The Comprehensive Aramaic Lexicon

(1) 10:83	וַעְבַד יָת מַדבְחָא דַעְלָתָא דְאָעֵי שִטִין חַמֵיש״חְמֵיש#3#״ אַמִין אוּרכֵיה וְחַמֵיש״וַחְמֵיש#3#״ אַמִין פוּתיֵיה מְרַבַע״מְרֻבַע#3#״ וֻתלָת אַמִין רוּמֵיה׃
(1) 20:83	וַעְבַד קָרנוֹהִי עַל אַרבַע זָויָתֵיה מִנֵיה הְוַאָה קַרנוֹהִי וַחפָא יָתֵיה נְחָשָא׃
(1) 30:83	וַעְבַד יָת כֹל מָנֵי מַדבְחָא יָת פְסַכתֵירָוָתָא״פְסַכתֵירְוָתָא#3#״ וְיָת מַגרוֹפיָתָא וְיָת מִזרְקַיָא״מזירקיא#3#״ יָת צִנוֹריָתָא וְיָת מַחתִיָתָא״מַחתְיָתָא#3#״ כֹל מָנוֹהִי עְבַד נְחָשָא׃
(1) 40:83	וַעְבַד לְמַדבְחָא סְרָדָא עוֹבָד מְצָדְתָא דִנחָשָא תְחוֹת סוֹבֵיבֵיה מִלְרַע עַד פַלגֵיה״פלגותיה#3#״׃
(1) 50:83	וְאַתֵיך אַרבַע עִזקָתָא בְאַרבַע זָויָתָא לִסרָדָא דִנחָשָא אַתרָא לַאְרִיחַיָא׃
(1) 60:83	וַעְבַד יָת אְרִיחַיָא דְאָעֵי שִטִין וַחפָא יָתְהוֹן נְחָשָא׃
(1) 70:83	וְאַעֵיל יָת אְרִיחַיָא בְעִזקָתָא עַל סִטרֵי מַדבְחָא לְמִיטַל יָתֵיה בְהוֹן חַלִיל״חְלִיל#3#״ לוּחִין עְבַד יָתֵיה׃
(1) 80:83	וַעְבַד יָת כִיוֹרָא דִנחָשָא וְיָת בְסִיסֵיה דִנחָשָא בְמַחזִיָת״בְמִחזְיָת#3#״ נְשַיָא דְאָתְיָן לְצַלָאָה בִתרַע מַשכַן זִמנָא׃
(1) 90:83	וַעְבַד יָת דָרְתָא לְרוּחַ עֵיבַר דָרוֹמָא סְרָדֵי דְדָרְתָא דְבוּץ שְזִיר מְאָה אַמִין׃
(1) 01:83	עַמוּדֵיהוֹן עַסרִין וְסָמְכֵיהוֹן עַסרִין דִנחָשָא וָוֵי עַמוּדַיָא וְכִיבוּשֵיהוֹן כְסַף׃
(1) 11:83	וֻלרוּחַ צִפוּנָא מְאָה אַמִין עַמוּדֵיהוֹן עַסרִין״עיסרין#3#״ וְסָמְכֵיהוֹן עַסרִין דִנחָשָא וָוֵי עַמוּדַיָא וְכִבוּשֵיהוֹן כְסַף׃
(1) 21:83	וֻלרוּחַ מַעַרבָא״מַערְבָא#3#״ סְרָדֵי חַמשִין אַמִין עַמוּדֵיהוֹן עַסרָה וְסָמְכֵיהוֹן עַסרָה וַוֵי עַמוּדַיָא וְכִיבוּשֵיהוֹן כְסַף׃
(1) 31:83	וֻלרוּחַ קִדוּמָא מַדִנחָא״מַדנְחָא#3#״ חַמשִין אַמִין׃
(1) 41:83	סְרָדֵי חַמֵיש עַסרֵי אַמִין לְעִברָא עַמוּדֵיהוֹן תְלָתָה וְסָמְכֵיהוֹן תְלָתָה׃
(1) 51:83	וֻלעִברָא תִניָנָא״תניתא#3#״ מִיכָא וֻמִיכָא לִתרַע דָרְתָא סְרָדֵי חַמֵיש עַסרֵי אַמִין עַמוּדֵיהוֹן תְלָתָה וְסָמְכֵיהוֹן תְלָתָה׃
(1) 61:83	כֹל סְרָדֵי דָרְתָא סחור סחור דְבוּץ שְזִיר׃
(1) 71:83	וְסָמְכַיָא לְעַמוּדַיָא דִנחָשָא וָוֵי עַמוּדַיָא וְכִיבוּשֵיהוֹן כְסַף וְחִפוּי״וחפא#3#״ רֵישֵיהוֹן כְסַף וְאִינוּן מְכַבְשִין״מְכֻבְשִין#3#״ כְסַף כֹל עַמוּדֵי דָרְתָא׃
