The Comprehensive Aramaic Lexicon

(1) 10:64	וֻנטַל ישראל וְכָל דְלֵיה וַאֲתָא לִבאֵר שָבַע וְדַבַח״ונכיס#3#״ דִבחִין״ניכסין#3#״ לַאֲלָהָא דַאֲבוּהִי יִצחָק׃
(1) 20:64	וַאֲמַר יוי לישראל \בְחַזוָא דְלֵיליָא ״בחזוי ליליא#3#״ וַאֲמַר יַעֲקֹב יַעֲקֹב וַאֲמַר הָאֲנָא׃
(1) 30:64	וַאֲמַר אֲנָא אֵל אֲלָהָא דַאֲבוּך לָא תִדחַל מִלְמֵיחַת לְמִצרַיִם אֲרֵי לְעַם סַגִי אֲשַוֵינָך תַמָן׃
(1) 40:64	אֲנָא אֵיחוֹת עִימָך לְמִצרַיִם וַאֲנָא אַסקִינָך אַף אַסָקָא וְיוֹסֵף יְשַוֵי יְדוֹהִי עַל עֵינָך׃
(1) 50:64	וְקָם יַעֲקֹב מִבְאֵר שַבַע וְנטַלוּ בְנֵי ישראל יָת יַעֲקֹב אֲבוּהוֹן וְיָת טַפלְהוֹן וְיָת נְשֵיהוֹן בְעַגַלתָא דִשלַח פרעֹה לְמִיטַל יָתֵיה׃
(1) 60:64	וֻדבַרוּ יָת גֵיתֵיהוֹן וְיָת <כל#3#> קִניָנְהוֹן דִקנוֹ בְאַרעָא דִכנָעַן וַאֲתוֹ למצרים יַעֲקֹב וְכֹל בְנוֹהִי עִמֵיה׃
(1) 70:64	בְנוֹהִי״זרעיה#3#״ וֻבנֵי בְנוֹהִי עִמֵיה בְנָתֵיה וֻבנָת בְנוֹהִי וְכֹל בְנוֹהִי אֵיתִי עִמֵיה לְמִצרָיִם׃
(1) 80:64	וְאִלֵין שְמָהָת בְנֵי ישראל דְעָלוּ לְמִצרַיִם יַעֲקֹב וֻבנוֹהִי בוּכרֵיה דיעקב רְאוּבֵן׃
(1) 90:64	וֻבנֵי רְאוּבֵן חֲנוֹך וֻפַלוּא וְחַצרוֹן וְכַרמִי׃
(1) 01:64	וֻבנֵי שִמעוֹן יְמוּאֵל וְיָמִין וְאוֹהַד וְיָכִין וְצוֹחַר וְשָאוּל בַר כְנַעֲנֵיתָא׃
(1) 11:64	וֻבנֵי לֵוִי גֵרְשוֹן קְהָת וֻמרָרִי׃
(1) 21:64	וֻבנֵי יְהוּדָה עֵר וְאוֹנָן וְשֵלָה וָפַרַץ וָזָרַח וֻמִית עֵר וְאוֹנָן בארעא דִכנָעַן וַהווֹ בְנֵי פַרַץ חַצרֹן וְחָמוּל׃
(1) 31:64	וֻבנֵי יִשׂשָׂכָר תוֹלָע וֻפוָּה וְיוֹב וְשִמרוֹן׃
(1) 41:64	וֻבנֵי זְבוּלוּן סַרַד וְאֵילוֹן וְיַחלְאֵל׃
(1) 51:64	אִלֵין בְנֵי לְאָה דִילֵידַת לְיַעֲקֹב בְפַדַן דַאֲרָם וְיָת דִינָה בְרַתֵיה כָל נְפַש בְנוֹהִי וֻבנָתֵיה תְלָתִין וֻתלָת׃
(1) 61:64	וֻבנֵי גָד צִפיוֹן וְחַגִי שוּנִי וְאַצבֹל עֵרִי וַאֲרוֹדִי וְאַראֵלִי׃
(1) 71:64	וֻבנֵי אָשֵר יִמנָה וְיִשוָה וְיִשוִי וֻברִיעָה וְשַרַח אֲחָתְהוֹן וֻבנֵי בְרִיעָה חַבַר וֻמַלכִיאֵל׃
(1) 81:64	אִלֵין בְנֵי זִלפָה דִיהַב לָבָן לְלֵאָה בְרַתֵיה וִילֵידַת יָת אִלֵין לְיַעֲקֹב שֵית עַסרֵי נַפשָן׃
