The Comprehensive Aramaic Lexicon

(1) 10:50	וַאְנָש אְרֵי יְחוּב וְיִשמַע קָל מוֹמֵי״מומתא#3#״ וְהוּא סָהִיד אוֹ חְזָא אוֹ יְדַע אִם לָא יְחַוֵי וִיקַבֵיל חוֹבֵיה׃
(1) 20:50	אוֹ אְנָש דְיִקרַב בְכֹל מִדָעַם מְסָאַב אוֹ בְנִבלַת חַיתָא מְסָאַבתָא אוֹ בְנִבלַת בְעִירָא מְסָאְבָא אוֹ בְנִבלַת״בריחוק#3#״ רְחֵיש מְסָאַב וִיהֵי מְכַסַא״מְכֻסַא#3#״ מִנֵיה וְהוּא מְסָאַב״ידע#3#״ וְחָב׃
(1) 30:50	אוֹ אְרֵי יִקרַב״יקריב#3#״ בִסאוֹבַת״בְסוֹאְבָת#3#״ אְנָשָא לְכֹל סוֹבְתֵיה״סְאוֹבְתֵיה#3#״ דְיִסתָאַב בַה וִיהֵי מְכַסַא״מְכֻסַא#3#״ מִנֵיה וְהוּא יָדַע״מְסָאַב#3#״ וְחָב׃
(1) 40:50	אוֹ אְנָש אְרֵי יְקַיֵים לְפָרָשָא בְסִפוָן לְאַבאָשָא אוֹ לְאוֹטָבָא״לְאֵיטָבָא#3#״ לְכֹל דִיפָרֵיש אְנָשָא בְקִיוּם וִיהֵי מְכַסַא״מְכֻסַא#3#״ מִנֵיה וְהוּא יָדַע וְחָב לַחדָא מֵאִלֵין׃
(1) 50:50	וִיהֵי אְרֵי יְחוּב לַחדָא מֵאִלֵין וִיוַדֵי דְחָב עְלַה׃
(1) 60:50	וְיַיתֵי יָת חוֹבְתֵיה״אְשָמֵיה#3#״ לקדם״קדם#3#״ יוי עַל חוֹבְתֵיה דְחָב נוּקבָא מִן עָנָא אִימַרתָא אוֹ צְפִירַת עִזֵי לְחַטָתָא וִיכַפַר עְלוֹהִי כָהְנָא מֵחוֹבְתֵיה׃
(1) 70:50	וְאִם לָא תִמטֵי בִידֵיה כְמִיסַת אִמרָא״סִיתָא#3#״ וְיַיתֵי יָת חוֹבְתֵיה״אשמיה#3#״ דְחָב תְרֵין״תרתין#3#״ שַפנִינִין אוֹ תְרֵין בְנֵי יוֹנָה לקדם״קְֹדָם#3#״ יוי חַד לְחַטָתָא וְחַד לַעְלָתָא׃
(1) 80:50	וְיַיתֵי יָתְהוֹן לְוָת כָהְנָא וִיקָרֵיב יָת דִלחַטָתָא קַדמוּתָא״קַדמיתא#3#״ וְיִמלוֹק יָת רֵישֵיה מִקְבֵיל״מִקְֹבֵיל#3#״ קְדָלֵיה וְלָא יַפרֵיש׃
(1) 90:50	וְיַדֵי מִדמָא דְחַטָתָא עַל כוֹתַל מַדבְחָא וֻדיִשתְאַר בִדמָא יִתִמצֵי״יִתמְצֵי#3#״ לִיסוֹדָא דְמַדבְחָא חְטָתָא״חַטָתָא#3#״ הִיא׃
(1) 01:50	וְית תִניָנָא יַעְבֵיד עְלָתָא כְדַחזֵי וִיכַפַר עְלוֹהִי כָהְנָא מֵחוֹבְתֵיה דְחָב וְיִשתְבֵיק לֵיה׃
(1) 11:50	וְאִם לָא תַדבֵיק יְדֵיה לִתרֵין״לתרתין#3#״ שַפנִינִין אוֹ לִתרֵין בְנֵי יוֹנָה וְיַיתֵי יָת קוּרבָנֵיה דְחָב חַד מִן עַסרָא בִתלָת סְאִין סוּלתָא לְחַטָתָא לָא יְשַוֵי עְלַה מִשחָא וְלָא יִתֵין עְלַה לְבוֹנְתָא אְרֵי חְטָתָא״חַטָתָא#3#״ הִיא׃
