא נִזרַע״נזדרע#3#״ וְלָא נִכנוֹש יָת עְלַלתַנָא׃
(1) 12:52	וַאְפַקֵיד יָת בִרכְתִי לְכוֹן בְשַתָא שְתִיתֵיתָא וְתַעְבֵיד״ותכנוש#3#״ יָת עְלַלתָא לִתלָת שְנִין׃
(1) 22:52	וְתִזרְעוּן יָת שַתָא תְמִינֵיתָא וְתֵיכְלוּן מִן עְלַלתָא עַתִיקָא עַד שַתָא תְשִיעֵיתָא עַד מֵיעַל עְלַלתַה תֵיכְלוּן עַתִיקָא׃
(1) 32:52	וארעא לָא תִזדַבַן לַחלוּטִין אְרֵי דִילִי ארעא אְרֵי דַיָרִין ותוֹתָבִין אַתוּן קְדָמָי׃
(1) 42:52	וֻבכֹל אְרַע אַחסָנַתכוֹן פוּרקָנָא תִיתְנוּן לארעא׃
(1) 52:52	אְרֵי יִתמַסכַן אְחוּך וִיזַבֵין״ויזדבן#3#״ מֵאַחסָנְתֵיה וְיֵיתֵי פָרִיקֵיה דְקָרִיב לֵיה וְיִפרוֹק יָת זְבִינֵי דַאְחוּהִי׃
(1) 62:52	וֻגבַר אְרֵי לָא יְהֵי לֵיה פָרִיק וְתַדבֵיק יְדֵיה וְיַשכַח כְמִיסַת פוּרקָנֵיה׃
(1) 72:52	וִיחַשֵיב יָת שְנֵי זְבִינוֹהִי וְיָתֵיב״וְיָטִיב#3#״ יָת מוֹתָרָא לִגבַר דְזַבֵין לֵיה וִיתוּב לְאַחסָנְתֵיה׃
(1) 82:52	וְאִם לָא אַשכַחַת יְדֵיה כְמִיסַת דְיָתֵיב לֵיה וִיהוֹן זְבִינוֹהִי בְיַד דִזבַן יָתֵיה עַד שַתָא דְיוֹבֵילָא וְיִפוֹק בְיוֹבֵילָא וִיתוּב לְאַחסָנְתֵיה׃
(1) 92:52	וֻגבַר אְרֵי יְזַבֵין בֵית מוֹתַב קַרתָא מַקְפָא״מֻקְפָא#3#״ שוּר וִיהֵי פוּרקָנֵיה עַד מִשלַם שַתָא דִזבִינוֹהִי עִידָן בְעִידָן יְהֵי פוּרקָנֵיה׃
(1) 03:52	וְאִם לָא יִתפְרֵיק עַד מִשלַם לֵיה שַתָא שַלמְתָא״שלימתא#3#״ וִיקוּם בֵיתָא דִבקַרתָא דְלֵיה שוּרָא לַחלוּטִין לְדִזבַן יָתֵיה לְדָרוֹהִי לָא יִפוֹק בְיוֹבֵילָא׃
(1) 13:52	וֻבָתֵי פַצחַיָא״פציחיא#3#״ דְלֵית לְהוֹן שוּר מַקַף סחור סחור עַל חְקַל אַרעָא יִתחַשבוּן פוּרקָנָא יְהֵי לְהוֹן וֻביוֹבֵילָא יִפְקוּן׃
(1) 23:52	וְקִרוֵי לֵיוָאֵי בָתֵי קִרוֵי אַחסָנַתהוֹן פוּרקַן עָלַם יְהֵי לְלֵיוָאֵי׃
(1) 33:52	וֻדיִפרוֹק מִן לֵיוָאֵי וְיִפְקוּן זְבִינֵי בֵיתָא וְקִרוֵי אַחסָנְתֵיה בְיוֹבֵילָא אְרֵי בָתֵי קִרוֵי לֵיוָאֵי הִיא אַחסָנַתהוֹן בְגוֹ בְנֵי יִשרָאֵל׃
(1) 43:52	וַחקַל רְוַח קִרוֵיהוֹן לָא יִזדַבַן אְרֵי אַחסָנַת עָלַם הוּא לְהוֹן׃
(1) 53:52	וַאְרֵי יִתמַסכַן אְחוּך וֻתמוּט יְדֵיה עִימָך וְתִיתַקַף״וְתַתקֵיף#3#״ בֵיה יְדוּר״דייר#3#״ וְיִתוֹתַב״ותותב#3#״ וְיֵיחֵי עִמָך׃
(1) 63:52	לָא תִיסַב מִנֵיה חִיבוּליָא וֻרִבִיתָא וְתִדחַל מֵאְלָהָך וְיֵיחֵי אְחוּך עִמָךְ
(1) 73:52	יָת כַספָך לָא תִתֵין לֵיה בְחִיבוּליָא וֻברִבִיתָא לָא תִיתֵין מֵיכְלָך׃
