The Comprehensive Aramaic Lexicon

(1) 10:32	לָא תְקַבֵיל שֵימַע דִשקַר לָא תְשַוֵי יְדָך עִם חַייָבָא לְמִהוֵי לֵיה סָהִיד שַקָר׃
(1) 20:32	לָא תְהֵי בָתַר סַגִיאֵי לְאַבאָשָא וְלָא תִתמְנַע מִלְאַלָפָא מָא דִבעֵינָך״דמתבעי לך#3#״ עַל דִינָא בָתַר סַגִיאֵי שָלֵים דִינָא׃
(1) 30:32	וְעַל מִסכֵינָא לָא תְרַחֵים בִדִינֵיה׃
(1) 40:32	אְרֵי תִפגַע״תְעָרַע#3#״ תוֹרָא דְסָנאָך אוֹ חְמָרֵיה דְטָעֵי״דתעי#3#״ אָתָבָא תָתִיבִינֵיה לֵיה׃
(1) 50:32	אְרֵי תִחזֵי חְמָרָא דְסָנְאָך רְבִיַע תְחוֹת טוּענֵיה״טעוניה#3#״ וְתִתמְנַע מִלְמִשקַל״מִלְמִשבַק#3#״ לֵיה מִשבָק תִשבוֹק״תִשבוּק#3#״ מָא דִבלִיבָך עְלוֹהי וֻתפָרֵיק עִמֵיה׃
(1) 60:32	לָא תַצלֵי דִין מִסכֵינָך בְדִינֵיה׃
(1) 70:32	\מִפִתגָמָא דְשִקרָא ״מפתגמין בטלין#3#״ הְוִי רַחִיק וְדִזכִי וְדִנפַק דְכֵי״זכאי#3#״ מִן דִינָא לָא תִקטוֹל״תִקטוּל#3#״ אְרֵי לָא אְזַכֵי חַיָיבָא׃
(1) 80:32	וְשוּחדָא לָא תְקַבֵיל אְרֵי שוּחדָא מְעַוַר עֵינֵי חַכִימִין וֻמקַלקֵיל פִתגָמִין תְרִיצִין׃
(1) 90:32	וֻלגִיוֹרָא לָא תָעִיקוּן וְאַתוּן יְדַעתוּן יָת נַפשָא דְגִיוֹרָא אְרֵי דַיָירִין הְוֵיתוֹן בארעא דמצרים׃
(1) 01:32	וְשֵית שְנִין תִזרַע יָת אַרעָך וְתִכנוֹש יָת עְלַלתַה׃
(1) 11:32	וֻשבִיעֵיתָא תִשמְטִינַה וְתִרטְשִינַה וְיֵיכְלוּן מִסכֵינֵי עַמָך וֻשאָרְהוֹן תֵיכוֹל חַיַת״חיות#3#״ בָרָא כֵין״כדין#3#״ תַעְבֵיד לְכַרמָך לְזֵיתָך׃
(1) 21:32	שִיתָה יוֹמִין תַעְבֵיד עוּבָדָך״עבידתך#3#״ וֻביוֹמָא שְבִיעָאָה תְנוּחַ בְדִיל דִינוּחַ תוֹרָך וֻחמָרָך וְיִשקוֹט בַר אַמתָך וְגִיוֹרָא׃
(1) 31:32	וֻבכֹל דַאְמַרִית לְכוֹן תִסתַמרוּן וְשוֹם טָעְוָת עַמְמַיָא לָא תִדכְרוּן לָא יִשתְמַע עַל פוּמְכוֹן׃
(1) 41:32	תְלָת זִמנִין תֵיחוֹג״תחוגון#3#״ קְדָמַי בְשַתָא׃
(1) 51:32	יָת חַגָא דְפַטִירַיָא תִיטַר שַבעָה״שִבעָה#3#״ יוֹמִין תֵיכוֹל פַטִירָא כְמָא דְפַקֵידתָך לִזמַן יַרחָא דַאְבִיבָא אְרֵי בֵיה נְפַקתָא מִמִצרַיִם וְלָא יִתַחזוֹן קְדָמַי רֵיקָנִין׃
(1) 61:32	וְחַגָא דִחצָדָא בִכוּרֵי עוֹבָדָך״עוּבָדָך#3#״ דְתִזרַע בְחַקלָא וְחַגָא דְכנָשָא בְמִפְקַה דְשַתָא בְמִכנְשָך יָת עוֹבָדָך״עוּבָדָך#3#״ מִן חַקלָא׃
(1) 71:32	תְלָת זִמנִין בְשַתָא יִתַחזוֹן כֹל דְכוּרָך קְדָם רִבוֹן עָלְמָא יוי׃
