H The Comprehensive Aramaic Lexicon

CAL CODE HELP CLICK HERE
click on the file description for more information

51003: TgO Lv

click on a word for lexical analysis
Click on a red-colored coordinate for comments and/or translations of the line

previous chapter


(1) 10:12 וַאְמַר יוי לְמֹשַה אֵימַר לְכָהְנַיָא בְנֵי אַהְרֹן וְתֵימַר לְהוֹן עַל מִית לָא יִסתָאַב בְעַמֵיה׃
(1) 20:12 אְלָהֵין לְקָרִיבֵיה דְקָרִיב״דְקָרֵיב#3#״ לֵיה לְאִימֵיה וֻלאְבוּהִי וְלִברֵיה וְלִברַתֵיה וֻלאְחוּהִי׃
(1) 30:12 וֻלאְחָתֵיה בְתוּלְתָא דְקָרִיבָא לֵיה דְלָא הְוָת לִגבַר לַה יִסתָאַב׃
(1) 40:12 לָא יִסתָאַב בְרַבָא בְעַמֵיה לַאְחָלוּתֵיה״לְאַחָלוּתֵיה#3#״׃
(1) 50:12 לָא יִמרְטוּן מְרַט בְרֵישְהוֹן וֻפָתָא דְדִקנְהוֹן לָא יְגַלְחוּן וֻבִבסַרהוֹן לָא יְחַבְלוּן חֵיבוּל״חִבוּל#3#״׃
(1) 60:12 קַדִישִין יְהוֹן קְדָם אְלָהְהוֹן וְלָא יַחְלוּן״יחללון#3#״ שְמָא דַאְלָהְהוֹן אְרֵי יָת קוּרבָנַיָא דַיוי קוּרבַן אְלָהְהוֹן אִינוּן מְקָרְבִין״מקריבין#3#״ וִיהוֹן קַדִישִין׃
(1) 70:12 אִתְתָא מַטַעיָא וֻמַחלָא״ומחללא#3#״ לָא יִסְבוּן וְאִתְתָא דִמתָרְכָא״דִמִתָרְכָא#3#״ מִבַעְלַה לָא יִסבוּן אְרֵי קַדִיש הוּא קְדָם אְלָהֵיה׃
(1) 80:12 וֻתקַדְשִינֵיה אְרֵי יָת קוּרבַן אְלָהָך הוּא מְקָרֵיב קַדִיש יְהֵי לָך אְרֵי קַדִיש אְנָא יוי מְקַדִשכוֹן׃
(1) 90:12 וֻבַת גְבַר כָהִין אְרֵי תִתַחַת לְמִטעֵי מִקְדוּשַת אְבוּהָא הִיא מִתַחְלָא בְנוּרָא תִתוֹקַד׃
(1) 01:12 וְכָהְנָא דְיִתרַבַא מֵאְחוֹהִי דְיִתָרַק״דיתסק#3#״ עַל רֵישֵיה מִשחָא דִרבוּתָא וְדִיקָרֵיב יָת קוּרבָנֵיה לְמִלבַש יָת לְבוּשַיָא יָת רֵישֵיה לָא יְרַבֵי פֵירוּעַ וֻלבוּשוֹהִי לָא יְבַזַע׃
(1) 11:12 וְעַל כָל נַפשָת מִיתָא לָא יֵיעוֹל לַאְבוּהִי וֻלאִימֵיה לָא יִסתָאַב׃
(1) 21:12 וֻמִן מַקדְשָא לָא יִפוֹק וְלָא יַחֵיל יָת מַקדְשָא דַאְלָהֵיה אְרֵי כְלִיל מְשַח רְבוּתָא דַאְלָהֵיה עְלוֹהִי אְנָא יוי׃
(1) 31:12 וְהוּא אִיתְתָא בִבתוּלַהָא יִסַב׃
(1) 41:12 אַרמְלָא וֻמתָרְכָא וְחְלִילָא מַטַעיָא יָת אִלֵין לָא יִסַב אְלָהֵין בְתוּלְתָא מֵעַמֵיה יִסַב אִיתְתָא׃
(1) 51:12 וְלָא יַחֵיל זַרעֵיה בְעַמֵיה אְרֵי אְנָא יוי מְקַדְשֵיה׃
(1) 61:12 ומליל יוי עם״לות#3#״ משה למימר׃
(1) 71:12 מַלֵיל עִם אַהְרֹן לְמֵימַר גְבַר מִבְנָך לְדָרֵיהוֹן דִיהֵי בֵיה מוּמָא לָא יִקרַב״יקריב#3#״ לְקָרָבָא קוּרבָנָא קְדָם אְלָהֵיה׃
(1) 81:12 אְרֵי כֹל גְבַר דְבֵיה מוּמָא לָא יִקרַב גְבַר עְוִיר אוֹ חְגִיר אוֹ חְרִים אוֹ סְרִיַע׃
(1) 91:12 אוֹ גְבַר דִיהֵי בֵיה תְבָר רִגלָא אוֹ תְבָר יְדָא׃
(1) 02:12 אוֹ גְבִין אוֹ דוּקָא אוֹ חִילִי{ן}<ז>״חליז#3#״ בְעֵינוֹהִי אוֹ גַרבָן אוֹ חְזָזָן אוֹ מְרִיס פַחתִין״פַחדִין#3#״׃
(1) 12:12 כֹל גְבַר דְבֵיה מוּמָא מִזַרעָא דאהרן כהנא לָא יִקרַב לְקָרָבָא יָת קוּרבָנַיָא דַיוי מוּמָא בֵיה יָת קוּרבַן אְלָהֵיה לָא יִקרַב לְקָרָבָא׃
(1) 22:12 קוּרבַן אְלָהֵיה מִקוּדשֵי קוּדשַיָא וֻמִן קוּדשַיָא יֵיכוֹל׃
(1) 32:12 בְרַם לְפָרוּכתָא לָא יֵיעוֹל וֻלמַדבְחָא לָא יִקרַב אְרֵי מוּמָא בֵיה וְלָא יַחֵיל יָת מַקדְשִי אְרֵי אְנָא יוי מְקַדִשהוֹן׃
(1) 42:12 וֻמַלֵיל מֹשַה עִם אהרן וְעִם בְנוֹהִי וְעִם כֹל בְנֵי יִשרָאֵל׃

next chapter