(1) 91:64	בְנֵי רָחֵל אִיתַת יעקב יוֹסֵף וֻבִניָמִן׃
(1) 02:64	וְאִיתִילִידוּ לְיוֹסֵף בארעא דמצרים דִילֵידַת לֵיה אָסְנַת בַת פוֹטִיפַרַע רַבָא דְאוֹן יָת מְנַשַה וְיָת אַפרָיִם׃
(1) 12:64	וֻבנֵי בִניָמִין בַלַע וֻבַכַר וְאַשבֵיל גֵרָא וְנַעֲמָן אֵחִי וָרֹאש מוּפִין וְחוּפִים וָאָרד׃
(1) 22:64	אִלֵין בְנֵי רָחֵל דְאִיתִילֵיד״די אתלידו#3#״ לְיַעֲקֹב כֹל נַפשָתָא אַרבַע עַסרֵי׃
(1) 32:64	וֻבנֵי דָן חוּשִים׃
(1) 42:64	וֻבנֵי נַפתָלִי יַחצְאֵל וְגוּנִי וְיֵצַר וְשִלָם׃
(1) 52:64	אִלֵין בְנֵי בִלהָה דִיהַב לָבָן לְרָחֵל בְרַתֵיה וִילֵידַת יָת אִלֵין לְיַעֲקֹב כֹל נַפשָתָא שְבַע׃
(1) 62:64	כָל נַפשָתָא דַעֲלָא \עִם יעקב ״ליעקב#3#״ לְמִצרַיִם נָפְקֵי יִרכֵיה בָר מִנְשֵי בְנֵי יעקב כֹל נַפשָתָא שִתִין וְשֵית׃
(1) 72:64	וֻבנֵי יוֹסֵף דְאִיתיְלִידוּ״די איתלידו#3#״ לֵיה בְמִצרַיִם נַפשָתָא תַרתֵין כֹל נַפשָתָא לְבֵית״דבית#3#״ יַעֲקֹב דְעַלָא לְמִצרַיִם שִבעִין׃
(1) 82:64	וְיָת יְהוּדָה שְלַח קְדָמוֹהִי לְוָת יוֹסֵף לְפַנָאָה קְדָמוֹהִי לְגוֹשַן וַאֲתוֹ לְאַרעָא דְגוֹשַן׃
(1) 92:64	וְטַקֵיס״ותקיס#3#״ יוֹסֵף רְתִיכוֹהִי וֻסלֵיק לְקַדָמוּת ישראל אֲבוּהִי לְגוֹשַן וְאִתַחזִי לֵיה וֻנפַל עַל צַורֵיה וֻבכָא עַל צַורֵיה עוֹד׃
(1) 03:64	וַאֲמַר ישראל ליוסף אִילוּ אֲנָא מָאִית <ברם#3#> זִמנָא״בזמנא#3#״ הָדָא מְנַחַם אֲנָא בָתַר דַחזֵיתִינוּן לְאַפָך אֲרֵי עַד כְעַן \קַיָים אַת ״את קיים#3#״׃
(1) 13:64	וַאֲמַר יוֹסֵף לַאֲחוֹהִי וֻלבֵית אֲבוּהִי אִיסַק וַאֲחַוֵי לְפַרעֹה וְאֵימַר לֵיה אַחַי וֻבֵית אַבָא דבארעא דִכנָעַן אֲתוֹ לְוָתִי׃
(1) 23:64	וְגַברַיָא רָעַן עָנָא אֲרֵי גֻברֵי מָרֵי גֵיתֵי הֲווֹ וְעָנְהוֹן וְתוֹרֵיהוֹן וְכֹל דִילְהוֹן אֵיתִיוּ׃
(1) 33:64	וִיהֵי אֲרֵי״כד#3#״ יִקרֵי לְכוֹן פַרעֹה וְיֵימַר מָא עוּבָדְכוֹן׃
(1) 43:64	וְתֵימְרוּן גֻברֵי מָרֵי גֵיתֵי הְווֹ עַבדָך מִזְעוּרַנָא״מעולימנא#3#״ וְעַד כְעַן אַף אְנַחנָא אַף אֲבָהָתַנָא בְדִיל דְתִיתְבוּן בארעא דְגוֹשַן אֲרֵי מְרַחֲקִין״בעירא#3#״ מִצרָאֵי כֹל רָעֵי עָנָא׃

next chapter