The Comprehensive Aramaic Lexicon

(1) 10:82	וְאַת קָרֵיב לְוָתָך יָת אהרן אְחוּך וְיָת בְנוֹהִי עִמֵיה מִגוֹ בְנֵי ישראל לְשַמָשָא קְדָמַי אהרן נָדָב וַאְבִיהוּא אַלעָזָר וְאִיתָמָר בְנֵי אהרן׃
(1) 20:82	וְתַעְבֵיד לְבוּשֵי״בגדי#3#״ קוּדשָא לְאַהְרֹן אְחוּך לִיקָר וֻלתוּשבְחָא׃
(1) 30:82	וְאַת תְמַלֵיל עִם כֹל חַכִימֵי לִיבָא דְאַשלֵימִית עִמְהוֹן רוּחַ חוּכמָא״חָכמָה#3#״ וְיַעבְדוּן יָת לְבוּשֵי אהרן לְקַדָשוּתֵיה לְשַמָשָא קְדָמַי׃
(1) 40:82	וְאִלֵין לְבוּשַיָא דְיַעבְדוּן חוּשנָא וְאֵיפוֹדָא וֻמעִילָא וְכִתוּנִין מְרַמְצָן״מְרֻמְצָן#3#״ מַצִנפָן״מַצנְפָן#3#״ וְהִמיָנִין וְיַעבְדוּן לְבוּשֵי קוּדשָא לאהרן אְחוּך וְלִבנוֹהִי לְשַמָשָא קְדָמָי׃
(1) 50:82	וְאִינוּן יִסְבוּן יָת דַהבָא וְיָת תַכלָא״תיכלא#3#״ וְיָת אַרגְוָנָא וְיָת צְבַע זְהוֹרִי וְיָת בוּצָא׃
(1) 60:82	וְיַעבְדוּן יָת אֵיפוֹדָא דַהבָא תַכלָא״תיכלא#3#״ וְאַרגְוָנָא וֻצבַע זְהוֹרִי וְבוּץ שְזִיר עוֹבָד אוּמָן׃
(1) 70:82	תְרֵין״תרתין#3#״ כַתפִין״כִתפִין#3#״ מְלָפְפִין״מְלַפְפָן#3#״ יְהוֹן לֵיה לִתרֵין סִטרוֹהִי וְיִתלָפַף״ויתלפיף#3#״׃
(1) 80:82	וְהִמיַן תִקוּנֵיה דַעְלוֹהִי כְעוֹבָדֵיה״כְעוּבָדֵיה#3#״ מִנֵיה יְהֵי דַהבָא תַכלָא וְאַרגְוָנָא וֻצבַע זְהוֹרִי וְבוּץ שְזִיר׃
(1) 90:82	וְתִיסַב יָת תַרתֵין אַבנֵי בוּרלָא וְתִגלוֹף עְלֵיהוֹן״עליהין#3#״ שְמָהָת בְנֵי ישראל׃
(1) 01:82	שִיתָה מִשְמָהָתְהוֹן עַל אַבנָא חְדָא וְיָת שְמָהָת שִיתָה דְאִשתְאַרוּ <תגלוף#3#> עַל אַבנָא תִניֵיתָא כְתוֹלְדָתְהוֹן׃
(1) 11:82	עוֹבָד אוּמָן אַבַן טָבָא כְתָב מְפָרַש כִגלָף״כיגלוף#3#״ דְעִזקָא תִגלוֹף יָת תַרתֵין אַבנַיָא עַל שְמָהָת בְנֵי יִשרָאֵל מְשַקְעָן מְרַמְצָן בִדהַב תַעְבֵיד יָתְהוֹן׃
(1) 21:82	וֻתשַוֵי יָת תַרתֵין אַבנַיָא עַל כִתפֵי אֵיפוֹדָא אַבנֵי דוּכרָנָא לִבנֵי ישראל וְיִטוֹל אהרן יָת שְמָהָתְהוֹן קְדָם יוי עַל תְרֵין כִתפוֹהִי לְדוּכרָנָא׃
(1) 31:82	וְתַעְבֵיד מְרַמְצָן דִדהַב׃
(1) 41:82	וְתַרתֵין״ותרין#3#״ תִכִין״תיקין#3#״ דִדהַב דְכֵי מְתַחְמָן תַעְבֵיד יָתְהוֹן״יתהין#3#״ עוֹבָד גְדִילוּ וְתִתֵין יָת תִיַכיָא גְדִילָתָא עַל מְרַמְצָתָא׃