(1) 21:50	וְיַיתֵינַה לְוָת כָהְנָא וְיִקמוֹץ כָהְנָא מִינַה מְלֵי״מְלוֹא#3#״ קוּמצֵיה יָת אִדכָרְתַה״אַדכָרְתַה#3#״ וְיַסֵיק לְמַדבְחָא עַל קוּרבָנַיָא דַיוי חַטָתָא הִיא׃
(1) 31:50	וִיכַפַר עְלוֹהִי כָהְנָא עַל חוֹבְתֵיה דְחָב מֵחְדָא מֵאִלֵין וְיִשתְבֵיק לֵיה וֻתהֵי לְכָהְנָא כְמִנחָתָא׃
(1) 41:50	ומליל יוי עם״לות#3#״ משה למימר׃
(1) 51:50	אְנָש אְרֵי יְשַקַר שְקַר וִיחוּב בְשָלוּ מִקֻדשַיָא דַיוי וְיַיתֵי יָת אְשָמֵיה לִקדָם״קדם#3#״ יוי דְכַר שְלִים מִן עָנָא בְפוּרסָנֵיה כְסַף סִלעִין בְסִלעֵיה קוּדשָא לַאְשָמָא׃
(1) 61:50	וְיָת דְחָב מִן קוּדשָא יְשַלֵים וְיָת חוּמשֵיה יוֹסֵיף עְלוֹהִי וְיִתֵין יָתֵיה לְכָהְנָא וְכָהְנָא יְכַפַר עְלוֹהִי בְדִכרָא דַאְשָמָא וְיִשתְבֵיק לֵיה׃
(1) 71:50	וְאִם אְנָש אְרֵי יְחוּב וְיַעְבֵיד חַד מִכֹל פִקוֹדַיָא דַיוי דְלָא כָשְרִין לְאִתעְבָדָא וְלָא יְדַע וְחָב וִיקַבֵיל חוֹבֵיה׃
(1) 81:50	וְיַיתֵי דְכַר שְלִים מִן עָנָא בְפוּרסָנֵיה לַאְשָמָא לְוָת כָהְנָא וִיכַפַר עְלוֹהִי כָהְנָא עַל שָלוּתֵיה דְאִשתְלִי וְהוּא לָא יְדַע וְיִשתְבֵיק לֵיה׃
(1) 91:50	אְשָמָא הוּא עַל חוֹבְתֵיה דְהוּא חָב אְשָמָא יְקָרֵיב קְדָם יוי׃
(1) 02:50	ומליל יוי עם״לות#3#״ משה למימר׃
(1) 12:50	אְנָש אְרֵי יְחוּב וִישַקַר שְקָר קְדָם יוי וִיכַדֵיב בְחַברֵיה בְפוּקדָנָא״בפקדונא#3#״ אוֹ בְשוּתָפוּת יְדָא אוֹ בְגָזֵילָא אוֹ עַשַק״אנס#3#״ יָת חַברֵיה׃
(1) 22:50	אוֹ אַשכַח אְבֵידְתָא וְכַדֵיב בַה וְאִשתְבַע עַל שִקרָא עַל חְדָא מִכֹל דְיַעְבֵיד אְנָשָא לִמחָב בְהוֹן״בהין#3#״׃
(1) 32:50	וִיהֵי אְרֵי יִחטֵי וִיחוּב וְיָתֵיב״וְיָתִיב#3#״ יָת גָזֵילָא״גָזוֹלָא#3#״ דִגזַל אוֹ יָת עוּשקָא דַעְשַק״דאנס#3#״ אוֹ יָת פוּקדָנָא״פיקדונא#3#״ דְאִיתפַקַד״דאתפקיד#3#״ לְוָתֵיה״עִמֵיה#3#״ אוֹ יָת אְבֵידְתָא״איבדתא#3#״ דְאַשכַח׃
(1) 42:50	אוֹ מִכוֹלָא דְאִשתְבַע עְלוֹהִי לְשִקרָא וִישַלֵים יָתֵיה בְרֵישֵיה וְחוּמשוֹהִי יוֹסֵיף עְלוֹהִי \לִדהוּא דִילֵיה ״ית דהוא ליה#3#״ יִתְנִינֵיה בְיוֹמָא דְחוֹבְתֵיה׃
(1) 52:50	וְיָת אְשָמֵיה יַיתֵי לקדָם יוי דְכַר שְלִים מִן עָנָא בְפוּרסָנֵיה לַאְשָמָא לְוָת כָהְנָא׃
(1) 62:50	וִיכַפַר עְלוֹהִי כָהְנָא קדם יוי וְיִשתְבֵיק לֵיה עַל חְדָא מִכֹל דְיַעְבֵיד לִמחָב בַה׃

next chapter