H The Comprehensive Aramaic Lexicon

CAL CODE HELP CLICK HERE
click on the file description for more information

51002: TgO Ex

click on a word for lexical analysis
Click on a red-colored coordinate for comments and/or translations of the line

previous chapter


(1) 10:21 וַאְמַר יוי לְמֹשַה ולאהרן בארעא דמצרים לְמֵימַר׃
(1) 20:21 יַרחָא הָדֵין לְכוֹן רֵיש יַרחַיָא קַדמַי הוּא לְכוֹן לְיַרחֵי שַתָא׃
(1) 30:21 מַלִילוּ עִם כֹל כְנִשתָא דישראל לְמֵימַר בְעַסרָא לְיַרחָא הָדֵין וְיִסבוּן לְהוֹן גְבַר אִימַר לְבֵית אַבָא אִימְרָא לְבֵיתָא׃
(1) 40:21 וְאִם זְעֵיר״יזער#3#״ בֵיתָא מִלְאִתמְנָאָה עַל אִימְרָא וְיִסַב הוּא וְשִיבָבֵיה״וְשֵיבָבֵיה#3#״ דְקַרִיב לְבֵיתֵיה בְמִניַן נַפשָתָא גְבַר לְפוֹם מֵיכְלֵיה תִתמְנוֹן עַל אִימְרָא׃
(1) 50:21 אִימַר שְלִים דְכַר בַר שַתֵיה יְהֵי לְכוֹן מִן אִימְרַיָא וֻמִן בְנֵי עִזַיָא תִסְבוּן׃
(1) 60:21 וִיהֵי לְכוֹן לְמַטְרָא עַד אַרבְעַת עַסרָא יוֹמָא לְיַרחָא הָדֵין וְיִכְסוּן יָתֵיה כָל קְהָלָא כְנִשתָא לישראל בֵין שִמשַיָא׃
(1) 70:21 וְיִסְבוּן מִן דְמָא וְיִתְנוּן עַל תְרֵין״תרתין#3#״ סִיפַיָא וְעַל שָקְפָא״שיקפא#3#״ עַל בָתַיָא דְיֵיכְלוּן יָתֵיה בְהוֹן׃
(1) 80:21 וְיֵיכְלוּן יָת בִסרָא בְלֵיליָא הָדֵין טְוֵי נוּר וֻפַטִיר עַל מְרָרִין יֵיכְלוּנֵיה׃
(1) 90:21 לָא תֵיכְלוּן מִנֵיה כַד״כִד#3#״ חַי וְאַף לָא כַד״כִד#3#״ בַשָלָא״מבשלא#3#״ מְבֻשַל בְמַיָא אְלָהֵין טְוֵי נוּר רֵישֵיה עַל כְרָעוֹהִי וְעַל גַוֵיה׃
(1) 01:21 וְלָא תַשאְרוּן מִנֵיה עַד צַפרָא וֻדיִשתְאַר מִנֵיה עַד צַפרָא בְנוּרָא תוֹקְדוּן״תֵיקְדוּן#3#״׃
(1) 11:21 וֻכדֵין תֵיכְלוּן יָתֵיה חַרצֵיכוֹן יְהוֹן אַסִירִין מְסָנֵיכוֹן בְרַגלֵיכוֹן״בריגליכוֹן#3#״ וְחוּטרֵיכוֹן בְיַדכוֹן וְתֵיכְלוּן יָתֵיה בִבהִילוּ פִסחָא הוּא קדם יוי׃
(1) 21:21 וְאַתגַלֵי״וְאִתגְלֵי#3#״ בארעא דמצרים בְלֵיליָא הָדֵין וְאַקטוֹל כֹל בוּכרָא בארעא דמצרים מֵאְנַשַא וְעַד בְעִירָא וֻבכָל טָעְוָת מִצרָאֵי אַעְבֵיד דִינִין אְנָא יוי׃