(1) 81:83	וֻפרָסָא דִתרַע דָרְתָא עוֹבָד צִיוּר״צַיָיר#3#״ דְתַכלָא וְאַרגְוָנָא וֻצבַע זְהוֹרִי וְבוּץ שְזִיר וְעַסרִין אַמִין אוּרכָא וְרוּמָא בְפוּתיָא חַמֵיש״חְמֵיש#3#״ אַמִין לִקבֵיל״לָקְֹבֵיל#3#״ סְרָדֵי דָרְתָא׃
(1) 91:83	וְעַמוּדֵיהוֹן אַרבְעָה וְסָמְכֵיהוֹן אַרבְעָה דִנחָשָא וָוֵיהוֹן כְסַף וְחִפוּי״וחפא#3#״ רֵישֵיהוֹן וְכִבוּשֵיהוֹן כְסַף׃
(1) 02:83	וְכֹל סִיכַיָא לְמַשכְנָא וֻלדָרְתָא סְחוֹר סְחוֹר דְנחָשָא׃
(1) 12:83	אִלֵין מִניָנֵי מַשכְנָא מַשכְנָא דְסָהְדוּתָא דְאִתמְנִיוּ עַל מֵימְרָא דְמֹשַה פוּלחַן לֵיוָאֵי בִידָא דְאִיתָמָר בַר אַהְרֹן כָהְנָא׃
(1) 22:83	וֻבצַלאֵל בַר אוּרִי בַר חוּר לְשִבטָא דִיהוּדָה עְבַד יָת כֹל דְפַקֵיד יוי יָת מֹשַה׃
(1) 32:83	וְעִמֵיה אָהָלִיאָב בַר אְחִיסָמָך לְשִבטָא דְדָן נַגָר וְאוּמָן וְצַייָר בְתַכלָא״בתיכלא#3#״ וְבאַרגְוָנָא וֻבִצבַע זְהוֹרִי וֻבבוּצָא׃
(1) 42:83	כָל דַהבָא דְאִתעְבֵיד לְעִיבִידְתָא בְכֹל עְבִידַת״עיבידת#3#״ קוּדשָא וַהְוָה דְהַב אְרָמוּתָא״אפרשותא#3#״ עַסרִין וְתִישַע כַכרִין וֻשבַע מְאָה וֻתלָתִין סִלעִין בְסִלעֵי קוּדשָא׃
(1) 52:83	וֻכסַף מִניָנֵי כְנִשתָא מְאָה כַכרִין״ככר#3#״ וְאַלַף וֻשבַע מְאָה וְשִבעִין וְחַמֵיש סִלעִין בְסִלעֵי קוּדשָא׃
(1) 62:83	תִקלָא לְגוּלגֻלתָא פַלגוּת סִלעָא בְסִלעֵי קוּדשָא לְכֹל דְעָבַר עַל מִניָנַיָא מִבַר עַסרִין שְנִין וֻלעֵילָא לְשֵית מְאָה וֻתלָתָה אַלפִין וְחַמֵיש מְאָה וְחַמשִין׃
(1) 72:83	וַהוַאָה מְאָה כַכרֵי כַספָא לְאַתָכָא יָת סָמְכֵי קֻדשָא וְיָת סָמְכֵי פָרוּכתָא מְאָה סָמְכִין לִמאָה כַכרִין כַכרָא לְסָמְכָא׃
(1) 82:83	וְיָת אַלַף וֻשבַע מְאָה וְשִבעִין וְחַמֵיש עְבַד וָוִין לְעַמוּדַיָא וְחַפִי רֵישֵיהוֹן וְכַבֵיש יָתְהוֹן׃
(1) 92:83	וֻנחָש אְרָמוּתָא שִבעִין כִכרִין״כַכרִין#3#״ וֻתרֵין אַלפִין וְאַרבַע מְאָה סִלעִין׃
(1) 03:83	וַעְבַד בַה יָת סָמְכֵי תְרַע מַשכַן זִמנָא וְיָת מַדבְחָא דִנחָשָא וְיָת סְרָדָא דִנחָשָא דִילֵיה וְיָת כֹל מָנֵי מַדבְחָא׃
(1) 13:83	וְיָת סָמְכֵי דָרְתָא סחור סחור וְיָת סָמְכֵי תְרַע דָרְתָא וְיָת כֹל סִיכֵי מַשכְנָא וְיָת כֹל סִיכֵי דָרְתָא סחור סחור׃

next chapter