H The Comprehensive Aramaic Lexicon

CAL CODE HELP CLICK HERE
click on the file description for more information

51002: TgO Ex

click on a word for lexical analysis
Click on a red-colored coordinate for comments and/or translations of the line

previous chapter


(1) 10:52 ומליל יוי עם״לות#3#״ משה למימר׃
(1) 20:52 מַלֵיל עִם בְנֵי ישראל וְיַפרְשוּן קְדָמַי אַפרָשוּתָא מִן כֹל גְבַר דְיִתרְעֵי לִבֵיה תִסְבוּן יָת אַפרָשוּתִי׃
(1) 30:52 וְדָא אַפרָשוּתָא דְתִסְבוּן מִנְהוֹן דַהבָא וְכַספָא וֻנחָשָא׃
(1) 40:52 וְתַכלָא״ותיכלא#3#״ וְאַרגְוָנָא וֻצבַע זְהוֹרִי וְבוּץ וְמַעְזֵי׃
(1) 50:52 וֻמַשכֵי דְדִכרֵי מְסַמְקֵי״מְסֻמְקֵי#3#״ וְמַשכֵי סָסְגוֹנָא וְאָעֵי שִטִין׃
(1) 60:52 מִשחָא לְאַנהָרוּתָא בוּסמַיָא לִמשַח רְבוּתָא וְלִקטוֹרַת בוּסמַיָא׃
(1) 70:52 אַבנֵי בוּרלָא וְאַבנֵי אַשלָמוּתָא לְשַקָעָא בְאֵיפוֹדָא וֻבחוּשנָא׃
(1) 80:52 וְיַעבְדוּן קְדָמַי מַקדַש וְאַשרֵי שְכִינְתִי בֵינֵיהוֹן׃
(1) 90:52 כְכֹל דַאְנָא מַחזֵי יָתָך יָת דְמוּת מַשכְנָא וְיָת דְמוּת כֹל מָנוֹהִי וְכֵן תַעבְדוּן׃
(1) 01:52 וְיַעבְדוּן אְרוֹנָא דְאָעֵי שִטִין תַרתֵין אַמִין וֻפַלגָא אוּרכֵיה וְאַמְתָא וֻפַלגָא פוּתיֵיה וְאַמְתָא וֻפַלגָא רוּמֵיה׃
(1) 11:52 וְתִחפֵי יָתֵיה דְהַב דְכֵי מִגָיו וֻמִבַרָא תִחפֵינֵיה וְתַעְבֵיד עְלוֹהִי״לֵיה#3#״ זִיר״דיר#3#״ דִדהַב סחור סְחוֹר׃
(1) 21:52 וְתַתֵיך לֵיה אַרבַע עִזקָן דִדהַב וְתִתֵין עַל אַרבַע זָויָתֵיה וְתַרתֵין עִזקָן עַל סִטרֵיה חַד וְתַרתֵין עִזקָן עַל סִטרֵיה תִניָנָא״תנייתא#3#״׃
(1) 31:52 וְתַעְבֵיד אְרִיחֵי דְאָעֵי שִטִין וְתִחפֵי יָתְהוֹן דַהבָא׃
(1) 41:52 וְתַעֵיל יָת אְרִיחַיָא בְעִזקָתָא עַל סִטרֵי אְרוֹנָא לְמִיטַל יָת אְרוֹנָא בְהוֹן׃
(1) 51:52 בְעִזקַת״בְעִזקָת#3#״ אְרוֹנָא יְהוֹן אְרִיחַיָא לָא יִעדוֹן״יעידון#3#״ מִנֵיה׃
(1) 61:52 וְתִתֵין בַאְרוֹנָא יָת סָהְדוּתָא דְאִתֵין לָך׃
(1) 71:52 וְתַעְבֵיד כָפוּרתָא דִדהַב דְכֵי תַרתֵין אַמִין וֻפַלגָא אוּרכַה וְאַמְתָא וֻפַלגָא פֻתיַה׃
(1) 81:52 וְתַעְבֵיד תְרֵין כְרוּבִין דִדהַב נְגִיד תַעְבֵיד יָתְהוֹן מִתְרֵין סִטרֵי כָפוּרתָא׃
(1) 91:52 וְעִיבֵיד כְרוּבָא חַד מִסִטרַה מִיכָא וֻכרוּבָא חַד מִסִטרַה מִכָא מִן כָפוּרתָא תַעבְדוּן יָת כְרוּבַיָא עַל תְרֵין סִטרוֹהִי׃
(1) 02:52 וִיהוֹן כְרוּבַיָא פְרִיסִין גַדפֵיהוֹן לְעֵילָא מְטַלִין״מְטַלַן#3#״נטלין#3#״ בְגַדפֵיהוֹן עַל כָפוּרתָא וְאַפֵיהוֹן חַד לִקבֵיל״לָקְֹבֵיל#3#״ חַד לִקבֵיל״לָקְֹבֵיל#3#״ כָפוּרתָא יְהוֹן אַפֵי כְרוּבַיָא׃
(1) 12:52 וְתִיתֵין יָת כָפוּרתָא עַל אְרוֹנָא מִלְעֵילָא וֻבאְרוֹנָא תִתֵין יָת סָהְדוּתָא דְאִתֵין לָך׃
