The Comprehensive Aramaic Lexicon

(1) 10:01	וֻנסִיבוּ בְנֵי אַהְרֹן נָדָב וַאְבִיהוּא גְבַר מַחתִיתֵיה וִיהַבוּ בְהוֹן״בהין#3#״ אִישָתָא וְשַוִיוּ עְלַה קְטוֹרַת בוּסמִין וְקָרִיבוּ״וֻקרִיבוּ#3#״ קְדָם יוי אִישָתָא נוּכרֵיתָא דְלָא פַקֵיד יָתְהוֹן׃
(1) 20:01	וֻנפַקַת אִישָתָא מִן קדם יוי וַאְכַלַת יָתְהוֹן וְמִיתוּ קדם יוי׃
(1) 30:01	וַאְמַר מֹשַה לאהרן הוּא דְמַלֵיל יוי לְמֵימַר בְקָרִיבַי אִתקַדַש וְעַל אַפֵי כֹל עַמָא אִתיַקַר וֻשתֵיק אַהְרֹן׃
(1) 40:01	וֻקרָא מֹשַה לְמִישָאֵל וֻלאַלצָפָן בְנֵי עֻזִיאֵל אַחבוּהִי״אח אבוהי#3#״ דאהרן וַאְמַר לְהוֹן קְרוּבוּ״קְרַבוּ#3#״קריבו#3#״ טוּלו יָת אְחֵיכוֹן מִן קְדָם״מלות#3#״ קוּדשָא לְמִבַרָא לְמַשרִיתָא׃
(1) 50:01	וֻקרִיבוּ וֻנטַלוּנִין בְכִיתוּנֵיהוֹן לְמִבַרָא לְמַשרִיתָא כְמָא דְמַלֵיל״דיפקד#3#״ מֹשַה׃
(1) 60:01	וַאְמַר משה לאהרן וֻלאַלעָזָר וֻלאִיתָמָר בְנוֹהִי רֵישֵיכוֹן לָא תְרַבוּן פֵירוּעַ וֻלבוּשֵיכוֹן לָא תְבַזְעוּן וְלָא תְמוּתוּן וְעַל כֹל כְנִשתָא יְהֵי רוּגזָא וַאְחֵיכוֹן כֹל בֵית יִשרָאֵל יִבכוֹן יָת יְקֵידְתָא דְאוֹקֵיד יוי׃
(1) 70:01	וֻמִתְרַע מַשכַן זִמנָא לָא תִיפְקוּן דִלמָא תְמוּתוּן אְרֵי מְשַח רְבוּתָא דַיוי עְלֵיכוֹן וַעְבַדוּ כְפִתגָמָא דְמֹשַה׃
(1) 80:01	וֻמַלֵיל יוי לאהרן לְמֵימַר׃
(1) 90:01	חְמַר וֻמרַוֵי לָא תִשתֵי אַת וֻבנָך עִמָך בְמֵיעַלכוֹן לְמַשכַן זִמנָא וְלָא תְמוּתוּן קְיָם עָלַם לְדָרֵיכוֹן״לדרתיכון#3#״׃
(1) 01:01	וֻלאַפרָשָא בֵין קוּדשָא וֻבֵין חוּלָא וֻבֵין מְסָאְבָא וֻבֵין דַכיָא״דָכיָא#3#״׃
(1) 11:01	וֻלאַלָפָא יָת בְנֵי ישראל יָת כֹל קִיָמַיָא״קְיָמַיָא#3#״ דְמַלֵיל יוי לְהוֹן בִידָא דְמֹשַה׃
(1) 21:01	וֻמַלֵיל משה עם אַהְרֹן וְעִם אַלעָזָר וְעִם אִיתָמָר בְנוֹהִי דְאִשתְאַרוּ סוּבוּ״סַבוּ#3#״סיבו#3#״ יָת מִנחָתָא דְאִשתְאַרַת מִקוּרבָנַיָא דַיוי וְאִכלוּהָא פַטִיר בִסטַר מַדבְחָא אְרֵי קוֹדַש קוּדשִין הִיא׃
(1) 31:01	וְתֵיכְלוּן יָתַה בַאְתַר קַדִיש אְרֵי חוּלָקָך וְחוּלָק בְנָך הִיא מִקרוּבָנַיָא דַיוי אְרֵי כֵין אִתפַקַדִית׃
(1) 41:01	וְיָת חַדיָא דַאְרָמוּתָא וְיָת שָקָא״שוקא#3#״ דְאַפרָשוּתָא תֵיכְלוּן בַאְתַר דְכֵי אַת וֻבנָך וֻבנָתָך עִימָך אְרֵי חוּלָקָך וְחוּלָק בְנָך אִתיְהִיבוּ מִנִכסַת קוּדשַיָא דִבנֵי ישראל׃
(1) 51:01	שָקָא״שוקא#3#״ דְאַפרָשוּתָא וְחַדיָא דַאְרָמוּתָא עַל קוּרבָנֵי תַרבַיָא יִתֵיתוֹן״ייתון#3#״ לַאְרָמָא אְרָמָא״ארמותא#3#״ קדם יוי וִיהֵי לָך וְלִבנָך עִמָך לִקיָם עָלַם כְמָא דְפַקֵיד יוי׃
(1) 61:01	וְיָת צְפִירָא דְחַטָתָא מִתבָע תַבעֵיה מֹשַה וְהָא אִיתוֹקַד וֻרגֵיז עַל אַלעָזָר וְעַל אִיתָמָר בְנֵי אַהְרֹן דְאִשתְאַרוּ לְמֵימַר׃
(1) 71:01	מָדֵין לָא אְכַלתוּן יָת חַטָתָא בַאְתַר קַדִיש״קודשא#3#״ אְרֵי קֹדַש קוּדשִין הִיא וְיָתַה יְהַב לְכוֹן לְסַלָחָא עַל חוֹבֵי כְנִשתָא לְכַפָרָא עְלֵיהוֹן קדם יוי׃
(1) 81:01	הָא לָא אִיתָעַל מִדְמַה לְבֵית קֻדשָא גָוָאָה״גַוָאָה#3#״ מֵיכָל תֵיכְלוּן יָתַה בְקוּדשָא כְמָא דְפַקַדִית״די אתפקדית#3#״׃
(1) 91:01	וֻמלֵיל אהרן עִם מֹשַה הָא יוֹמָא דֵין קָרִיבוּ״קְרִיבוּ#3#״ יָת חַטָוָתְהוֹן״חטאתהון#3#״ וְיָת עְלָוָתְהוֹן״עלתהון#3#״ קְדָם יוי וְעָרַעָא יָתִי עָקָן כְאִלֵין וְאִלוּ פוֹן אְכַלִית חַטָתָא יוֹמָא דֵין הְתָקֵין קדם יוי׃
(1) 02:01	וֻשמַע מֹשַה וֻשפַר בְעֵינוֹהִי׃

next chapter