(1) 83:52	אְנָא יוי אְלָהְכוֹן דְאַפֵיקִית יָתְכוֹן מארעא דמִצרַיִם לְמִיתַן לְכוֹן יָת ארעא דִכנַעַן לְמִהוֵי לְכוֹן לַאְלָה׃
(1) 93:52	וַאְרֵי יִתמַסכַן אְחוּך עִמָך וְיִזדַבַן לָך לָא תִפלַח בֵיה פוּלחַן עַבדִין׃
(1) 04:52	כְאְגִירָא״כַאְגִירָא#3#״ כְתוֹתָבָא יְהֵי עִמָך עַד שַתָא דְיוֹבֵילָא יִפלַח עִמָך׃
(1) 14:52	וְיִפוֹק מֵעִמָך הוּא וֻבנוֹהִי עִמֵיה וִיתוּב לְזַרעִיתֵיה וֻלאַחסָנַת אְבָהָתוֹהִי יְתוּב׃
(1) 24:52	אְרֵי עַבדַי אִנוּן דְאַפֵיקִית יָתְהוֹן מֵאַרעָא דְמִצרָיִם לָא יִזדַבנוּן זִיבוּן עַבדִין׃
(1) 34:52	לָא תִפלַח בֵיה בְקַשיוּ וְתִדחַל מֵאְלָהָך׃
(1) 44:52	וְעַבדָך וְאַמתָך דִיהוֹן לָך מִן עַמְמַיָא דִבסַחרָנֵיכוֹן״די בסוחרניכון#3#״ מִנְהוֹן תִקנוֹן״תזבנון#3#״ עַבדִין וְאַמהָן׃
(1) 54:52	וְאַף מִבנֵי תוֹתָבַיָא עַרלַיָא דְדָיְרִין עִמְכוֹן מִנְהוֹן תִקנוֹן״תסבון#3#״ וַמִזַרעיתְהוֹן דְעִמְכוֹן דְאִתִילַדוּ בַאְרַעכוֹן וִיהוֹן לְכוֹן לְאַחסָנָא׃
(1) 64:52	וְתַחסְנוּן יָתְהוֹן לִבנֵיכוֹן בָתְרֵיכוֹן לִירוּתַת״למירת#3#״ אַחסָנָא לְעָלַם בְהוֹן תִפלְחוּן וֻבאְחֵיכוֹן״וֻבאַחֵיכוֹן#3#״ בְנֵי ישראל גְבַר בַאחוּהִי לָא תִפלַח בֵיה בְקַשיוּ׃
(1) 74:52	וַאְרֵי תַדבֵיק יַד עַרַל״עְרַל#3#״ וְתוֹתָב דְעִימָך וְיִתמַסכַן אְחוּך עִמֵיה וְיִזדַבַן לְעַרַל תוֹתָב דְעִימָך אוֹ לְאַרמַי מִזַרעִית גִיוֹרָא׃
(1) 84:52	בָתַר דְאִזדַבַן פוּרקָנָא תְהֵי לֵיה חַד מֵאְחוֹהִי יִפרְקִינֵיה׃
(1) 94:52	אוֹ אַחבוּהִי אוֹ בַר אַחבוּהִי יִפרְקִינֵיה אוֹ מִקָרִיב בִסרֵיה מִזַרעִיתֵיה יִפרְקִינֵיה אוֹ דְתַדבֵיק יְדֵיה וְיִתפְרִיק׃
(1) 05:52	וִיחַשֵב עִם זָבְנֵיה מִשַתָא דְאִזדַבַן לֵיה עַד שַתָא דְיוֹבֵילָא וִיהֵי כְסַף זְבִינוֹהִי בְמִניַן שְנַיָא כְיוֹמֵי אְגִירָא יְהֵי עִמֵיה׃
(1) 15:52	אִם עוֹד סַגיוּת״סגיאות#3#״ בִשנַיָא לְפוּמְהוֹן״לפומהין#3#״ יָתֵיב״יָתִיב#3#״ פוּרקָנֵיה מִכְסַף זְבִינוֹהִי׃
(1) 25:52	וְאִם זְעֵיר אִשתְאַר בִשנַיָא עַד שַתָא דְיוֹבֵילָא וִיחַשֵיב לֵיה כְפוֹם שְנוֹהִי יְתִיב״יָתִיב#3#״ יָת פוּרקָנֵיה׃
(1) 35:52	כַאְגִיר שְנָא בִשנָא יְהֵי עִמֵיה לָא יִפלַח בֵיה בְקַשיוּ לְעֵינָך׃
(1) 45:52	וְאִם לָא יִתפְרִיק בְאִלֵין וְיִפוֹק בְשַתָא דְיוֹבֵילָא הוּא וֻבנוֹהִי עִמֵיה׃
(1) 55:52	אְרֵי דִילִי בְנֵי יִשרָאֵל עַבדִין עַבדַי אִינוּן דְאַפֵיקִית יָתְהוֹן מארעא דמצרים אְנָא יוי אְלָהְכוֹן׃

next chapter