(1) 31:21 וִיהֵי״ותהי#3#״ דְמָא לְכוֹן לְאָת עַל בָתַיָא דְאַתוּן תַמָן וְאִחזֵי יָת דְמָא וְאֵיחוּס עְלֵיכוֹן וְלָא יְהֵי בְכוֹן מוֹתָא לְחַבָלָא בְמִקטְלִי בארעא דמצרים׃
(1) 41:21 וִיהֵי יוֹמָא הָדֵין״דֵין#3#״ לְכוֹן לְדוּכרָנָא וְתֵיחְגוּן יָתֵיה חַגָא קדם יוי לְדָרֵיכוֹן״לדרתיכון#3#״ קִיָם״קְיָם#3#״ עָלַם תֵיחְגוּנֵיה׃
(1) 51:21 שִבעָה יוֹמִין פַטִירָא תֵיכְלוּן בְרַם בְיוֹמָא קַדמָאָה תְבַטְלוּן חְמִירָא מִבָתֵיכוֹן אְרֵי כֹל דְיֵיכוֹל חְמִיעָא וְיִשתֵיצֵי אְנָשָא הַהוּא מִישראָל מִיוֹמָא קַדמָאָה עַד יוֹמָא שְבִיעָאָה׃
(1) 61:21 בְיוֹמָא קַדמָאָה מְעָרַע קַדִיש וֻביוֹמָא שְבִיעָאָה מְעָרַע קַדִיש יְהֵי לְכוֹן כֹל עְבִידָא״עיבידא#3#״ לָא יִתעְבֵיד בְהוֹן בְרַם מָא דְמִתאְכִיל״די מתעביד#3#״ לְכֹל נְפַש הוּא בִלחוֹדוֹהִי יִתעְבֵיד לְכוֹן׃
(1) 71:21 וְתִיטְרוּן יָת פַטִירָא אְרֵי בִכרַן יוֹמָא הָדֵין אַפֵיקִית יָת חֵילֵיכוֹן מֵאַרעָא דמצרים וְתִיטְרוּן יָת יוֹמָא הָדֵין לְדָרֵיכוֹן קִיָם״קְיָם#3#״ עָלַם׃
(1) 81:21 בְנִיסָן בְאַרבְעַת עַסרָא יוֹמָא לְיַרחָא בְרַמשָא תֵיכְלוּן פַטִירָא עַד יוֹמָא \חַד וַעַסרִין ״עסרין וחד#3#״ לְיַרחָא בְרַמשָא׃
(1) 91:21 שִבעָה יוֹמִין חְמִירָא לָא יִשתְכַח בְבָתֵיכוֹן אְרֵי כָל דְיֵיכוֹל מַחַמעָא״מַחמְעָא#3#״ וְיִשתֵיצֵי אְנָשָא הַהוּא מִכְנִישתָא דְישראל בְגִיוֹרַיָא וֻביַצִיבַיָא דארעא׃
(1) 02:21 כֹל מַחַמעָא״מַחמְעָא#3#״ לָא תֵיכְלוּן בְכֹל מוֹתְבָנֵיכוֹן תֵיכְלוּן פַטִירָא׃
(1) 12:21 וֻקרָא מֹשַה לְכֹל סָבֵי יִשרָאֵל וַאְמַר לְהוֹן אִתנְגִידוּ״נגידו#3#״ וְסוּבוּ״וְסַבוּ#3#״וסיבו#3#״ לְכוֹן מִן בְנֵי עָנָא לְזַרעְיָתְכוֹן וְכוּסוּ פִסחָא׃
(1) 22:21 וְתִיסְבוּן אֵיסָרַת״אְסָרַת#3#״ אֵיזוֹבָא וְתִטבְלוּן בִדמָא דִבמָנָא וְתַדוֹן לְשָקְפָא וְלִתרֵין״ולתרתין#3#״ סִיפַיָא מִן דְמָא דִבמָנָא וְאַתוּן לָא תִיפְקוּן אְנָש מִתְרַע בֵיתֵיה עַד צַפרָא׃
