The Comprehensive Aramaic Lexicon

(1) 10:84	וַהֲוָה בָתַר פִתגָמַיָא הָאִלֵין וַאֲמַר לְיוֹסֵף הָא אֲבוּך <שכיב#3#> מְרַע וֻדבַר יָת תְרֵין בְנוֹהִי עִמֵיה יָת מְנַשַה וְיָת אַפרָיִם׃
(1) 20:84	וְחַוִי ליעקב וַאֲמַר הָא בְרָך יוֹסֵף אָתֵי לְוָתָך וְאִיתַקַף יִשרָאֵל וִיתֵיב עַל עַרסָא׃
(1) 30:84	וַאֲמַר יַעֲקֹב לְיוֹסֵף אֵל שַדַי אִתגְלִי לִי בְלוּז בְאַרעָא דִכנָעַן וֻבָרֵיך יָתִי׃
(1) 40:84	וַאֲמַר לִי הֲאֲנָא \מַפֵיש לָך ״מפשינך#3#״ \וֻמַסגֵי לָך ״ומסגינך#3#״ וְאִיתְנִינָך לְכִנשָת שִבטִין וְאִתֵין יָת ארעא הָדָא לִבנָך בָתְרָך אַחסָנַת עָלַם׃
(1) 50:84	וֻכעַן תְרֵין בְנָך דְאִיתִילִידוּ לָך בְאַרעָא דְמִצרַיִם עַד מֵיתַא לְוָתָך לְמִצרַיִם דִילִי אִינוּן אַפרַיִם וֻמנַשַה כִראוּבֵן וְשִמעוֹן יְהוֹן קְדָמָי׃
(1) 60:84	וֻבנִין דְתוֹלֵיד בָתְרֵיהוֹן דִילָך יְהוֹן עַל שוֹם אֲחֵיהוֹן יִתקְרוֹן בְאַחסָנַתהוֹן׃
(1) 70:84	וַאֲנָא בְמֵיתַא מִפַדָן מֵיתַת עֲלַי רָחֵל בְאַרעָא דִכנַעַן בְאוֹרחָא בְעוֹד כְרוֹב ארעא לְמֵיעַל לְאַפרָת וֻקבַרתַה תַמָן בְאוֹרַח אַפרָת הִיא בֵית לָחַם׃
(1) 80:84	וַחזָא ישראל יָת בְנֵי יוֹסֵף וַאֲמַר מַן אִלֵין׃
(1) 90:84	וַאֲמַר יוֹסֵף לַאֲבוּהִי בְנַי אִינוּן דִיהַב לִי יוי הָכָה וַאֲמַר קָרֵיבִינוּן כְעַן לְוָתִי וַאֲבָרֵיכִינוּן׃
(1) 01:84	וְעֵינֵי ישראל יְקַרָא מִסֵיבוּ לָא יָכֵיל לְמִחזֵי וְקָרֵיב יָתְהוֹן לְוָתֵיה וְנַשֵיק לְהוֹן וְגָפֵיף לְהוֹן׃
(1) 11:84	וַאֲמַר ישראל לְיוֹסֵף מִחזֵי״למחזי#3#״ אַפָך לָא סַבַרִית וְהָא אַחזִי יָתִי יוי אַף יָת בְנָך׃
(1) 21:84	וְאַפֵיק יוֹסֵף יָתְהוֹן מִן קְדָמוֹהִי וֻסגֵיד עַל אַפוֹהִי עַל אַרעָא׃
(1) 31:84	וֻדבַר יוֹסֵף יָת תַרוֵיהוֹן יָת אַפרַיִם בְיַמִינֵיה מִסְמָלָא דְישראל וְיָת מְנַשַה בִסמָלֵיה מִיַמִינָא דְישראל וְקָרֵיב לְוָתֵיה׃
(1) 41:84	וְאוֹשֵיט יִשרָאֵל יָת יַמִינֵיה וְשַוִי עַל רֵישָא דְאַפרַיִם וְהוּא זְעֵירָא וְיָת סְמָלֵיה עַל רֵישָא דִמנַשַה אַחַכֵימִינוּן״אַחכֵימִנוּן#3#״ לִידוֹהִי אֲרֵי מְנַשַה בוּכרָא׃
(1) 51:84	וֻבָרֵיך יָת יוֹסֵף וַאֲמַר יוי״אלהא#3#״ דִפלַחוּ אֲבָהָתִי קְדָמוֹהִי אברָהָם וְיִצחָק יוי דְזָן יָתִי מִדְאִיתַנִי עַד יוֹמָא הָדֵין׃
(1) 61:84	מַלאֲכָא דִפרַק יָתִי מִכֹל בִישָא יְבָרֵיך יָת עוּלֵימַיָא וְיִתקְרֵי בְהוֹן שְמִי וְשוֹם אֲבָהָתִי אברהם ויצחק וֻכנוּנֵי יַמָא יִסגוֹן בְגוֹ בְנֵי אֲנָשָא עַל ארעא׃
(1) 71:84	וַחזָא יוֹסֵף אֲרֵי שַוִי אֲבוּהִי יַד יַמִינֵיה עַל רֵישָא דְאַפרַיִם וֻבאֵיש בְעֵינוֹהִי וְסַעֲדַה לִידָא״ידא#3#״ דַאֲבוּהִי לְאַעֲדָאָה יָתַה מֵעַל רֵישָא דְאַפרַיִם לַאֲנָחוּתַה עַל רֵישָא דִמנַשַה׃
(1) 81:84	וַאֲמַר יוֹסֵף לַאֲבוּהִי לָא כֵין אַבָא אֲרֵי דֵין בוּכרָא שַו יַמִינָך עַל רֵישֵיה׃
(1) 91:84	וְסָרֵיב אָבוּהִי וַאֲמַר יָדַענָא בְרִי יָדַענָא אַף הוּא יְהֵי לְעַם וְאַף הוּא יִסגֵי וֻברַם אֲחוּהִי זְעֵירָא יִסגֵי מִנֵיה וֻבנוֹהִי יְהוֹן <מלכין#3#> שָלְטִין״דשליטין#3#״ בְעַמְמַיָא׃
(1) 02:84	וְבָרֵיכִינוּן בְיוֹמָא הַהוּא לְמֵימַר בָך יְבָרֵך ישראל לְמֵימַר יְשַוֵינָך יוי כְאַפרַיִם וְכִמנַשַה וְשַוִי יָת אַפרַיִם קְדָם מְנַשַה׃
(1) 12:84	וַאֲמַר ישראל לְיוֹסֵף הָאֲנָא מָאִית וִיהֵי מֵימְרָא דַיוי בְסַעַדכוֹן וְיָתֵיב״וְיָתִיב#3#״ יָתְכוֹן לְאֲרַע אֲבָהָתְכוֹן׃
(1) 22:84	וַאֲנָא <הָא#3#> יְהַבִית לָך חוּלָק חַד יַתִיר עַל אֲחָך דִנסֵיביִת מִיְדָא דַאֲמוֹרָאָה \בְחַרבִי וֻבקַשתִי ״בִצלוֹתִי וֻבבָעוּתִי#3#״׃

next chapter