The Comprehensive Aramaic Lexicon

(1) 10:41	וֻמַלֵיל יוי עִם״לות#3#״ מֹשַה לְמֵימַר׃
(1) 20:41	דָא תְהֵי אוֹרָיתָא דִסגִירָא בְיוֹמָא דִדכוּתֵיה״דדכיותיה#3#״ וְיִתֵיתֵי לְוָת כָהְנָא׃
(1) 30:41	וְיִפוֹק כָהְנָא לְמִבַרָא לְמַשרִיתָא וְיִחזֵי כָהְנָא וְהָא אִיתַסִי מַכתָש סְגִירוּתָא מִן סְגִירָא׃
(1) 40:41	וִיפַקֵיד כָהְנָא וְיִסַב לִדמִדַכֵי תַרתֵין״תְרֵין#3#״ צִיפְרִין״צפורין#3#״ חַיָין״חַיִין#3#״ דַכיָן״דָכיָן#3#״ וְאָעָא דְאַרזָא וֻצבַע זְהוֹרִי וְאֵזיוֹבָא׃
(1) 50:41	וִיפַקֵיד כָהְנָא וְיִכוֹס יָת צִיפְרָא״צפורא#3#״ חְדָא לְמָן דַחסַף עַל מֵי מַבוּעַ׃
(1) 60:41	יָת צִיפְרָא״צפורא#3#״ חַיתָא יִסַב יָתַה וְיָת אָעָא דְאַרזָא וְיָת צְבַע זְהוֹרִי וְיָת אֵיזוֹבָא וְיִטבוֹל יָתְהוֹן וְיָת צִיפְרָא חַיתָא בִדמָא דְצִיפְרָא דִנכִיסָא עַל מֵי מַבוּע׃
(1) 70:41	וְיַדֵי עַל דְמִדַכֵי מִן סְגִירוּתָא שְבַע זִמנִין וְידַכֵינֵיה וִישַלַח יָת צִיפְרָא״צפורא#3#״ חַיתָא עַל אַפֵי חַקלָא׃
(1) 80:41	וִיצַבַע דְמִדַכֵי יָת לְבוּשוֹהִי וִיגַלַח יָת כֹל סַעְרֵיה וְיַסחֵי בְמַיָא וְיִדכֵי וֻבָתַר כֵין יֵיעוֹל לְמַשרִיתָא וְיִתֵיב מִבַרָא״למברא#3#״ לְמַשכְנֵיה שִבעָה יוֹמִין׃
(1) 90:41	וִיהֵי בְיוֹמָא שְבִיעָאָה יְגַלַח יָת כֹל סַעְרֵיה״סְעָרֵיה#3#״ יָת רֵישֵיה וְיָת דִקנֵיה וְיָת גְבִינֵי עֵינוֹהִי וְיָת כֹל סַעְרֵיה יְגַלַח וִיצַבַע יָת לְבוּשוֹהִי וְיַסחֵי יָת בִסרֵיה בְמַיָא וְיִדכֵי׃
(1) 01:41	וֻביוֹמָא תְמִינָאָה יִסַב תְרֵין אִימְרִין שַלמִין וְאִימַרתָא חְדָא בַת שַתַה שַלמְתָא וֻתלָתָא עַסרוֹנִין סוּלתָא מִנחָתָא דְפִילָא בִמשַח וְלוּגָא חַד דְמִשחָא׃
(1) 11:41	וִיקִים כָהְנָא דִמדַכֵי יָת גַברָא״גֻברָא#3#״ דְמִדַכֵי וְיָתְהוֹן קְדָם יוי בִתרַע מַשכַן זִמנָא׃
(1) 21:41	וְיִסַב כָהְנָא יָת אִימְרָא חְדָא״חַד#3#״ וִיקָרֵיב יָתֵיה לַאְשָמָא וְיָת לוֹגָא דְמִשחָא וִירִים יָתְהוֹן אְרָמָא״ארמותא#3#״ קדם יוי׃
(1) 31:41	וְיִכוֹס יָת אִימְרָא בְאַתרָא דְיִכוֹס יָת חַטָתָא וְיָת עְלָתָא בַאְתַר קַדִיש״קודשא#3#״ אְרֵי כְחַטָתָא אְשָמָא״אַשָמָא#3#״ הוּא לְכָהְנָא קוֹדַש קוּדשִין הוּא׃