(1) 81:32	לָא תִכוֹס עַל חְמִיַע דַם פִסחִי וְלָא יְבִיתוּן <לְצַפרָא#3#> בָר מִמַדבְחָא תַרבֵי נִכסַת חַגָא עַד צַפרָא׃
(1) 91:32	רֵיש בִכוּרֵי אַרעָך תַיתֵי״תֵיתֵי#3#״ לְבֵית מַקדְשָא דַיוי אְלָהָך לָא תֵיכְלוּן בְסַר בַחלַב׃
(1) 02:32	הָאְנָא שָלַח מַלאְכָא קְדָמָך לְמִיטְרָך בְאוֹרחָא וֻלאַעָלוּתָך לְאַתרָא דְאַתקֵינִית׃
(1) 12:32	אִסתְמַר מִן קְדָמוֹהִי וְקַבֵיל לְמֵימְרֵיה וְלָא תְסָרֵיב לְקִבלֵיה אְרֵי לָא יִשבוֹק לְחוֹבֵיכוֹן אְרֵי בִשמִי מֵימְרֵיה׃
(1) 22:32	אְרֵי אִם קַבָלָא תְקַבֵיל לְמֵימְרֵיה וְתַעְבֵיד כֹל דַאְמַלֵיל וְאִסנֵי יָת סָנְאָך וַאְעֵיק״וְאַעֵיק#3#״ לְדִמעִיקִין לָך׃
(1) 32:32	אְרֵי יְהָך מַלאְכִי קְדָמָך וְיַעֵילִינָך לְוָת אְמוֹרָאֵי וְחִתָאֵי וֻפרִזָאֵי וכנענאי חיואי ויבוסאי וַאְשֵיצֵינוּן׃
(1) 42:32	לָא תִסגוֹד לְטָעְוָתְהוֹן וְלָא תִפלַחִינִין וְלָא תַעְבֵיד כְעוּבָדֵיהוֹן״כְעוֹבָדֵיהוֹן#3#״ אְרֵי \פַגָרָא תְפַגַרִינוּן ״גַמָרָא תגמרינון#3#״ וְתַבָרָא תְתַבַר קָמָתְהוֹן׃
(1) 52:32	וְתִפלְחוּן קדם״יָת#3#״ יוי אְלָהְכוֹן וִיבָרֵיך יָת מֵיכְלָך וְיָת מִשתָך״מִשתְיָך#3#״ וְאַעְדֵי מַרעִין בִישִין מִבֵינָך׃
(1) 62:32	לָא תְהֵי תָכְלָא וְעַקרָא בְאַרעָך יָת מִניַן יוֹמָך אֵישַלֵים״אַשלֵים#3#״׃
(1) 72:32	יָת אֵימְתִי אְשַלַח קְדָמָך וְאִתבַר״וַאְשַגֵיש#3#״ואקטול#3#״ יָת כֹל עַמָא דְאַת אָתֵי״עָלֵיל#3#״ לְאָגָחָא <קְרָב#3#> בְהוֹן וְאִמסַר״ואתן#3#״ יָת כָל בַעלֵי דְבָבָך קְדָמָך מַחזְרֵי קְדָל׃
(1) 82:32	וְאִשלַח״וַאְשַלַח#3#״ יָת עָרָעִיתָא קְדָמָך וֻתְתָרֵיך יָת חִויָאֵי יָת כנענאי וית חיתאי מִן קְדָמָך׃
(1) 92:32	לָא אְתָרֵיכִינוּן מִן קְדָמָך בְשַתָא חְדָא דִלמָא תְהֵי ארעא צָדיָא וְתִסגֵי עְלָך חַיַת״חיות#3#״ בָרָא׃
(1) 03:32	זְעֵיר זְעֵיר אְתָרֵיכִינוּן מִן קְדָמָך עַד דְתִסגֵי״דתיפוש#3#״ וְתַחסֵין יָת ארעא׃
(1) 13:32	וַאְשַוֵי יָת תְחוּמָך מִיַמָא דְסוּף וְעַד יַמָא דִפלִשתָאֵי וֻמִמִדבְרָא״וֻמִמַדבְרָא#3#״ וְעַד פְרָת״נהרא#3#״ אְרֵי אִמסַר בְיַדכוֹן יָת יָתְבֵי ארעא וֻתתָרֵיכִינוּן מִן קְדָמָך׃
(1) 23:32	לָא תִגזַר לְהוֹן וֻלטָעְוָתְהוֹן קִיָם״קְיָם#3#״׃
(1) 33:32	לָא יִתְבוּן בְאַרעָך דִלמָא יְחַיְיבוּן יָתָך קְדָמַי אְרֵי תִפלַח יָת טָעְוָתְהוֹן אְרֵי יְהוֹן לָך לְתַקלָא׃

next chapter