The Comprehensive Aramaic Lexicon

(1) 10:91	ומליל יוי עם״לות#3#״ משה למימר׃
(1) 20:91	מַלֵיל עִם כֹל כְנִשתָא דִבנֵי ישראל וְתֵימַר לְהוֹן קַדִישִין תְהוֹן אְרֵי קַדִיש אְנָא יוי אְלָהְכוֹן׃
(1) 30:91	גְבַר מִן אִמֵיה וֻמִן אְבוּהִי תְהוֹן דָחְלִין וְיָת יוֹמֵי שַבַיָא דִילִי תִטְרוּן אְנָא יוי אְלָהְכוֹן׃
(1) 40:91	לָא תִתפְנוֹן בָתַר טָעְוָן וְדַחלָן דְמַתְכָא לָא תַעְבְדוּן לְכוֹן אְנָא יוי אְלָהְכוֹן׃
(1) 50:91	וַאְרֵי תִיכְסוּן נִכסַת קֻדשִין קדם יוי לְרַעְוָא לְכוֹן תִכסוּנֵיה׃
(1) 60:91	\בְיוֹמָא דְיִתנְכֵיס ״ביום דבחיכון#3#״ יִתאְכֵיל וֻביוֹמָא דְבָתְרוֹהִי וֻדאִשתְאַר עַד יוֹמָא תְלִיתָאָה בְנוּרָא יִתוֹקַד׃
(1) 70:91	וְאִם אִתאְכָלָא יִתאְכֵיל בְיוֹמָא תְלִיתָאָה מְרַחַק הוּא לָא יְהֵי לְרַעְוָא׃
(1) 80:91	וֻדיֵיכְלִינֵיה חוֹבֵיה יְקַבֵיל אְרֵי יָת קוּדשָא דַיוי אַחֵיל וְיִשתֵיצֵי אְנָשָא הַהוּא מֵעַמֵיה׃
(1) 90:91	וֻבמִחצַדכוֹן יָת חְצָדָא דַאְרַעכוֹן לָא תְשֵיצֵי פָתָא דְחַקלָך לְמִחצַד וֻלקָטָא דִחצָדָך לָא תְלַקֵיט׃
(1) 01:91	וְכַרמָך לָא תְעָלֵיל וְנִתרָא דְכַרמָך לָא תְלַקֵיט לְעַניֵי וֻלגִיוֹרֵי תִשבוֹק יָתְהוֹן אְנָא יוי אְלָהְכוֹן׃
(1) 11:91	לָא תִגנבוֹן וְלָא תְכַדְבוּן וְלָא תְשַקרוּן אְנָש״גְבַר#3#״ בְחַברֵיה׃
(1) 21:91	וְלָא תִשתַבעוּן״תשבעון#3#״ בִשמִי לְשִקרָא וְתַחֵיל יָת שְמָא דַאְלָהָך אְנָא יוי׃
(1) 31:91	לָא תְעִישוֹק יָת חַברָך וְלָא תֵינוֹס לָא תָבֵית אַגרָא דַאְגִירָא לְוָתָך״עמך#3#״ עַד צַפרָא׃
(1) 41:91	לָא תְלוּט דְלָא שָמַע וֻקדָם דְלָא חָזֵי לָא תְסִים״תשוי#3#״ תַקלָא וְתִדחַל מֵאְלָהָך אְנָא יוי׃
(1) 51:91	לָא תַעבְדוּן שְקַר בְדִין לָא תִיסַב אַפֵי מִסכֵינָא וְלָא תַהדַר אַפֵי רַבָא בְקוּשטָא תְדִינֵיה לְחַברָך׃
(1) 61:91	לָא תֵיכוֹל קִרצִין״קֻרצִין#3#״ בְעַמָך לָא תְקוּם עַל דְמָא דְחַברָך אְנָא יוי׃
(1) 71:91	לָא תִסנֵי יָת אְחוּך בְלִיבָך אוֹכָחָא תוֹכַח יָת חַברָך וְלָא תְקַבֵיל עַל דִילֵיה חוֹבָא׃
(1) 81:91	לָא תִיקוּם וְלָא תִיטַר דְבָבוּ לִבנֵי עַמָך וְתִרחְמֵיה לְחַברָך כְוָתָך אְנָא יוי׃
(1) 91:91	יָת קְיָמִי״קִיָמַי#3#״ תִיטְרוּן בְעִירָך לָא תַרכֵיב עִירוּבִין״עֵירוּבִין#3#״ חַקלָך לָא תִזרַע עִירוּבִין״עֵירוּבִין#3#״ וֻלבוּש עִירוּבִין שַעַטנֵיזָא״שַעַטנִיזָא#3#״ לָא יִסַק עְלָך׃
