H The Comprehensive Aramaic Lexicon

CAL CODE HELP CLICK HERE
click on the file description for more information

51002: TgO Ex

click on a word for lexical analysis
Click on a red-colored coordinate for comments and/or translations of the line

previous chapter


(1) 10:31 ומליל יוי עם משה למימר׃
(1) 20:31 אַקדֵיש קְדָמַי כֹל בוּכרָא פָתַח כָל וַלדָא בִבנֵי ישראל בַאְנָשָא וֻבִבעִירָא דִילִי הוּא׃
(1) 30:31 וַאְמַר מֹשַה לְעַמָא הְווֹ דְכִירִין יָת יוֹמָא הָדֵין דְנפַקתוּן ממצרים מִבֵית עַבדוּתָא אְרֵי בִתקוֹף יַד אַפֵיק יוי יָתְכוֹן מִיכָא וְלָא יִתאְכִיל חְמִיַע׃
(1) 40:31 יוֹמָא דֵין״הדין#3#״ אַתוּן נָפְקִין בְיַרחָא דַאְבִיבָא׃
(1) 50:31 וִיהֵי אְרֵי יַעֵילִינָך יוי לַאְרַע כְנַעְנָאֵי וְחִיתָאֵי ואימוראי וחיואי ויבוסאי דְקַיֵים לַאְבָהָתָך לְמִיתַן לָך אְרַע עָבְדָא חְלָב וֻדבָש״וֻדבַש#3#״ וְתִפלַח יָת פוּלחָנָא הָדֵין״הָדָא#3#״ בְיַרחָא הָדֵין׃
(1) 60:31 שִבעָה יוֹמִין תֵיכוֹל פַטִירָא וֻביוֹמָא שְבִיעָאָה חַגָא קדם יוי׃
(1) 70:31 פַטִירָא יִתאְכֵיל יָת שִבעָה יוֹמִין וְלָא יִתַחזֵי לָך חְמִיַע וְלָא יִתחַזֵי לָך חְמִיר בְכָל תְחוּמָך׃
(1) 80:31 וֻתחַוֵי לִבנָך בְיוֹמָא הַהוּא לְמֵימַר בְדִיל דָא״דין#3#״ עְבַד יוי לִי בְמִפְקִי מִמִצרָיִם׃
(1) 90:31 וִיהֵי לָך לְאָת עַל יְדָך וֻלדוּכרַן בֵין עֵינָך בְדִיל דִתהֵי אוֹרָיתָא דַיוי בְפוּמָך אְרֵי \בְיַד תַקִיפָא ״בתקוף ידא#3#״ אַפְקָך יוי ממצרים׃
(1) 01:31 וְתִיטַר יָת קְיָמָא הָדֵין״הדא#3#״ בְזִמנֵיה \מִזמַן לִזמַן ״מִזְמָן לִזמָן#3#״׃
(1) 11:31 וִיהֵי אְרֵי יַעֵילִינָך יוי לַאְרַע כְנַעְנָאֵי כְמָא דְקַיֵים לָך וְלַאְבָהָתָך וְיִתְנַה״ויתנינה#3#״ לָך׃
(1) 21:31 וְתִיעִיבַר״וְתַעבַר#3#״ כֹל פָתַח וַלדָא קדם יוי וְכֹל פָתַח וְלַד בְעִירָא דִיהוֹן לָך דִכרִין תַקדֵיש קדם יוי׃
(1) 31:31 וְכֹל בוּכרָא״פתח ולדא#3#״ דִחמָרָא תִפרוֹק בְאִימְרָא וְאִם לָא תִפרוֹק וְתִקפֵיה״ותנקפיה#3#״ וְכֹל בוּכרָא דַאְנָשָא בִבנָך תִפרוֹק׃
(1) 41:31 וִיהֵי אְרֵי יִשאְלִינָך בְרָך מְחַר לְמֵימַר מָא דָא וְתֵימַר לֵיה בִתקוֹף יַד אַפְקַנָא יוי ממצרים מִבֵית עַבדוּתָא׃
(1) 51:31 וַהְוָה כַד אַקשִי פרעה לְשַלָחוּתַנָא וֻקטַל יוי כֹל בוּכרָא בְאַרעָא דמצרים מִבוּכרָא דַאְנָשָא וְעַד בוּכרָא דִבעִירָא עַל כֵין אְנָא דָבַח קְדָם יוי כֹל פָתַח וְלַד דִכרַיָא״דוכריא#3#״ וְכֹל בוּכרָא דִבנַי אִפרוֹק׃
(1) 61:31 וִיהֵי לְאָת עַל יְדָך וְלִתפִלִין בֵין עֵינָך אְרֵי \בִתקוֹף יַד ״בידא תקיפא#3#״ אַפְקַנָא יוי מִמצרָיִם׃
(1) 71:31 וַהְוָה כַד שַלַח פַרעֹה יָת עַמָא וְלָא דַבַרִינַון יוי בְאוֹרַח אַרָע פְלִשתָאֵי אְרֵי קָרִיבָא הִיא אְרֵי אְמַר יוי דִלמָא יְזוּעוּן עַמָא בְמִחזֵיהוֹן קְרָבָא וִיתוּבוּן למצרים׃
(1) 81:31 וְאַסחַר יוי יָת עַמָא אוֹרַח מַדבְרָא לְיַמָא דְסוּף וֻמזָרְזִין סְלִיקוּ בְנֵי ישראל מארעא דמצרים׃
(1) 91:31 וְאַסֵיק משה יָת גַרמֵי יוֹסֵף עִימֵיה אְרֵי אוֹמָאָה אוֹמִי יָת בְנֵי ישראל לְמֵימַר מִדכָר דְכִיר״ידכר#3#״ יוי יָתְכוֹן וְתַסְקוֹן״ותיסקון#3#״ יָת גַרמַי מִיכָא עִמְכוֹן׃
(1) 02:31 וֻנטַלוּ מִסֻכוֹת וֻשרוֹ בְאֵיתָם דְבִסטַר מַדבְרָא׃
(1) 12:31 וַיוי מְדַבַר קְדָמֵיהוֹן בִימָמָא בְעַמוּדָא דַעְנָנָא לְדַבָרוּתְהוֹן״לאשריותהון#3#״ בְאוֹרחָא וֻבלֵיליָא בְעַמוּדָא דְאִישָתָא לְאַנהָרָא לְהוֹן לְמֵיזַל בִימָמָא וֻבלֵיליָא׃
(1) 22:31 לָא עָדֵי״יעדי#3#״ עַמוּדָא דַעְנָנָא בִימָמָא וְאַף לָא עַמוּדָא דְאִישָתָא בְלֵיליָא מִן קְדָם עַמָא׃

next chapter