(1) 51:82	וְתַעְבֵיד חוֹשַן דִינָא עוֹבָד אוּמָן כְעוֹבָד אֵיפוֹדָא תַעבְדִינֵיה דַהבָא תַכלָא״תיכלא#3#״ וְאַרגְוָנָא וֻצבַע זְהוֹרִי וְבוּץ שְזִיר תַעְבֵיד יָתֵיה׃
(1) 61:82	מְרַבַע״מְרֻבַע#3#״ יְהֵי עִיף זַרתָא״דרתא#3#״ אוּרכֵיה וְזַרתָא״ודרתא#3#״ פוּתיֵיה׃
(1) 71:82	וְתַשלֵים בֵיה אַשלָמוּת אַבנָא אַרבְעָה סִדרִין דְאַבַן טָבָא סִדרָא קַדמָאָה סָמְקָן יָרְקָן וֻבָרְקָן סִדרָא חַד׃
(1) 81:82	וְסִדרָא תִניָנָא אִזמַרַגדִין״איזמרגזין#3#״ שַבזֵיז וְסַבהַלוֹם״וְסַבהְלוֹם#3#״׃
(1) 91:82	וְסִדרָא תְלִיתָאָה קַנכֵירִי״קנקירי#3#״ טַרקְיָא״טְרַקיָא#3#״ וְעֵין עִגלָא׃
(1) 02:82	וְסִדרָא רְבִיעָאָה כְרוּם יַמָא וְבוּרלָא וֻפַנתֵירִי״ופנטירי#3#״ מְרַמְצָן״מְרֻמְצָן#3#״ בִדהַב יְהוֹן בְאַשלָמוּתְהוֹן׃
(1) 12:82	וְאַבנַיָא יִהוִיָן״יהוְיָין#3#״ עַל שְמָהָת בְנֵי ישראל תַרתַא עַסרֵי עַל שְמָהָתְהוֹן כְתָב מְפָרַש כִגלָף״כגלוף#3#״ דְעִזקָא גְבַר עַל שְמֵיה יִהוִיָן״יהוְיָין#3#״ לִתרֵי עְסַר שִבטִין׃
(1) 22:82	וְתַעְבֵיד עַל חוּשנָא תִיכִין״תיקין#3#״ מְתַחְמָן עוֹבָד גְדִילוּ דִדהַב דְכֵי׃
(1) 32:82	וְתַעְבֵיד עַל חוּשנָא תַרתֵין עִזקָן דִדהַב וְתִתֵין יָת תַרתֵין עִזקָתָא עַל תְרֵין סִטרֵי חוּשנָא׃
(1) 42:82	וְתִיתֵין יָת תַרתֵין גְדִילָן דִדהַב עַל תַרתֵין עִזקָתָא בְסִטרֵי חוּשנָא׃
(1) 52:82	וְיָת תַרתֵין גְדִילָן״סיטרהא#3#״ דְעַל תְרֵין״תרתין#3#״ סִטרוֹהִי״גדילתא#3#״ תִתֵין עַל תַרתֵין מְרַמְצָתָא וְתִתֵין עַל כִתפֵי אֵיפוֹדָא לִקבֵיל״לָקְֹבֵיל#3#״ אַפוֹהִי׃
(1) 62:82	וְתַעְבֵיד תַרתֵין עִזקָן דִדהַב וֻתשַוֵי יָתְהוֹן״יתהין#3#״ עַל תְרֵין סִטרֵי חוּשנָא עַל סִפתֵיה דִלעִברָא דְאֵיפוֹדָא לְגוֹי״לְגָיו#3#״׃
(1) 72:82	וְתַעְבֵיד תַרתֵין עִזקָן דִדהַב וְתִתֵין יָתְהוֹן״יתהין#3#״ עַל תְרֵין כִתפֵי אֵיפוֹדָא מִלְרַע מִלִקבֵיל אַפוֹהִי לִקבֵיל״לָקְֹבֵיל#3#״ בֵית לוֹפֵי מִעִלָוֵי לְהִמיַן אֵיפוֹדָא׃
(1) 82:82	וְיֵיחְדוּן״וְיַחְדוּן#3#״ יָת חוּשנָא מֵעִזקָתֵיה לְעִזקָת אֵיפוֹדָא בְחוּטָא דִתכִילְתָא לְמִהוֵי עַל הִמיַן אֵיפוֹדָא וְלָא יִתפָרַק״יתפריק#3#״ חוּשנָא מֵעִלָוֵי אֵיפוֹדָא׃
(1) 92:82	וְיִטוֹל אהרן יָת שְמָהָת בְנֵי ישראל בְחֹשַן דִינָא עַל לִבֵיה בְמֵיעְלֵיה לְקוּדשָא לְדוּכרָנָא קדם יוי תְדִירָא׃
