The Comprehensive Aramaic Lexicon

(1) 10:90	וַהְוָה בְיוֹמָא תְמִינָאָה קְרָא מֹשַה לְאַהְרֹן וְלִבנוֹהִי וֻלסָבֵי יִשראל׃
(1) 20:90	וַאְמַר לאהרן סַב לָך עֵיגַל בַר תוֹרֵי לְחַטָתָא וֻדכַר לַעְלָתָא שַלמִין וְקָרֵיב״ואקריב#3#״ קדם יוי׃
(1) 30:90	וְעִם בְנֵי יִשרָאֵל תְמַלֵיל לְמֵימַר סַבוּ״סיבו#3#״ צְפִיר בַר עִזִין לְחַטָתָא וְעֵיגַל וְאִימַר בְנֵי שְנָה שַלמִין לַעְלָתָא׃
(1) 40:90	וְתוֹר וֻדכַר לְנִכסַת קֻדשַיָא לְדַבָחָא קְדָם יוי וֻמִנחָתָא דְפִילָא בִמשַח אְרֵי יוֹמָא דֵין יְקָרָא דַיוי מִתגְלֵי לְכוֹן׃
(1) 50:90	וְקָרִיבוּ״וֻקרִיבוּ#3#״וֻנסִיבוּ#3#״ יָת דְפַקֵיד מֹשַה לִקדָם מַשכַן זִמנָא וֻקרִיבוּ כֹל כְנִישתָא וְקָמוּ קדם יוי׃
(1) 60:90	וַאְמַר מֹשַה דֵין פִתגָמָא דְפַקֵיד יוי תַעבְדוּן וְיִתגְלֵי לְכוֹן יְקָרָא דַיוי׃
(1) 70:90	וַאְמַר מֹשַה לאהרן קְרַב לְמַדבְחָא וְעִיבֵיד״וַעְבֵיד#3#״ יָת חְטָתָך וְיָת עְלָתָך וְכַפַר עְלָך וְעַל עַמָא וְעִיבֵיד״וַעְבֵיד#3#״ יָת קוּרבַן עַמָא וְכַפַר עְלֵיהוֹן כְמָא דְפַקֵיד יוי׃
(1) 80:90	וֻקרֵיב אהרן לְמַדבְחָא וֻנכַס״ונכיס#3#״ יָת עִגלָא״עְלָתָא#3#״ דְחַטָתָא דִילֵיה׃
(1) 90:90	וְקָרִיבוּ״וֻקרִיבוּ#3#״ בְנֵי אהרן יָת דְמָא לֵיה וֻטבַל אַצבְעֵיה״איצבעיה#3#״ בִדמָא וִיהַב עַל קַרנָת מַדבְחָא וְיָת דְמָא אְרֵיק לִיסוֹדָא דְמַדבְחָא׃
(1) 01:90	וְיָת תַרבָא מִן כוֹליָתָא וְיָת חַצרָא״חיצרא#3#״ מִן כַבדָא מִן חַטָתָא אַסֵיק לְמַדבְחָא כְמָא דְפַקֵיד יוי יְת מֹשַה׃
(1) 11:90	וְיָת בִסרָא וְיָת מַשכָא אוֹקֵיד בְנוּרָא מִבַרָא לְמשַרִיתָא׃
(1) 21:90	וֻנכַס״ונכיס#3#״ יָת עְלָתָא וְאַמטִיאוּ בְנֵי אהרן לֵיה יָת דְמָא וְזַרקֵיה עַל מַדבְחָא סחור סחור׃
(1) 31:90	וְיָת עְלָתָא אַמטִיוּ לֵיה לְאִברַהָא״לְאַברַהָא#3#״ וְיָת רֵישָא וְאַסֵיק עַל מַדבְחָא׃
(1) 41:90	וְחַלֵיל יָת גַוָא וְיָת כְרָעַיָא וְאַסֵיק עַל עְלָתָא לְמַדבְחָא׃
(1) 51:90	וְקָרֵיב יָת קוּרבַן עַמָא וֻנסֵיב יָת צְפִירָא דְחַטָתָא דִלעַמָא וְנַכסֵיה וְכַפַר בִדמֵיה כְקַדמָאָה׃
(1) 61:90	וְקָרֵיב יָת עְלָתָא וְעַבדַה כְדַחזֵי׃
(1) 71:90	וְקָרֵיב יָת מִנחָתָא וֻמלָא יְדֵיה מִינַה וְאַסֵיק עַל מַדבְחָא בַר״בָר#3#״ מֵעְלַת צַפרָא׃
(1) 81:90	וֻנכַס״ונכיס#3#״ יָת תוֹרָא וְיָת דִכרָא לְנִכסַת קוּדשַיָא דִלעַמָא וְאַמטִיאוּ בְנֵי אהרן יָת דְמָא לֵיה וְזַרקֵיה עַל מַדבְחָא סחור סחור׃
(1) 91:90	וְיָת תַרבַיָא מִן תוֹרָא וֻמִן דִכרָא אַליְתָא וְחָפֵי גַוָא וְכוֹליָתָא וַחַצַר כַבדָא׃
(1) 02:90	וְשַוִיאוּ יָת תַרבַיָא עַל חְדָוָתָא״חַדוָתָא#3#״ וְאַסֵיק תַרבַיָא לְמַדבְחָא׃
(1) 12:90	וְיָת חְדָוָתָא״חַדוָתָא#3#״ וְיָת שָקָא״שוקא#3#״ דְיַמִינָא אְרֵים אַהְרֹן אְרָמָא״ארמותא#3#״ קדם יוי כְמָא דְפַקֵיד מֹשַה׃
(1) 22:90	וַאְרֵים אהרן יָת יְדוֹהִי לְעַמָא וְבָרֵיכִינוּן וֻנחַת מִלְמַעְבַד חַטָתָא וַעְלָתָא וְנִכסַת קוּדשַיָא׃
(1) 32:90	וְעָל משה ואהרן לְמַשכַן זִמנָא וֻנפַקוּ וְבָרִיכְו״וְבָרִיכוּ#3#״ יָת עַמָא וְאִתגְלִי יְקָרָא דַיוי לְכֹל עַמָא׃
(1) 42:90	וֻנפַקַת אִישָתָא מִן קדם יוי וַאְכַלַת עַל מַדבְחָא יָת עְלָתָא וְיָת תַרבַיָא וַחזָא כֹל עַמָא וְשַבַחוּ וֻנפַלוּ עַל אַפֵיהוֹן׃

next chapter