H The Comprehensive Aramaic Lexicon

CAL CODE HELP CLICK HERE
click on the file description for more information

51002: TgO Ex

click on a word for lexical analysis
Click on a red-colored coordinate for comments and/or translations of the line

previous chapter


(1) 10:73 וַעְבַד בְצַלאֵל יָת אְרוֹנָא דְאָעֵי שִטִין תַרתֵין אַמִין וֻפַלגָא אוּרכֵיה וְאַמְתָא וֻפַלגָא פוּתיֵיה וְאַמְתָא וֻפַלגָא רוּמֵיה׃
(1) 20:73 וַחפָהִי דְהַב דְכֵי מִגָיו וֻמִבַרָא וַעְבַד לֵיה זִיר דִדהַב סחור סחור׃
(1) 30:73 וְאַתֵיך לֵיה אַרבַע עִזקָן דִדהַב עַל אַרבַע זָויָתֵיה וְתַרתֵין עִזקָן עַל סִטרֵיה חַד וְתַרתֵין עִזקָן עַל סִטרֵיה תִניָנָא׃
(1) 40:73 וַעְבַד אְרִיחֵי דְאָעֵי שִטִין וַחפָא יָתְהוֹן דַהבָא׃
(1) 50:73 וְאַעֵיל יָת אְרִיחַיָא בְעִזקָתָא עַל סִטרֵי אְרוֹנָא לְמִיטַל יָת אְרוֹנָא׃
(1) 60:73 וַעְבַד כָפוּרתָא דִדהַב דְכֵי תַרתֵין אַמִין וֻפַלגָא אוּרכַה וְאַמְתָא וֻפַלגָא פוּתיַה׃
(1) 70:73 וַעְבַד תְרֵין כְרוּבִין דִדהַב נְגִיד עְבַד יָתְהוֹן מִתְרֵין סִטרֵי כָפוּרתָא׃
(1) 80:73 כְרוּבָא חַד מִסִטרַה מִיכָא וֻכרוּבָא חַד מִסִטרַה מִיכָא מִן כָפוּרתָא עְבַד יָת כְרוּבַיָא מִתְרֵין סִטרוֹהִי׃
(1) 90:73 וַהווֹ כְרוּבַיָא פְרִיסִין גַדפֵיהוֹן לְעֵילָא מְטַלִין בְגַדפֵיהוֹן עַל כָפוּרתָא וְאַפֵיהוֹן חַד לִקבֵיל חַד לִקבֵיל כָפוּרתָא הְווֹ אַפֵי כְרוּבַיָא׃
(1) 01:73 וַעְבַד יָת פָתוּרָא דְאָעֵי שִטִין תַרתֵין אַמִין אוּרכֵיה וְאַמְתָא פוּתיֵיה וְאַמְתָא וֻפַלגָא רוּמֵיה׃
(1) 11:73 וַחפָא יָתֵיה דְהַב דְכֵי וַעְבַד לֵיה זִיר דִדהַב סחור סְחוֹר׃
(1) 21:73 וַעְבַד לֵיה גְדָנְפָא רוּמֵיה פוּשכָא״פושקא#3#״ סחור סחור וַעְבַד זִיר דִדהַב לִגדָנְפֵיה סחור סחור׃
(1) 31:73 וְאַתֵיך לֵיה אַרבַע עִזקָן דִדהַב וִיהַב יָת עִזקָתָא עַל אַרבַע זָויָתָא דִלאַרבַע רַגלוֹהִי׃
(1) 41:73 לִקבֵיל גְדָנְפָא הְוַאָה עִזקָתָא אַתרָא לַאְרִיחַיָא לְמִיטַל יָת פָתוּרָא׃
(1) 51:73 וַעְבַד יָת אְרִיחַיָא דְאָעֵי שִטִין וַחפָא יָתְהוֹן דַהבָא לְמִיטַל יָת פָתוּרָא׃
(1) 61:73 וַעְבַד יָת מָנַיָא דְעַל פָתוּרָא יָת מְגִסוֹהִי וְיָת בָזִיכוֹהִי וְיָת מְכִילָתֵיה וְיָת קָסְוָתָא דִמנַסְכִין בְהוֹן דִדהַב דְכֵי׃
(1) 71:73 וַעְבַד יָת מְנָרְתָא דְהַב דְכֵי נְגִיד עְבַד יָת מְנָרְתָא שִידַה וֻקנַה כַלִידַהָא חַזוּרַהָא וְשוֹשַנַהָא מִינַה הְווֹ׃
(1) 81:73 וְשִתָה קְנִין נָפְקִין מִסִטרַהָא תְלָתָה קְנֵי מְנָרְתָא מִסִטרַה חַד וֻתלָתָה קְנֵי מְנָרְתָא מִסִטרַה תִניָנָא׃
(1) 91:73 תְלָתָה כַלִידִין מְצָיְרִין בְקַניָא חַד חַזוּר וְשוֹשַן וֻתלָתָה כַלִידִין מְצָיְרִין בְקַניָא חַד חַזוּר וְשוֹשָן כֵין לְשִיתָא קְנִין דְנָפְקִין מִן מְנָרְתָא׃
(1) 02:73 וֻבִמנָרְתָא אַרבְעָה כַלִידִין מְצָיְרִין חַזוּרַהָא וְשוֹשַנַהָא׃
(1) 12:73 וְחַזוּר תְחוֹת תְרֵין קְנִין דְמִינַה וְחַזוּר תְחוֹת תְרֵין קְנִין דְמִינַה וְחַזוּר תְחוֹת תְרֵין קְנִין דְמִינַה לְשִיתָה קְנִין דְנָפְקִין מִינַה׃
(1) 22:73 חַזוּרֵיהוֹן וֻקנֵיהוֹן מִינַה הְווֹ כוּלַה נְגִידָא חְדָא דִדהַב דְכֵי׃
(1) 32:73 וַעְבַד יָת בוֹצִינַהָא שִבעָה וְצֵיבְתַהָא וֻמַחתִיָתַהָא דִדהַב דְכֵי׃
(1) 42:73 כַכרָא דְדַהבָא דַכיָא עְבַד יָתַה וְיָת כֹל מָנַהָא׃
(1) 52:73 וַעְבַד יָת מַדבְחָא דִקטוֹרַת בוּסמַיָא דְאָעֵי שִטִין אַמְתָא אוּרכֵיה וְאַמְתָא פֻתיֵיה מְרַבַע וְתַרתֵין אַמִין רוּמֵיה מִינֵיה הְוַאָה קַרנוֹהִי׃
(1) 62:73 וַחפָא יָתֵיה דְהַב דְכֵי יָת אִיגָרֵיה וְיָת כוּתלוֹהִי סחור סחור וְיָת קַרנוֹהִי וַעְבַד לֵיה זִיר דִדהַב סחור סחור׃
(1) 72:73 וְתַרתֵין עִזקָן דִדהַב עְבַד לֵיה מִלְרַע לְזֵירֵיה עַל תַרתֵין זָויָתֵיה עַל תְרֵין סִטרוֹהִי לְאַתרָא לַאְרִיחַיָא לְמִיטַל יָתֵיה בְהוֹן׃
(1) 82:73 וַעְבַד יָת אְרִיחַיָא דְאָעֵי שִטִין וַחפָא יָתְהוֹן דַהבָא׃
(1) 92:73 וַעְבַד יָת מִשחָא דִרבוּתָא קוּדשָא וְיָת קְטוֹרַת בוּסמַיָא דְכֵי עוֹבָד בוּסמָנוּ׃

next chapter