The Comprehensive Aramaic Lexicon

(1) 10:94	וֻקרָא יעקב לִבנוֹהִי וַאֲמַר אִתכְנַשוּ וַאֲחַוֵי לְכוֹן יָת דִיעָרַע״די יערעא#3#״ יָתְכוֹן בְסוֹף יוֹמַיָא׃
(1) 20:94	אִתכַנַשוּ וֻשמַעוּ בְנֵי יַעֲקֹב וְקַבִילוּ אוּלפָן מִן יִשרָאֵל אֲבוּכוֹן׃
(1) 30:94	רְאוּבֵן בוּכרִי אַת חֵילִי וְרֵיש תוּקפִי לָך הֲוָה חָזֵי לְמִסַב תְלָתָה חוּלָקִין בְכֵירוּתָא כְהוּנְתָא וֻמַלכַותָא׃
(1) 40:94	עַל דַאֲזַלת לִקבֵיל אַפָך הָא כְמַיָא בְרַם לָא אַהנִיתָא חוּלָק יַתִיר לָא תִיסַב אֲרֵי סְלֵיקתָא בֵית מִשכְבֵי אֲבוּך בְכֵין אַחֵילתָא לְשִיוָיִי בְרִי סְלֵיקתָא׃
(1) 50:94	שִמעוֹן וְלֵוִי אַחִין גַברִין גִיבָרִין בַאֲרַע תוֹתָבוּתְהוֹן עֲבַדוּ גְבוּרָא׃
(1) 60:94	בְרָזְהוֹן לָא הְוָת נַפשִי בְאִתכַנֵישֵיהוֹן לִמהָך לָא נְחַתִית מִן יְקָרִי אֲרֵי בְרוּגזְהוֹן קְטַלוּ קְטוֹל וְבִרעוּתְהוֹן תָרַעוּ שוּר סָנְאָה׃
(1) 70:94	לִיט רוּגזְהוֹן אֲרֵי תַקִיף וְחֵימַתהוֹן אֲרֵי קַשיָא אֲפַלֵיגִנוּן בְיַעֲקֹב וַאֲבַדְרִינוּן בְיִשרָאֵל׃
(1) 80:94	יְהוּדָה אַת אוֹדִיתָא וְלָא בְהֵיתתָא בָך <לך#3#> יוֹדוֹן אֲחָך יְדָך תִתַקַף עַל בַעלֵי דְבָבָך יִתַברוּן״יתבדרון#3#״ סָנְאָך יְהוֹן מַחזְרֵי קְדָל קְדָמָך יְהוֹן מַקדְמִין מִשאַל בִשלָמָך בְנֵי אֲבוּך׃
(1) 90:94	שִלטוֹן יְהֵי בְשֵירוּיָא וֻבסוֹפָא יִתרַבַא מַלכָא מִדבֵית יְהוּדָה אֲרֵי מִדִין קַטלָא בְרִי נַפשָך סַלֵיקתָא יְנוּחַ יִשרֵי בִתקוֹף כְאַריָא וֻכלִיתָא וְלֵית מַלכוּ דִתזַעזְעִינֵיה׃
(1) 01:94	לָא יְעִידֵי עָבֵיד שוּלטָן מִדְבֵית יְהוּדָה וְסָפְרָא מִבְנֵי בְנוֹהִי עַד עָלְמָא עַד דְיֵיתֵי מְשִיחָא דְדִילֵיה״דיליה#3#״ הִיא מַלכוּתָא וְלֵיה יִשתַמעוּן עַמְמַיָא׃
(1) 11:94	יַסחַר ישראל לְקַרתֵיה עַמָא יִבנוֹן הִיכְלֵיה יְהוֹן צַדִיקַיָא סחור סחור לֵיה וְעָבְדֵי אוֹרָיתָא בְאוּלפָן עִמֵיה״עַמֵיה#3#״ יְהֵי אַרגְוָן טָב לְבוּשֵיה וֻכסוּתֵיה מֵילָא מֵילָא צְבַע זְהוֹרִי וְצִבעָנִין׃