(1) 32:21 וְיִתגְלֵי יוי לְמִמחֵי יָת מִצרָאֵי וְיִחזֵי יָת דְמָא עַל שָקְפָא״שיקפא#3#״ וְעַל תְרֵין״תרתין#3#״ סִפַיָא וְיֵיחוּס יוי עַל תַרעָא וְלָא יִשבוֹק מְחַבְלָא״לחבלא#3#״ לְמֵיעַל לְבָתֵיכוֹן לְמִמחֵי׃
(1) 42:21 וְתִיטְרוּן יָת פִיתגָמָא הָדֵין לִקיָם לָך וְלִבנָך עַד עָלְמָא׃
(1) 52:21 וִיהֵי אְרֵי תֵיעְלוּן לְארעא דְיִתֵין״דיהב#3#״ יוי לְכוֹן כְמָא דְמַלֵיל וְתִיטְרוּן יָת פוּלחָנָא הָדֵין׃
(1) 62:21 וִיהֵי אְרֵי יֵימְרוּן לְכוֹן בְנֵיכוֹן מָא פוּלחָנָא הָדֵין לְכוֹן׃
(1) 72:21 וְתֵימְרוּן דֵיבַח חְיָס הוּא קדם יוי דְחָס עַל בָתֵי בְנֵי ישראל במצרים כַד מְחָא יָת מְצרָאֵי וְיָת בְתַנָא שֵיזֵיב וֻכרַע עַמָא וֻסגִידוּ׃
(1) 82:21 וַאְזַלוּ וַעְבַדוּ בְנֵי ישראל כְמָא דְפַקֵיד יוי יָת מֹשַה וְאַהְרֹן כֵין עְבַדוּ׃
(1) 92:21 וַהְוָה בְפַלגוּת לֵיליָא וַיוי קְטַל כֹל בוּכרָא בארעא דמצרים מִבוּכרָא דפרעה דַעְתִיד לְמִתַב עַל כוּרסֵי מַלכוּתֵיה עַד בוּכרָא דְשִביָא דִבבֵית אַסִירֵי״אְסִירֵי#3#״ וְכֹל בוּכרָא דִבעִירָא׃
(1) 03:21 וְקָם פַרעֹה בְלֵיליָא הוּא וְכֹל עַבדוֹהִי וְכֹל מִצרָאֵי וַהוָת צְוַחתָא רַבְתָא במצרים אְרֵי לֵית בֵיתָא תַמָן דְלָא הְוָה בֵיה״תמן#3#״ מִיתָא׃
(1) 13:21 וֻקרָא למשה ולאהרן בְלֵיליָא וַאְמַר קוּמוּ פוּקוּ מִגוֹ עַמִי אַף אַתוּן אַף בְנֵי ישראל וְאִיזִילוּ פְלַחוּ קְדָם יוי כְמָא דַהוֵיתוֹן אָמְרִין׃
(1) 23:21 אַף עָנְכוֹן אַף תוֹרֵיכוֹן דְבֻרוּ״דְבַרוּ#3#״ כְמָא דְמַלֵילתוּן וְאִיזִילוּ וְצַלוֹ אַף עְלָי׃
(1) 33:21 וֻתקִיפו״ואתקיפו#3#״ מִצרָאֵי עַל עַמָא לְאוֹחָאָה״למזרזא#3#״ לְשַלָחוּתְהוֹן מִן ארעא אְרֵי אְמַרוּ כוּלַנָא מָיְתִין׃
(1) 43:21 וֻנטַל עַמָא יָת לֵישְהוֹן עַד לָא חְמַע מוֹתַר אָצְוָתְהוֹן״אסוותהון#3#״ צְרִיר בִלבוּשֵיהוֹן עַל כִתפֵיהוֹן״כַתפֵיהוֹן#3#״׃
(1) 53:21 וֻבנֵי ישראל עְבַדוּ כְפִתגָמָא דְמֹשַה וֻשאִילוּ מִמִצרַיִם מָנִין דִכסַף וֻמָנִין דִדהַב וֻלבוּשִין׃