(1) 22:52 וַאְזָמֵין מֵימְרִי לָך תַמָן וַאְמַלֵיל עִמָך מֵעִלָוֵי כָפוּרתָא מִבֵין תְרֵין כְרוּבַיָא דְעַל אְרוֹנָא דְסָהְדוּתָא יָת כֹל דַאְפַקֵיד יָתָך לְוָת״על#3#״ בְנֵי ישראל׃
(1) 32:52 וְתַעְבֵיד פָתוּרָא דְאָעֵי שִטִין תַרתֵין אַמִין אוּרכֵיה וְאַמְתָא פוּתיֵיה וְאַמְתָא וֻפַלגָא רוּמֵיה׃
(1) 42:52 וְתִחפֵי יָתֵיה דְהַב דְכֵי וְתַעְבֵיד לֵיה זִיר״דיר#3#״ דִדַהַב״דִדהַב#3#״ סְחוֹר סחור׃
(1) 52:52 וְתַעְבֵיד לֵיה גְדָנְפָא רוּמֵיה פוּשכָא״פושקא#3#״ סחור סחור וְתַעְבֵיד זִיר״דיר#3#״ דִדהַב לִגדָנְפֵיה סחור סחור׃
(1) 62:52 וְתַעְבֵיד לֵיה אַרבַע עִזקָן דִדהַב וְתִתֵין יָת עִזקָתָא עַל אַרבַע זָויָתָא דִלאַרבָע רַגלוֹהִי״ריגלוהי#3#״׃
(1) 72:52 לִקבֵיל״לָקְֹבֵיל#3#״ גְדָנְפָא יִהוִיָן״יִהוְיָין#3#״ עִזקָתָא לְאַתרָא לַאְרִיחַיָא לְמִיטַל יָת פָתוּרָא׃
(1) 82:52 וְתַעְבֵיד יָת אְרִיחַיָא דְאָעֵי שִטִין וְתַחפֵי יָתְהוֹן דַהבָא וִיהוֹן נָטְלִין בְהוֹן יָת פָתוּרָא׃
(1) 92:52 וְתַעְבֵיד מְגִיסוֹהִי וְבָזִיכוֹהִי״ובזיקוהי#3#״ וְקָסְוָתֵיה וֻמכִילָתֵיה דְיִתנַסַך בְהוֹן״בהין#3#״ דִדהַב דְכֵי תַעְבֵיד יָתְהוֹן״יתהין#3#״׃
(1) 03:52 וְתִתֵין עַל פָתוּרָא לְחֵים אַפַיָא קְדָמַי תְדִירָא׃
(1) 13:52 וְתַעְבֵיד מְנָרְתָא״מנורתא#3#״ דִדהַב דְכֵי נְגִיד תִתעְבֵיד״תעביד#3#״ מְנָרְתָא״מנורתא#3#״ שִידַה וֻקנַה כַלִידַהָא חַזוּרַהָא״חיזורהא#3#״ וְשוֹשַנַהָא מִינַה יְהוֹן׃
(1) 23:52 וְשִיתָה קְנִין נָפְקִין מִסִטרַהָא תְלָתָה קְנֵי מְנָרְתָא״מנורתא#3#״ מִסִטרַה״מִצִטרַה#3#״ חַד וֻתלָתָה קְנֵי מְנָרְתָא מִסִטרַה תִניָנָא׃
(1) 33:52 תְלָתָה כַלִידִין מְצָיְרִין בְקַניָא חַד חַזוּר״חיזור#3#״ וְשוֹשַן״וְשוֹשָן#3#״ וֻתלָתָה כַלִידִין מְצָיְרִין בְקַניָא חַד חַזוּר וְשוֹשַן״וְשוֹשָן#3#״ כֵין לְשִיתָה קְנִין דְנָפְקִין מִן מְנָרְתָא״מנורתא#3#״׃
(1) 43:52 וְבִמנָרְתָא״ובמנורתא#3#״ אַרבְעָה״ארבע#3#״ כַלִידִין מְצָיְרִין חַזוּרַהָא״חיזורהא#3#״ וְשוֹשַנַהָא׃
(1) 53:52 וְחַזוּר תְחוֹת תְרֵין קְנִין דְמִינַה וְחַזוּר תְחוֹת תְרֵין קְנִין דְמִינַה וְחַזוּר תְחוֹת תְרֵין קְנִין דְמִינַה לְשִיתָה קְנִין דְנָפְקִין מִן מְנָרְתָא׃
(1) 63:52 חַזוּרֵיהוֹן וֻקנֵיהוֹן מִינַה יְהוֹן כוּלַה נְגִידָא חְדָא דִדהַב דְכֵי׃
(1) 73:52 וְתַעְבֵיד יָת בוֹצִינַהָא שִבעָה וְתַדלֵיק יָת בוֹצִינַהָא וִיהוֹן מְנַהְרִין עַל קְבֵיל אַפַהָא׃
(1) 83:52 וְצֵיבְתַהָא וֻמַחתִיָתַהָא דִדהַב דָכֵי׃
(1) 93:52 כַכרָא״כיכרא#3#״ דְדַהבָא דַכיָא יַעְבֵיד יָתַה יָת כֹל מָנַיָא הָאִלֵין׃
(1) 04:52 וֻחזִי וְעִיבֵיד בִדמוּתְהוֹן דְאַת מִתַחזֵי בְטוּרָא׃

next chapter