(1) 21:94	יִסִמקוּן טוּרוֹהִי בְכַרמוֹהִי יְטוּפוּן נָעֲווֹהִי בַחמַר יְחַורָן בַקעָתֵיה בְעִיבוּר וֻבעַדרֵי עָנֵיה׃
(1) 31:94	זְבוּלוּן עַל סְפַר יַמְמַיָא יִשרֵי וְהוּא יְכַבֵיש מָחוֹזִין בִספִינָן וְטוּב יַמָא יֵיכוֹל וֻתחוּמֵיה יְהֵי מָטֵי עַד״עַל#3#״ צִידֹן׃
(1) 41:94	יִשָׂשׂכָר עַתִיר בְנִכסִין אַחסָנְתֵיה בֵין תְחוּמַיָא׃
(1) 51:94	וַחזָא חוּלָקָא אֲרֵי טָב וְיָת אַרעָא אֲרֵי מְעַבדָא פֵירִין וִיכַבִיש״ויהא מכביש#3#״ מָחוֹזֵי עַמְמַיָא וִישֵיצֵי יָת דָיְרֵיהוֹן וְדיִשתְאַרוּן״ודי אשתארון#3#״ בְהוֹן יְהוֹן לֵיה פָלְחִין וֻמַסְקֵי מִסִין׃
(1) 61:94	מִדְבֵית דָן יִתבְחַר וִיקוּם גַברָא בְיוֹמוֹהִי יִתפְרֵיק עַמֵיה וֻבִשנוֹהִי יְנוּחוּן כַחֲדָא שִבטַיָא דְיִשראל׃
(1) 71:94	יְהֵי גַברָא דְיִתבְחַר״יתבחר#3#״ וִיקוּם מִדְבֵית דָן אֵימְתֵיה תִתרְמֵי עַל עַמְמַיָא וֻמַחתֵיה תִיתַקַף בִפלִשתָאֵי כְחִיוֵי חוּרמָן יִשרֵי עַל אוֹרחָא וֻכפִתנָא יִכמוֹן עַל שְבִילָא יְקַטֵיל גִיבָרֵי מַשרְיָת פְלשִתָאֵי פָרָשִין עִם רִגלָאִין יְעַקַר סוּסָוָן וֻרתִכִין וְיִמַגַר רָכְבֵיהוֹן לְאַחרָא׃
(1) 81:94	לְפוֹרקָנָך סַבַרִית יוי׃
(1) 91:94	דְבֵית גָד מַשרְיָת מְזָיְנִין <כד#3#> יִעבְרוּן <בנוהי#3#> יָת יַרדְנָא קְדָם אֲחֵיהוֹן לִקרָבָא וֻבנִכסִין סַגִיאִין יְתוּבוּן לַאֲרַעהוֹן׃
(1) 02:94	דְאָשֵר טָבָא אַרעֵיה וְהִיא מְרַבְיָא״מרויא#3#״ תַפנוּקֵי מַלכִין׃
(1) 12:94	נַפתַלִי בַאֲרַע טָבָא יִתרְמֵי עַדבֵיה וְאַחסָנְתֵיה תְהֵי מְעַבדָא״מַעבְדָא#3#״ פֵירִין יְהוֹן מוֹדַן וֻמבָרְכִין עֲלֵיהוֹן׃
(1) 22:94	בְרִי דִסגִי יוֹסֵף בְרִי דְאִתבָרַך כְגוֹפַן דִנצִיב״דנסיב#3#״ עַל עֵינָא דְמַיָא תְרֵין שִבטִין יִפְקוּן מִבְנוֹהִי יְקַבְלוּן חוּלָקָא וְאַחסָנְתָא׃
(1) 32:94	וְאִתמַרַרוּ עִמֵיה״יתיה#3#״ וְנַקמוּהִי וַאֲעִיקוּ לֵיה גַברִין גִיבָרִין בַעֲלֵי״מרי#3#״ פַלגוּתֵיה׃
