The Comprehensive Aramaic Lexicon

(1) 10:05	ונפַל יוֹסֵף עַל אַפֵי אֲבוּהִי וֻבכָא עֲלוֹהִי וְנַשֵיק לֵיה׃
(1) 20:05	וֻפַקֵיד יוסף יָת עַבדוֹהִי יָת אָסְוָתָא לְמִחנַט יָת אֲבוּהִי וַחנַטוּ אָסְוָתָא יָת יִשרָאֵל׃
(1) 30:05	וֻשלִימוּ לֵיה אַרבְעִין יוֹמִין אֲרֵי כֵין שָלְמִין יוֹמֵי חֲנִיטַיָא וֻבכוֹ יָתֵיה מִצרָאֵי שִבעִין יוֹמִין׃
(1) 40:05	וַעֲבַרוּ יוֹמֵי בְכִיתֵיה וֻמַלֵיל יוֹסֵף עִם בֵית פַרעֹה לְמֵימַר אִם כְעַן אַשכַחִית רַחמִין בְעֵינֵיכוֹן מַלִילוּ כְעַן קְדָם פַרעֹה לְמֵימַר׃
(1) 50:05	אַבָא קַיֵים עֲלַי לְמֵימַר הָא אֲנָא מָאִית בְקִברִי דְאַתקֵינִית לִי בְאַרעָא דִכנַעַן תַמָן תִקבְרִינַנִי וֻכעַן אִיסַק כְעַן וְאִקבַר יָת אַבָא וְאֵיתוּב׃
(1) 60:05	וַאֲמַר פרעה סַק וֻקבַר יָת אֲבוּך כְמָא דְקַיֵים עֲלָך׃
(1) 70:05	וֻסלֵיק יוֹסֵף לְמִקבַר יָת אֲבוּהִי וֻסלִיקוּ עִמֵיה כֹל עַבדֵי פַרעֹה סָבֵי בֵיתֵיה וְכֹל סָבֵי אַרעָא דְמִצרָיִם׃
(1) 80:05	וְכֹל בֵית יוֹסֵף וַאֲחוֹהִי וֻבֵית אֲבוּהִי לְחוֹד טַפלְהוֹן וְעָנְהוֹן וְתוֹרֵיהוֹן שְבַקוּ בְאַרעָא דְגוֹשַן׃
(1) 90:05	וֻסלִיקוּ עִמֵיה אַף רְתִיכִין אַף פָרָשִין וַהוָת מַשרִיתָא סַגִיאָה״תקיפא#3#״ לַחדָא׃
(1) 01:05	וַאֲתוֹ עַד בֵית אִידְרֵי דְאָטָד דִבעִברָא דְיַרדְנָא וֻספַדוּ תַמָן מִספַד רַב וְתַקִיף לַחדָא וַעֲבַד לַאֲבוּהִי אִבלָא שִבעָה יוֹמִין׃
(1) 11:05	וַחזָא יָתֵיב אַרעָא כְנַעֲנָאָה יָת אִבלָא בְבֵית אִידְרֵי״באידרא#3#״ דְאָטָד וַאֲמַרוּ אֵבַל תַקִיף דֵין לְמִצרָאֵי״לְמִצרַיִם#3#״ עַל כֵין קְרָא שְמַה אֵבַל מִצרַיִם״מצראי#3#״ דִבעִברָא דְיַרדְנָא׃
(1) 21:05	וַעֲבַדוּ בְנוֹהִי לֵיה כֵין כְמָא דְפַקֵידִינוּן׃
(1) 31:05	וֻנטַלוּ יָתֵיה בְנוֹהִי לְאַרעָא דִכנַעַן וֻקבַרוּ יָתֵיה בִמעָרַת חֲקַל כָפֵילתָא דִזבַן אַברָהָם יָת חַקלָא לְאַחסָנַת קְבוּרָא מִן עַפרוֹן חִיתָאָה דְעַל אַפֵי מַמרֵא׃
