H The Comprehensive Aramaic Lexicon

CAL CODE HELP CLICK HERE
click on the file description for more information

51003: TgO Lv

click on a word for lexical analysis
Click on a red-colored coordinate for comments and/or translations of the line

previous chapter


(1) 10:81 ומליל יוי עם״לות#3#״ משה למימר׃
(1) 20:81 מַלֵיל עִם בְנֵי ישראל וְתֵימַר לְהוֹן אְנָא יוי אְלָהְכוֹן׃
(1) 30:81 כְעוֹבָדֵי״כְעוּבָדֵי#3#״ עַמָא דארעא דמצרים דִיתֵיבתוּן בַה לָא תַעבְדוּן וֻכעוֹבָדֵי״וֻכעוּבָדֵי#3#״ עַמָא דארעא דִכנַעַן דַאְנָא מַעֵיל יָתְכוֹן לְתַמָן לָא תַעבְדוּן וֻבנִמוֹסֵיהוֹן לָא תְהָכוֹן׃
(1) 40:81 יָת דִינַי תַעבְדוּן וְיָת קְיָמַי״קִיָמַי#3#״ תִיטְרוּן לְהַלָכָא בְהוֹן אְנָא יוי אְלָהְכוֹן׃
(1) 50:81 וְתִיטְרוּן יָת קְיָמַי״קִיָמַי#3#״ וְיָת דִינַי דְאִם יַעְבֵיד יָתְהוֹן אְנָשָא יֵיחֵי בְהוֹן בְחַיֵי עָלְמָא אְנָא יוי׃
(1) 60:81 גְבַר גְבַר לְכֹל קָרִיב בִסרֵיה לָא תִקרְבוּן לְגַלָאָה עַריָא״עיריא#3#״ אְנָא יוי׃
(1) 70:81 עַריַת״עירית#3#״ אְבוּך וְעַריַת״ועירית#3#״ אִימָך לָא תְגַלֵי אִימָך הִיא לָא תְגַלֵי עַריְתַה״עיריתה#3#״׃
(1) 80:81 עַריַת״עִריַת#3#״ אִיתַת אְבוּך לָא תְגַלֵי עַריְתָא״עִריְתָא#3#״ דַאְבוּך הִיא׃
(1) 90:81 עַריַת״עִריַת#3#״ אְחָתָך בַת אְבוּך אוֹ בַת אִימַך דִילִידָא מִן אְבוּך מִן אִיתָא אוּחרִי״אָחְֹרִי#3#״ אוֹ מִן אִימָך מִן גְבַר אוּחרָן״אָחְֹרָן#3#״ לָא תְגַלֵי עַריָתְהוֹן״עיריתהין#3#״׃
(1) 01:81 עַריַת״עִריַת#3#״ בַת בְרָך אוֹ בַת בְרַתָך לָא תְגַלֵי עַריָתְהוֹן״עִריָתְהוֹן#3#״ אְרֵי עַריְתָך אִינִין״אינון#3#״׃
(1) 11:81 עַריַת״עִריַת#3#״ בַת אִיתַת אְבוּך דִילִידָא מִן אְבוּך אְחָתָך הִיא לָא תְגַלֵי עַריְתַה׃
(1) 21:81 עַריַת״עירית#3#״ אַחָת״אְחַת#3#״ אְבוּך לָא תְגַלֵי קָרִיבַת אַבוּך הִיא׃
(1) 31:81 עַריַת״עִריַת#3#״ אַחָת״אְחַת#3#״ אִימָך לָא תְגַלֵי אְרֵי קָרִיבַת אִימָך הִיא׃