(1) 41:41	וְיִסַב כָהְנָא מִדְמָא דַאְשָמָא וְיִתֵין כָהְנָא עַד רוּם אוּדנָא דְמִידַכֵי דְיַמִינָא וְעַל אִליוֹן״אַליוֹן#3#״ יְדֵיה דְיַמִינָא וְעַל אִליוֹן״אַליוֹן#3#״ רַגלֵיה״ריגליה#3#״ דְיַמִינָא׃
(1) 51:41	וְיִסַב כָהְנָא מִלוּגָא״מִלוֹגָא#3#״ דְמִשחָא וִירִיק עַל יְדָא דְכָהְנָא דִסמָלָא״שׂמאליתא#3#״׃
(1) 61:41	וְיִטבוֹל כָהְנָא יָת אַצבְעֵיה״איצבעיה#3#״ דְיַמִינָא מִן מִשחָא דְעַל יְדֵיה דִסמָלָא וְיַדֵי מִן מִשחָא בְאַצבְעֵיה שְבַע זִמנִין קדם יוי׃
(1) 71:41	וֻמִשְאָר מִשחָא דְעַל יְדֵיה יִתֵין כָהְנָא עַל רוּם אוּדנָא דְמִידַכֵי דְיַמִינָא וְעַל אִליוֹן״אַליוֹן#3#״ יְדֵיה דְיַמִינָא וְעַל אִליוֹן״אַליוֹן#3#״ רַגלֵיה״ריגליה#3#״ דְיַמִינָא עַל דְמָא דַאְשָמָא׃
(1) 81:41	וֻדיִשתְאַר בְמִשחָא דְעַל יְדָא דְכָהְנָא יִתֵין עַל רֵישָא דְמִידַכֵי וִיכַפַר עְלוֹהִי כָהְנָא קדם יוי׃
(1) 91:41	וְיַעְבֵיד כָהְנָא יָת חַטָתָא וִיכַפַר עַל דְמִדַכֵי מִסְאוֹבְתֵיה״מסואבתיה#3#״ וֻבָתַר כֵין יִכוֹס יָת עְלָתָא׃
(1) 02:41	וְיַסֵיק כָהְנָא יָת עְלָתָא וְיָת מִנחָתָא לְמַדבְחָא וִיכַפַר עְלוֹהִי כָהְנָא וְיִדכֵי׃
(1) 12:41	וְאִם מִסכֵין הוּא וְלֵית יְדֵיה מַדבְקָא וְיִסַב אִימַר חַד אְשָמָא לַאְרָמָא״לארמותא#3#״ לְכַפָרָא עְלוֹהִי וְעַסרוֹנָא״ועיסרוֹנא#3#״ סוּלתָא חַד דְפִיל בִמשַח לְמִנחָתָא וְלוּגָא״וְלוֹגָא#3#״ דְמִשחָא׃
(1) 22:41	וֻתרֵין״ותרתין#3#״ שַפנִינִין אוֹ תְרֵין בְנֵי יוֹנָה דְתַדבֵיק יְדֵיה וִיהֵי חַד חַטָתָא וְחַד עְלָתָא׃
(1) 32:41	וְייַתֵי יָתְהוֹן בְיוֹמָא תְמִינָאָה לִדכוּתֵיה״לדכיותיה#3#״ לְוָת כָהְנָא לִתרַע מַשכַן זִמנָא לִקדָם״קְֹדָם#3#״ יוי׃
(1) 42:41	וְיִסַב כָהְנָא יָת אִימְרָא דַאְשָמָא וְיָת לוּגָא״לוֹגָא#3#״ דְמִשחָא וִירִים יָתְהוֹן כָהְנָא אְרָמָא״ארמותא#3#״ קדם יוי׃
(1) 52:41	וְיִכוֹס יָת אִימְרָא דַאְשָמָא וְיִסַב כָהְנָא מִדְמָא דַאְשָמָא וְיִתֵין עַל רוּם אוּדנָא דְמִידַכֵי דְיַמִינָא וְעַל אִליוֹן״אַליוֹן#3#״ יְדֵיה דְיַמִינָא וְעַל אִליוֹן״אַליוֹן#3#״ רַגלֵיה״ריגליה#3#״ דְיַמִינָא׃
(1) 62:41	וֻמִן מִשחָא יְרִיק כָהְנָא עַל יְדָא דְכָהְנָא דִשׂמָלָא׃