(1) 02:91	וֻגבַר אְרֵי יִשכוֹב יָת״עם#3#״ אִיתָא שוּכבַת״שִכבַת#3#״ זַרעָא וְהִיא אָמָא אַחִידָא לִגבַר וְאִתפְרָקָא לָא אִתפְרֵיקַת בְכַספָא אוֹ חֵירוּתָא לָא אִתיְהֵיבַת לַה בִשטָר בִיקוּרתָא תְהֵי בַה לָא יְמוּתוּן אְרֵי לָא אִתחָרַרַת׃
(1) 12:91	וְיַיתֵי יָת אְשָמֵיה לִקדָם״קְֹדָם#3#״ יוי לִתרַע מַשכַן זִמנָא דִכרָא לַאְשָמָא׃
(1) 22:91	וִיכַפַר עְלוֹהִי כהנא בְדִכרָא דַאְשָמָא קדם יוי עַל חוֹבְתֵיה דְחָב וְיִשתְבֵיק לֵיה מֵחוֹבְתֵיה דְחָב׃
(1) 32:91	וַאְרֵי תֵיעְלוּן לְאַרעָא וְתִיצְבוּן״ותיסבון#3#״ כֹל אִילָן דְמֵיכַל וֻתרַחְקוּן רַחָקָא״ריחקא#3#״ יָת״מן#3#״ אִיבֵיה תְלָת שְנִין יְהֵי לְכוֹן מְרַחַק לְאַבָדָא לָא יִתאְכִיל׃
(1) 42:91	וֻבשַתָא רְבִיעֵיתָא יְהֵי כֹל אִיבֵיה קוֹדַש תוּשבְחָן קְדָם יוי׃
(1) 52:91	וֻבשַתָא חְמִישֵיתָא תִיכְלוּן יָת אִיבֵיה לְאוֹסָפָא לְכוֹן עְלַלתֵיה אְנָא יוי אְלָהְכוֹן׃
(1) 62:91	לָא תֵיכְלוּן עַל דְמָא לָא תְנַחְשוּן וְלָא תְעָנוֹן״תעונון#3#״׃
(1) 72:91	וְלָא תַקְפוּן פָתָא דְרֵישְכוֹן וְלָא תְחַבֵיל יָת פָתָא דְדִקנָך׃
(1) 82:91	וְחִיבוּל עַל מִית״מֵית#3#״ לָא תִתְנוּן בִבסַרכוֹן וְרוֹשְמִין״וְרוּשמִין#3#״ חְרִיתִין לָא תִתְנוּן בְכוֹן אְנָא יוי׃
(1) 92:91	לָא תַחֵיל יָת בְרַתָך לְאַטעָיוּתַה וְלָא תִטעֵי ארעא וְתִתמְלֵי ארעא עֵיצַת חְטִין״חִטאִין#3#״׃
(1) 03:91	יָת יוֹמֵי שַבַיָא דִילִי תִיטְרוּן וֻלבֵית מַקדְשִי תְהוֹן דָחְלִין אְנָא יוי׃
(1) 13:91	לָא תִתפְנוֹן בָתַר בִדִין וֻזכוּרוּ״ודכורו#3#״ לָא תִתבְעוֹן״תִתבְעוּן#3#״ לְאִסתַאָבָא בְהוֹן אְנָא יוי אְלָהְכוֹן׃
(1) 23:91	מִן קְדָם דְסָבַר בְאוֹרָיתָא תְקוּם וְתַהדַר אַפֵי סָבָא וְתִדחַל מֵאְלָהָך אְנָא יוי׃
(1) 33:91	וַאְרֵי יִתגַייַר עִימְכוֹן גִיוֹרָא בַאְרַעכוֹן לָא תוֹנוֹן יָתֵיה׃
(1) 43:91	כְיַצִיבָא מִינְכוֹן יְהֵי לְכוֹן גִיוֹרָא דְיִתגַיַיר עִמְכוֹן וְתִרחַם לֵיה כְוָתָך אְרֵי דַיָירִין הְוֵיתוֹן בארעא דְמִצרָיִם אְנָא יוי אְלָהָכוֹן׃
(1) 53:91	לָא תַעבְדוּן שְקַר בְדִין בְמִישחַתָא בְמַתקָלָא וֻבמִכִילְתָא׃
(1) 63:91	מוֹזְנָוָן״מֵיזְנָוָון#3#״ דִקשוֹט מַתקָלִין דִקשוֹט מְכִילָן דִקשוֹט וְהִינִין דִקשוֹט יְהוֹן לְכוֹן אְנָא יוי אְלָהְכוֹן דְאַפֵיקִית יָתְכוֹן מֵאַרעָא דְמִצרָיִם׃
(1) 73:91	וְתִיטְרוּן יָת כֹל קְיָמַי״קִיָמַי#2#״ וְיָת כֹל דִינַי וְתַעבְדוּן יָתְהוֹן אְנָא יוי׃

next chapter