H The Comprehensive Aramaic Lexicon

CAL CODE HELP CLICK HERE
click on the file description for more information

51002: TgO Ex

click on a word for lexical analysis
Click on a red-colored coordinate for comments and/or translations of the line

previous chapter


(1) 10:13 ומליל יוי עם משה למימר׃
(1) 20:13 חְזִי דְרַבִיתִי בְשוּם״בְשוֹם#3#״ בְצַלאֵל בַר אוּרִי בַר חוּר לְשִבטָא דִיהוּדָה׃
(1) 30:13 וְאַשלֵימִית עִמֵיה רוּחַ <נְבוּאָה#3#> מִן קדם יוי בְחוּכמָא״בְחָכמָה#3#״ וֻבסֻכלְתָנוּ וֻבמַדַע וֻבכָל עְבִידָא״עיבידא#3#״׃
(1) 40:13 לְאַלָפָא אוּמנָוָן״אוּמַנְוָן#3#״ לְמַעְבַד בְדַהבָא בְכַספָא וֻבִנחָשָא׃
(1) 50:13 וֻבאוּמָנוּת אַבַן טָבָא לְאַשלָמָא וֻבנַגָרוּת אָעָא לְמַעְבַד בְכֹל עְבִידָא״עיבידא#3#״׃
(1) 60:13 וַאְנָא הָא יְהַבִית עִמֵיה יָת אָהָלִיאָב בַר אְחִיסָמָך לְשִבטָא דְדָן וֻבלַב״וֻבלֵב#3#״ כֹל חַכִימֵי לִיבָא יְהַבִית חוּכמְתָא״חָכמְתָא#3#״ וְיַעבְדוּן יָת כֹל דְפַקֵידתָך׃
(1) 70:13 יָת מַשכַן זִמנָא וְיָת אְרוֹנָא לְסָהְדוּתָא וְיָת כָפוּרתָא דַעְלוֹהִי וְיָת כֹל מָנֵי מַשכְנָא׃
(1) 80:13 יָת פָתוּרָא וְיָת מנוֹהִי וְיָת מְנָרְתָא״מנורתא#3#״ דָכִיתָא וְיָת כֹל מָנַהָא וְיָת מַדבְחָא דִקטוֹרַת בוּסמַיָא׃
(1) 90:13 וְיָת מַדבְחָא דַעְלָתָא וְיָת כֹל מָנוֹהִי וְיָת כִיוֹרָא וְיָת בְסִיסֵיה׃
(1) 01:13 וְיָת לְבוּשֵי שִמוּשָא וְיָת לְבוּשֵי קוּדשָא לאהרן כָהְנָא וְיָת לְבוּשֵי בְנוֹהִי לְשַמָשָא׃
(1) 11:13 וְיָת מִשחָא דִרבוּתָא וְיָת קְטוֹרַת בוּסמַיָא לְקוּדשָא כְכֹל דְפַקֵידתָך יַעבְדוּן׃
(1) 21:13 וַאְמַר״וֻמַלֵיל#3#״ יוי לְמֹשַה לְמֵימַר׃
(1) 31:13 וְאַת מַלֵיל עִם בְנֵי ישראל לְמֵימַר בְרַם יָת יוֹמֵי שַבַיָא דִילִי תִיטְרוּן אְרֵי אַת הִיא בֵין מֵימְרִי וֻבֵינֵיכוֹן לְדָרֵיכוֹן״לדרתיכון#3#״ לְמִידַע אְרֵי אְנָא יוי מְקַדִשכוֹן׃
(1) 41:13 וְתִיטְרוּן יָת שַבתָא אְרֵי קוּדשָא הִיא״הוא#3#״ לְכוֹן דְיַחלִינַה״דיחללינה#3#״ אִתקְטָלָא יִתקְטִיל אְרֵי כֹל דְיַעְבֵיד בַה״בֵיה#3#״ עְבִידְתָא״עיבידתא#3#״ וְיִשתֵיצֵי אְנָשָא הַהוּא מִגוֹ עַמֵיה׃
(1) 51:13 שִיתָה יוֹמִין יִתעְבֵיד עְבִידְתָא״עיבידתא#3#״ וֻביוֹמָא שְבִיעָאָה שַבָא שְבָתָא״שַבָתָא#3#״ קוּדשָא קדם יוי כֹל דְיַעְבֵיד עְבִידְתָא בְיוֹמָא דְשַבתָא אִתקְטָלָא יִתקְטִיל׃
(1) 61:13 וְיִטְרוּן בְנֵי ישראל יָת שַבתָא לְמַעְבַד יָת שַבתָא לְדָרֵיהוֹן״לדרתיכון#3#״ קִיָם״קְיָם#3#״ עָלַם׃
(1) 71:13 בֵין מֵימְרִי וֻבֵין בְנֵי ישראל אַת הִיא לְעָלַם אְרֵי שִיתָה יוֹמִין עְבַד יוי יָת שְמַיָא וְיָת ארעא וֻביוֹמָא שְבִיעָאָה שְבָת וְנָח׃
(1) 81:13 וִיהַב לְמֹשַה כַד שֵיצִי לְמַלָלָא עִמֵיה בְטוּרָא דְסִינַי תְרֵין לוּחֵי סָהְדוּתָא לוּחֵי אַבנָא כְתִיבִין בְאַצבְעָא דַיוי׃

next chapter