(1) 72:41	וְיַדֵי כָהְנָא בְאַצבְעֵיה״באיצבעיה#3#״ דְיַמִינָא מִן מִשחָא דְעַל יְדֵיה דִסמָלָא״שׂמאליתא#3#״ שְבַע זִמנִין קדם יוי׃
(1) 82:41	וְיִתֵין כָהְנָא מִן מִשחָא דְעַל יְדֵיה עַל רוּם אוּדנָא דְמִידַכֵי דְיַמִינָא וְעַל אִליוֹן״אַליוֹן#3#״ יְדֵיה דְיַמִינָא וְעַל אִליוֹן״אַליוֹן#3#״ רַגלֵיה״ריגליה#3#״ דְיַמִינָא עַל אְתָר דְמָא דַאְשָמָא׃
(1) 92:41	וֻדיִשתְאַר מִן מִשחָא דְעַל יְדָא דְכָהְנָא יִתֵין עַל רֵישָא דְמִידַכֵי לְכַפָרָא עְלוֹהִי קְדָם יוי׃
(1) 03:41	וְיַעְבֵיד יָת חַד מִן שַפנִינַיָא אוֹ מִן בְנֵי יוֹנָה מִדְתַדבֵיק יְדֵיה׃
(1) 13:41	יָת דְתַדבֵיק יְדֵיה יָת חַד חַטָתָא וְיָת חַד עְלָתָא עַל מִנחָתָא וִיכַפַר כָהְנָא עַל דְמִידַכֵי קדם יוי׃
(1) 23:41	דָא אוֹרָיתָא דְבֵיה מַכתָש״מיכתש#3#״ סְגִירוּ דְלָא תַדבֵיק יְדֵיה בִדכוּתֵיה״בדכיותיה#3#״׃
(1) 33:41	וֻמַלֵיל יוי עִם״לות#3#״ מֹשַה וֻלאהרן לְמֵימַר׃
(1) 43:41	אְרֵי תֵיעְלוּן לארעא דִכנַעַן דַאְנָא יָהֵיב לְכוֹן לְאַחסָנָא וְאִיתֵין מַכתָש סְגִירוּ בְבֵית אְרַע אַחסָנַתכוֹן׃
(1) 53:41	וְיֵיתֵי״ייעול#3#״ דְדִילֵיה בֵיתָא וִיחַוֵי לְכָהְנָא לְמֵימַר כְמַכתָשָא אִיתַחזִי לִי בְבֵיתָא׃
(1) 63:41	וִיפַקֵיד כָהְנָא וִיפַנוֹן יָת בֵיתָא עַד לָא יֵיעוֹל כָהְנָא לְמִחזֵי יָת מַכתָשָא״מיכתשא#3#״ וְלָא יִסתָאַב כֹל דִבבֵיתָא וֻבָתַר כֵין יֵיעוֹל כָהְנָא לְמִחזֵי יָת בֵיתָא׃
(1) 73:41	וְיִחזֵי יָת מַכתָשָא״מיכתשא#3#״ וְהָא מַכתָשָא״מיכתשא#3#״ בְכוּתלֵי בֵיתָא פַחתִין יָרְקָן אוֹ סָמְקָן וֻמִחזֵיהוֹן״ומחזיהין#3#״ מַכִיך מִן כוּתלָא׃
(1) 83:41	וְיִפוֹק כהנא מִן בֵיתָא לִתרַע בֵיתָא וְיַסגַר יָת בֵיתָא שִבעָה יוֹמִין׃
(1) 93:41	וִיתוּב כָהְנָא בְיוֹמָא שְבִיעָאָה וְיִחזֵי וְהָא אוֹסֵיף מַכתָשָא״מיכתשא#3#״ בְכוּתלֵי בֵיתָא׃
(1) 04:41	וִיפַקֵיד כָהְנָא וִישַלְפוּן״ויקלפון#3#״ יָת אַבנַיָא דִבהוֹן״דבהין#3#״ מַכתָשָא״מיכתשא#3#״ וְיִרמוֹן יָתְהוֹן״יתהין#3#״ לְמִבַרָא לְקַרתָא לַאְתַר מְסָאַב׃
(1) 14:41	וְיָת בֵיתָא יְקַלְפוּן מִגָיו״מלגיו#3#״ סחור סחור וְיִרמוֹן יָת עַפרָא דְקַלִיפוּ לְמִבַרָא לְקַרתָא לַאְתַר מְסָאַב׃