(1) 42:94	וְתַבַת״ויתיבת#3#״ בְהוֹן נְבִיוּתֵיה עַל דְקַיֵים אוֹרָיתָא בְסִתרָא וְשַוִי תוּקפָא רוּחצָנֵיה בְכֵין אִתרְמַא דְהַב עַל דְרָעוֹהִי אַחסֵין מַלכוּתָא וֻתקֵיף \דָא הֲוָתֵיה ״דהות ליה#3#״ מִן קְדָם אֵל תַקִיפָא דְיַעֲקֹב דִבמֵימְרֵיה זָן אֲבָהָן וֻבנִין זַרעָא״שבטיא#3#״ דְישראל׃
(1) 52:94	מֵימַר אֲלָהָא דַאֲבוּך יְהֵי בְסַעֲדָך וְיָת שַדַי וִיבָרְכִינָך בִרכָן דְנָחֲתָן מִטַלָא דִשמַיָא מִלְעֵילָא בִרכָן דְנָגְדָן מִמַעֲמַקֵי ארעא מִלְרַע בִרכָתָא דַאֲבוּך וֻדאִימָך׃
(1) 62:94	בִרכָתָא דַאֲבוּך יִתוֹסְפַן עַל בִרכָתָא דְלִי בָרִיכוּ אֲבָהָתִי דְחַמִידוּ לְהוֹן רַברְבַיָא דְמִן עָלְמָא יְהוִיָן כֹל אִלֵין לְרֵישָא דְיוֹסֵף גַברָא פְרִישָא דַאֲחוֹהִי׃
(1) 72:94	בִניָמִן בְאַרעֵיה תִשרֵי שְכִינְתָא וֻבאַחסָנְתֵיה יִתבְנֵי מַקדְשָא בְצַפרָא וֻבפַניָא יְהוֹן מְקָרְבִין כְהֲנַיָא קוּרבָנָא וֻלעִדָן רַמשָא יְהוֹן מְפַלְגִין מוֹתַר חוּלְקְהוֹן מִשְאָר קוּדשַיָא׃
(1) 82:94	כֹל אִלֵין שִבטַיָא דישראל תְרֵי עֲסַר וְדָא דְמַלֵיל לְהוֹן״עמהון#3#״ אֲבוּהוֹן וֻבָרֵיך יָתְהוֹן גְבַר״אינש#3#״ <די#3#> כְבִרכְתֵיה בָרֵיך יָתְהוֹן׃
(1) 92:94	וֻפַקֵיד יָתְהוֹן וַאֲמַר לְהוֹן אֲנָא מִתכְנֵיש לְעַמִי קְבַרוּ יָתִי לְוָת״עם#3#״ אֲבָהָתִי בִמעָרְתָא דְבַחקַל עַפרוֹן חִתָאָה׃
(1) 03:94	בִמעָרְתָא דְבַחקַל כָפֵילתָא דְעַל אַפֵי מַמרֵי בארעא דִכנָעַן דִזבַן אַברָהָם יָת חַקלָא מִן עַפרוֹן חִתָאָה לְאַחסָנַת קְבוּרָא׃
(1) 13:94	תַמָן קְבַרוּ יָת אַברָהָם וְיָת שָׂרָה אִיתְתֵיה תַמָן קְבַרוּ יָת יִצחָק וְיָת רִבקָה אִיתְתֵיה וְתַמָן קְבַרִית יָת לֵאָה׃
(1) 23:94	זְבִינֵי חַקלָא וֻמעָרְתָא דְבֵיה מִן בְנֵי חִתָאָה׃
(1) 33:94	וְשֵיצִי יַעֲקֹב לְפַקָדָא יָת בְנוֹהִי וֻכנַש רַגלוֹהִי לְעַרסָא וְאִתנְגִיד וְאִתכְנֵיש לְעַמֵיה׃

next chapter