(1) 41:05	וְתָב יוסף לְמִצרַיִם הוּא וַאֲחוֹהִי וְכֹל דִסלִיקוּ עִמֵיה לְמִקבַר יָת אֲבוּהִי בָתַר דִקבַר״די קברו#3#״ יָת אֲבוּהִי׃
(1) 51:05	וַחזוֹ אֲחֵי יוֹסֵף אֲרֵי״דהא#3#״ מִית אֲבוּהוֹן וַאֲמַרוּ דִלמָא יִטַר לַנָא דְבָבוּ יוֹסֵף וְאָתָבָא יָתִיב לַנָא יָת כֹל בִשתָא דִגמַלנָא יָתֵיה׃
(1) 61:05	וֻפַקִידוּ \לְוָת יוֹסֵף ״ליוסף#3#״ לְמֵימַר אֲבוּך פַקֵיד קְדָם מוֹתֵיה לְמֵימַר׃
(1) 71:05	כְדֵין תֵימְרוּן לְיוֹסֵף בְבָעוּ שְבוֹק כְעַן לְחוֹבֵי אֲחָך וְלִחטָאֵיהוֹן אֲרֵי בִשתָא גַמלוּך וֻכעַן שְבוֹק כְעַן לְחוֹבֵי עַבדֵי אֲלָהָא דַאֲבוּך וֻבכָא יוֹסֵף בְמַלָלוּתְהוֹן עִמֵיה׃
(1) 81:05	וַאֲזַלוּ אַף אֲחוֹהִי וֻנפַלוּ קְדָמוֹהִי <על אפיהון#3#> וַאֲמַרוּ הָא אֲנַחנָא לָך לְעַבדִין׃
(1) 91:05	וַאֲמַר לְהוֹן יוֹסֵף לָא תִדחֲלוּן אֲרֵי \דָחֲלָא דַיוי ״דחיל מן קדם ייי#3#״ אֲנָא׃
(1) 02:05	וְאַתוּן חֲשֵיבתוּן״חְשַבתוּן#3#״ עֲלַי בִישָא מִן קדם יוי אִתחֲשֵיבַת לְטָבָא בְדִיל לְמַעֲבַד כְיוֹמָא הָדֵין לְקַיָמָא עַם סַגִי׃
(1) 12:05	וֻכעַן לָא תִדחֲלוּן אֲנָא אֵיזוּן יָתְכוֹן וְיָת טַפלְכוֹן וְנַחֵים יָתְהוֹן וֻמַלֵיל תַנחוּמִין עַל לִיבְהוֹן׃
(1) 22:05	וִיתֵיב יוֹסֵף בְמִצרַיִם הוּא וֻבֵית אֲבוּהִי וַחיָא יוֹסֵף מְאָה וַעֲסַר שְנִין׃
(1) 32:05	וַחזָא יוֹסֵף לְאַפרַיִם בְנִין תְלִיתָאִין אַף בְנֵי מָכִיר בַר מְנַשַה אִתילִידוּ וְרַבִי יוֹסֵף׃
(1) 42:05	וַאֲמַר יוֹסֵף לַאֲחוֹהִי אֲנָא מָאִית וַיוי מִדכָר דְכִיר יָתְכוֹן וְיַסֵיק יָתְכוֹן מִן אַרעָא הָדָא לְאַרעָא דְקַיֵים לְאַברָהָם לְיִצחָק וֻליַעֲקֹב׃
(1) 52:05	וְאוֹמִי יוֹסִף יָת בְנֵי יִשרָאֵל לְמֵימַר מִדכָר דְכִיר יוי יָתְכוֹן וְתַסְקוּן יָת גַרמַי מִיכָא׃
(1) 62:05	וֻמִית יוֹסֵף בַר מְאָה וְעַסַר שְנִין וַחנַטוּ יָתֵיה וְסָמוּהִי בַאֲרוֹנָא בְמִצרָיִם׃