(1) 03:82	וְתִתֵין בְחֹשַן דִינָא יָת אוּרַיָא וְיָת תוּמַיָא וִיהוֹן עַל לִיבָא דאהרן בְמֵיעְלֵיה לִקדָם״קדם#3#״ יוי וְיִטוֹל אַהְרֹן יָת דִין בְנֵי ישראל עַל לִיבֵיה קְדָם יוי תְדִירָא׃
(1) 13:82	וְתַעְבֵיד יָת מְעִיל אֵיפוֹדָא גְמִיר תַכלָא״תיכלא#3#״׃
(1) 23:82	וִיהֵי פוּמֵיה״פום רישיה#3#״ כְפִיל לְגַוֵיה תוֹרָא יְהֵי מַקַף לְפוּמֵיה סחור סחור עוֹבָד מָחֵי כְפוֹם שִריָן יְהֵי לֵיה דְלָא יִתבְזַע׃
(1) 33:82	וְתַעְבֵיד עַל שִפוֹלוֹהִי רִמוֹנֵי תַכלָא״תיכלא#3#״ וְאַרגְוָנָא וֻצבַע זְהוֹרִי עַל שִפוֹלוֹהִי סחור סחור וְזַגִין״וְזוֹגִין#3#״ דִדהַב בֵינֵיהוֹן סחור סחור׃
(1) 43:82	זַגָא״זוֹגָא#3#״ דְדַהבָא וְרִמוֹנָא זַגָא״זוֹגָא#3#״ דְדַהבָא וְרִמוֹנָא עַל שִפוֹלֵי מְעִילָא סחור סחור׃
(1) 53:82	וִיהֵי עַל אהרן לְשַמָשָא וְיִשתְמַע קָלֵיה בְמֵיעְלֵיה לְקוּדשָא לִקדָם״קדם#3#״ יוי וֻבמִפְקֵיה וְלָא יְמוּת׃
(1) 63:82	וְתַעְבֵיד צִיצָא דִדהַב דְכֵי וְתִגלוֹף עְלוֹהִי כְתָב מְפָרַש קֹדַש ליהוה׃
(1) 73:82	וֻתשַוֵי יָתֵיה עַל חוּטָא דִתכִילְתָא וִיהֵי עַל מַצנַפתָא״מצניפתא#3#״ לִקבֵיל אַפֵי מַצנַפתָא״מצניפתא#3#״ יְהֵי׃
(1) 83:82	וִיהֵי עַל בֵית עֵינוֹהִי דאהרן וְיִטוֹל אַהְרֹן יָת עְוָיָת קוּדשַיָא דְיַקדְשוּן בְנֵי ישראל לְכָל מַתְנָת קוּדשֵיהוֹן וִיהֵי עַל בֵית עֵינוֹהִי תְדִירָא לְרַעְוָא לְהוֹן קְדָם יוי׃
(1) 93:82	וֻתרַמֵיץ״ותתרמיץ#3#״ כִתוּנָא דְבוּצָא וְתַעְבֵיד מַצנַפתָא דְבוּצָא וְהִמיַן״וְהִמיָן#3#״ תַעְבֵיד עוֹבָד צִיוּר״צַיָיר#3#״׃
(1) 04:82	וְלִבנֵי אהרן תַעְבֵיד כִתוּנִין וְתַעְבֵיד לְהוֹן הִמיָנִין וְקוֹבְעִין״וכובעין#3#״ תַעְבֵיד לְהוֹן לִיקָר וֻלתוּשבְחָא׃
(1) 14:82	וְתַלבֵיש יָתְהוֹן יָת אַהְרֹן אְחוּך וְיָת בְנוֹהִי עִמֵיה וֻתרַבֵי יָתְהוֹן וֻתקָרֵיב יָת קוּרבָנְהוֹן וֻתקַדֵיש יָתְהוֹן וִישַמַשוּן קְדָמַי׃
(1) 24:82	וְעִיבֵיד לְהוֹן מַכנְסִין״מִכנְסִין#3#״ דְבוּץ לְכַסָאָה בְסַר עִריָא״עַריָא#3#״ מֵחַרצִין וְעַד יִרכָן יְהוֹן׃
(1) 34:82	וִיהֵי עַל אהרן וְעַל בְנוֹהִי בְמֵיעַלהוֹן לְמַשכַן זִמנָא אוֹ בְמִקרַבהוֹן לְמַדבְחָא לְשַמָשָא בְקוּדשָא״למדבחא#3#״ וְלָא יְקַבְלוּן חוֹבָא וְלָא יְמוּתוּן קְיָם עָלַם לֵיה וְלִבנוֹהִי בָתְרוֹהִי׃

next chapter