(1) 63:21 ויוי יְהַב יָת עַמָא לְרַחמִין בְעֵינֵי מִצרָאֵי וְאַשאִילוּנוּן וְרוֹקִינוּ״ותרוקינו#3#״ יָת מִצרָיִם׃
(1) 73:21 וֻנטַלוּ בְנֵי ישראל מִרַעמְסֵס לְסֻכוֹת כְשֵית מְאָה אַלפִין גֻברָא״גוברין#3#״ רִגלָאָה בָר מִטַפלָא׃
(1) 83:21 וְאַף נוּכרָאִין סַגִיאִין סְלִיקוּ עִמְהוֹן וְעָנָא וְתוֹרֵי בְעִירָא״גיתי#3#״ סַגִי לַחדָא׃
(1) 93:21 וַאְפוֹ יָת לֵישָא דְאַפִיקוּ ממצרים גְרִיצָן פַטִירָן אְרֵי לָא״לית#3#״ חְמַע״חמיע#3#״ אְרֵי אִיתָרַכוּ ממצרים וְלָא יְכִילוּ לְאִתעַכָבָא וְאַף זְוָדִין לָא עְבַדוּ לְהוֹן׃
(1) 04:21 \וֻמוֹתַב בְנֵי ״ומותבניהון דבני#3#״ ישראל דִיתִיבוּ בְמִצרָיִם אַרעַא מְאָה וֻתלָתִין שְנִין׃
(1) 14:21 וַהְוָה מִסוֹף אַרבַע מְאָה וֻתלָתִין שְנִין וַהְוָה בִכרַן יוֹמָא הָדֵין נְפַקוּ כֹל חֵילַיָא דַיוי מארעא דמצרים׃
(1) 24:21 לֵילֵי״ליל#3#״ נְטִיר הוּא קדם יוי לְאַפָקוּתְהוֹן מארעא דמצרים הוּא לֵיליָא הָדֵין קדם יוי נְטִיר״נטירין#3#״ לְכֹל בְנֵי ישראל לְדָרֵיהוֹן׃
(1) 34:21 וַאְמַר יוי למשה ולאהרן דָא גְזֵירַת פִסחָא כֹל בַר ישראל דְיִשתַמַד לָא יֵיכוֹל בֵיה׃
(1) 44:21 וְכָל עַבַד גְבַר זְבִין״זביני#3#״ כַספָא וְתִגזַר יָתֵיה בְכֵין יֵיכוֹל בֵיה׃
(1) 54:21 תוֹתָבָא וַאְגִירָא לָא יֵיכוֹל בֵיה׃
(1) 64:21 בַחבוּרָא חְדָא יִתאְכִיל לָא תַפְקוּן״תיפקון#3#״ מִן בֵיתָא מִן בִסרָא לְבָרָא וְגַרמָא לָא תִתבְרוּן בֵיה׃
(1) 74:21 כֹל כְנִשתָא דְישראל יַעבְדוּן״יתעסקון#3#״ יָתֵיה״ביה#3#״׃
(1) 84:21 וַאְרֵי יִתגַיַיר עִמְכוֹן גִיוֹרָא וְיַעְבֵיד פִסחָא קדם יוי מִגזָר״מִגזַר#3#״יתגזר#3#״ לֵיה כֹל דְכוּרָא וֻבכֵין יִקרַב לְמַעבְדֵיה וִיהֵי כְיַצִיבֵי ארעא וְכֹל עַרלָא״חילוני#3#״ לָא יֵיכוֹל בֵיה׃
(1) 94:21 אוֹרָיתָא חְדָא תְהֵי לְיַצִיבַיָא וֻלגִיוֹרַיָא דְיִתגַיְירוּן בֵינֵיכוֹן׃
(1) 05:21 וַעְבַדוּ כֹל בְנֵי ישראל כְמָא דְפַקֵיד יוי יָת מֹשַה וְיָת אהרן כֵין עְבַדוּ׃
(1) 15:21 וַהְוָה בִכרַן יוֹמָא הָדֵין אַפֵיק יוי יָת בְנֵי ישראל מארעא דמצרים עַל חֵילֵיהוֹן׃

next chapter