(1) 24:41	וְיִסְבוּן אַבנִין אוּחרָנִין״אָחְֹרָנִין#3#״ וְיַעְלוּן״וייתון#3#״ בַאְתַר אַבנַיָא וַעפַר״וַעְפַר#3#״ אָחָרָן״אוּחרָן#3#״ יִסַב וִישוּעַ יָת בֵיתָא׃
(1) 34:41	וְאִם יְתוּב מַכתָשָא״מיכתשא#3#״ וְיִסגֵי בְבֵיתָא בָתַר דְשַלִיפוּ״דקליפו#3#״ יָת אַבנַיָא וֻבָתַר דְקַלִיפוּ״דשליפו#3#״ יָת בֵיתָא וֻבָתַר דְאִיתְשָע׃
(1) 44:41	וְיֵיעוֹל כָהְנָא וְיִחזֵי וְהָא אוֹסֵיף מַכתָשָא״מיכתשא#3#״ בְבֵיתָא סְגִירוּת מְחַסְרָא הִיא בְבֵיתָא מְסָאַב הוּא׃
(1) 54:41	וִיתָרַע יָת בֵיתָא יָת אַבנוֹהִי וְיָת אָעוֹהִי וְיָת כֹל עְפַר בֵיתָא וְיַפֵיק״ויפוק#3#״ לְמִבַרָא לְקַרתָא לְאְתַר מְסָאַב׃
(1) 64:41	וֻדיֵיעוֹל לְבֵיתָא כֹל יוֹמִין דְיַסגַר יָתֵיה יְהֵי מְסָאַב עַד רַמשָא׃
(1) 74:41	וֻדיִשכוֹב בְבֵיתָא יְצַבַע יָת לְבוּשוֹהִי וֻדיֵיכוֹל בְבֵיתָא יְצַבַע יָת לְבוּשוֹהִי׃
(1) 84:41	וְאִם מֵיעָל יֵיעוֹל כָהְנָא וְיִחזֵי וְהָא לָא אוֹסֵיף מַכתָשָא בְבֵיתָא בָתַר דְאִיתְשָע בֵיתָא וִידַכֵי כָהְנָא יָת בֵיתָא אְרֵי אִיתַסִי מַכתָשָא׃
(1) 94:41	וְיִסַב לְדַכָאָה״למדכי#3#״ יָת בֵיתָא תַרתֵין״תרין#3#״ צִיפְרִין וְאָעָא דְאַרזָא וֻצבַע זְהוֹרִי וְאֵיזוֹבָא׃
(1) 05:41	וְיִכוֹס יָת צִיפְרָא״צפורא#3#״ חְדָא לְמָן דַחסַף עַל מֵי מַבוּעַ׃
(1) 15:41	וְיִסַב יָת אָעָא דְאַרזָא וְיָת אֵיזוֹבָא וְיָת צְבַע זְהוֹרֵי וְיָת צִיפְרָא״צפורא#3#״ חַיתָא וְיִטבוֹל יָתְהוֹן בִדמָא דְצִיפְרָא דִנכִיסְתָא וֻבמֵי מַבוּע וְיַדֵי לְבֵיתָא שְבַע זִמנִין׃
(1) 25:41	וְיִדַכֵי יָת בֵיתָא בִדמָא דְצִיפְרָא וֻבמֵי מַבוּע וֻבצִיפְרָא חַיתָא וֻבאָעָא דְאַרזָא וֻבאֵיזוֹבָא וֻבִצבַע זְהוֹרִי׃
(1) 35:41	וִישַלַח יָת צִיפְרָא״ציפורא#3#״ חַיתָא לְמִבַרָא לְקַרתָא עַל אַפֵי חַקלָא וִיכַפַר עַל בֵיתָא וְיִדְכֵי׃
(1) 45:41	דָא אוֹרָיתָא לְכֹל מַכתָש״מוכתש#3#״ סְגִירוּתָא וֻלנִתקָא׃
(1) 55:41	וְלִסגִירוּת לְבוּשָא וֻלבֵיתָא׃
(1) 65:41	וֻלעָמְקָא וֻלעַדיָא״וֻלעָדיָא#3#״ וֻלבַהרָא׃
(1) 75:41	לְאַלָפָא״לאפרשא#3#״ בְיוֹם מְסָאְבָא וֻביוֹם דַכיָא״דָכיָא#3#״ דָא אוֹרָיתָא דִסגִירוּתָא׃

next chapter