(1) 41:81 עִריַת אַחבוּך לָא תְגַלֵי לְאִיתְתֵיה לָא תִקרַב אִיתַת אַחבוּך הִיא׃
(1) 51:81 עִריַת כַלְתָך לָא תְגַלֵי אִיתַת בְרָך הִיא לָא תְגַלֵי עִריָתַה׃
(1) 61:81 עִריַת אִיתַת אְחוּך לָא תְגַלֵי עִריְתָא דַאְחוּך הִיא׃
(1) 71:81 עִריַת אִיתְתָא וֻברַתַה לָא תְגַלֵי יָת בַת בְרַה וְיָת בַת בְרַתַה לָא תִיסַב לְגַלָאָה עִריְתַה קָרִיבִין אִינִין עֵיצַת חְטִין הִיא׃
(1) 81:81 וְאִיתְתָא עִם אְחָתַה לָא תִיסַב לְאַעָקָא לַה לְגַלָאָה עִריְתַה עְלָה בְחַייַהָא׃
(1) 91:81 וֻלאִיתְתָא בְרִיחוּק סְאוֹבְתַה לָא תִקרַב לְגַלָאָה עַרִיְתַה׃
(1) 02:81 וֻבאִיתַת חַברָך לָא תִתֵין שְכֻבתָך״שְכָבתָך#3#״ לְזַרעָא לְאִסתַאָבָא בַה׃
(1) 12:81 וֻמִזַרעָך לָא תִתֵין לְאַעְבָרָא לְמוֹלַך וְלָא תַחֵיל יָת שְמָא דַאְלָהָך אְנָא יוי׃
(1) 22:81 וְיָת דְכוּרָא לָא תִשכַב״תִשכוֹב#3#״ מִשכְבֵי אִיתָא תוֹעֵיבָה הִיא׃
(1) 32:81 וֻבכָל בְעִירָא לָא תִתֵין שְכוּבתָך לְאִסתַאָבָא בַה וְאִיתְתָא לָא תְקוּם קְדָם בְעִירָא לְמִשלַט בַה תָבְלָא״תיבלא#3#״ הוּא׃
(1) 42:81 לָא תִסתָאְבוּן בְכֹל אִלֵין אְרֵי בְכֹל אִסתָאְבוּ״אִסתָאַבוּ#3#״ עַמְמַיָא דַאְנָא מַגלֵי מִן קְדָמֵיכוֹן׃
(1) 52:81 וְאִסתָאַבַת אַרעָא וְאַסעַרִית חוֹבַה עְלַה וְרוֹקֵינַת ארעא יָת יָתְבַהָא׃
(1) 62:81 וְתִיטְרוּן אַתוּן יָת קְיָמַי״קִיָמַי#3#״ וְיָת דִינַי וְלָא תַעבְדוּן מִכֹל תוֹעֵיבָתָא הָאִלֵין יַצִיבַיָא וְגִיוֹרַיָא דְיִתגַיְרוּן בֵינֵיכוֹן׃
(1) 72:81 אְרֵי יָת כֹל תוֹעֵיבָתָא הָאִלֵין עְבַדוּ אְנָשֵי אַרעָא דִקדָמֵיכוֹן וְאִסתָאַבַת ארעא׃
(1) 82:81 וְלָא תְרוֹקֵין ארעא יָתְכוֹן בְסַאוֹבֵיכוֹן יָתַה כְמָא דְרוֹקֵינַת יָת עַמְמַיָא דִקדָמֵיכוֹן׃
(1) 92:81 אְרֵי כֹל דְיַעְבֵיד מִכֹל תוֹעֵיבָתָא הָאִלֵין וְיִשתֵיצוֹן נַפשָתָא דְיַעבְדָן מִגוֹ עַמְהוֹן׃
(1) 03:81 וְתִיטְרוּן יָת מַטְרַת מֵימְרִי בְדִיל דְלָא לְמַעְבַד מִנִמוֹסֵי תוֹעֵיבָתָא דְאִתעְבִידָא קְדָמֵיכוֹן וְלָא תִסתָאְבוּן בְהוֹן אְנָא יוי אְלָהְכוֹן׃

next chapter