The Comprehensive Aramaic Lexicon

(1) 10:44	וֻפַקֵיד \יָת דִממַנַא ״לדי ממנא#3#״ עַל בֵיתֵיה לְמֵימַר מַלִי יָת טוּענֵי גֻברַיָא עִיבוּרָא כְמָא דְיָכְלִין לְמִטעַן וְשַו כְסַף גְבַר בְפוֹם טוּענֵיה׃
(1) 20:44	וְיָת כַלִידִי כַלִידָא דְכַספָא תְשַוֵי בְפוֹם טוּענָא דִזעֵירָא וְיָת כְסַף זְבִינוֹהִי וַעֲבַד כְפִתגָמָא דְיוֹסֵף דְמַלֵיל׃
(1) 30:44	צַפרָא נְהַר וְגֻברַיָא אִתפְטַרוּ אִנוּן וֻחמָרֵיהוֹן׃
(1) 40:44	אִנוּן נְפַקוּ מִן״ית#3#״ קַרתָא לָא אַרחִיקוּ וְיוֹסֵף אֲמַר לְדִממַנָא עַל בֵיתֵיה קוּם רְדוֹף בְתַר גֻברַיָא וְתַדבֵיקִינוּן וְתֵימַר לְהוֹן לְמָא שַלֵמיתוּן בִשתָא חֲלָף טָבְתָא׃
(1) 50:44	הֲלָא דֵין דְשָתֵי רִבוֹנִי בֵיה וְהוּא בַדָקָא מְבַדֵיק בֵיה אַבאֵישתוּן דַעֲבַדתוּן׃
(1) 60:44	וְאַדבֵיקִינוּן וֻמַלֵיל עִמְהוֹן״להון#3#״ יָת פִתגָמַיָא הָאִלֵין׃
(1) 70:44	וַאֲמַרוּ לֵיה לְמָא יְמַלֵיל רִבוֹנִי כְפִתגָמַיא הָאִלֵין חָס לְעַבדָך מִלְמַעֲבַד כְפִתגָמָא הָדֵין׃
(1) 80:44	הָא כַספָא דְאַשכַחנָא בְפוֹם טוּענַנָא אֲתֵיבנָהִי לָך״לותך#3#״ מארעא דִכנַעַן וְאֵיכְדֵין נִגנוֹב מִבֵית רִבוֹנָך מָנִין דִכסַף אוֹ מָנִין דִדהַב׃
(1) 90:44	דְיִשתְכַח עִמֵיה מֵעַבדָך יִתקְטִיל״ימות#3#״ וְאַף אֲנַחנָא נְהֵי לְרִיבוֹנִי לְעַבדִין׃
(1) 01:44	וַאֲמַר אַף כְעַן כְפִתגָמֵיכוֹן כֵין הוּא דְיִשתְכַח עִמֵיה יְהֵי לִי עַבדָא וְאַתוּן תְהוֹן זַכָאִין׃
(1) 11:44	וְאוֹחִיאוּ וַאֲחִיתוּ גְבַר יָת טוּענֵיה \עַל ארעא ״לְאַרעָא#3#״ וֻפתַחוּ גְבַר טוּענֵיה׃
(1) 21:44	וֻבלַש בְרַבָא שָרִי וֻבִזעֵירָא שֵיצִי וְאִשתְכַח כַלִידָא בְטוּענָא דְבִניָמִן׃
(1) 31:44	וֻבַזַעוּ לְבוּשֵיהוֹן וֻרמוֹ גְבַר עַל חֲמָרֵיה וְתָבוּ לְקַרתָא׃
(1) 41:44	וְעָל״ואתא#3#״ יְהוּדָה וַאֲחוֹהִי לְבֵית יוֹסֵף וְהוּא עַד כְעַן תַמָן וֻנפַלוּ קְדָמוֹהִי עַל ארעא׃
(1) 51:44	וַאֲמַר לְהוֹן יוֹסֵף מָא עוּבָדָא הָדֵין״הדא#3#״ דַעֲבַדתוּן הֲלָא יָדְעִיתוּן אֲרֵי בַדָקָא מְבַדֵיק גַברָא דִכוָתִי׃
(1) 61:44	וַאֲמַר יְהוּדָה מָא נֵימַר לְרִיבוֹנִי מָא נְמַלֵיל וֻמָא נִזכֵי מִן קדם יוי אִשתְכַח חוֹבָא בְעַבדָך״דעבדך#3#״ הָא אֲנַחנָא עַבדִין לְרִיבוֹנִי אַף אֲנַחנָא אַף דְאִשתְכַח כַלִידָא בִידֵיה׃
(1) 71:44	וַאֲמַר חָס לִי״לעבדך#3#״ מִלְמַעֲבַד דָא גַברָא דְאִשתְכַח״די ישתכח#3#״ כַלִידָא בִידֵיה הוּא יְהֵי לִי עַבדָא וְאַתוּן סַקוּ לִשלָם לְוָת אֲבוּכוֹן׃
(1) 81:44	וֻקרֵיב לְוָתֵיה יְהוּדָה וַאֲמַר בְבָעוּ רִבוֹנִי יְמַלֵיל כְעַן עַבדָך פִתגָמָא קְדָם רִבוֹנִי וְלָא יִתקַף רוּגזָך בְעַבדָך אֲרֵי כפרעה כֵין אַת׃
(1) 91:44	רִבוֹנִי שַאֵיל יָת עַבדוֹהִי לְמֵימַר הֲאִית לְכוֹן אַבָא אוֹ אַחָא׃
(1) 02:44	וַאֲמַרנָא לְרִבוֹנִי אִית לַנָא אַבָא סָבָא״סיב#3#״ וֻבַר סֵיבְתִין זְעֵיר וַאֲחוּהִי מִית וְאִישתְאַר הוּא בִלחוֹדוֹהִי לְאִימֵיה וַאֲבוּהִי רָחֵים לֵיה׃
(1) 12:44	וַאֲמַרת לְעַבדָך אַחֲתוּהִי לְוָתִי וַאֲשַוֵי עֵינִי עֲלוֹהִי׃
(1) 22:44	וַאֲמַרנָא לְרִבוֹנִי לָא יִכוֹל עוּלֵימָא לְמִשבַק יָת אֲבוּהִי אִם יִשבוֹק יָת אֲבוּהִי יְמוּת׃
(1) 32:44	וְאַמַרת לְעַבדָך אִם לָא יֵיחוֹת אֲחוּכוֹן זְעֵירָא עִמְכוֹן לָא תוֹסְפוּן לְמִחזֵי אַפָי׃
(1) 42:44	וַהֲוָה כַד סְלֵיקנָא לְוָת עַבדָך אַבָא וְחַוִינָא לֵיה יָת פִתגָמֵי רִבוֹנִי׃
(1) 52:44	וַאֲמַר אֲבוּנָא תוּבוּ זְבוּנוּ לַנָא זְעֵיר עִיבוּרָא׃
(1) 62:44	וַאֲמַרנָא לָא נִיכוֹל לְמֵיחַת אִם אִית אֲחוּנָא זְעֵירָא עִמַנָא וְנֵיחוֹת אֲרֵי לָא נִיכוֹל לְמִחזֵי אַפֵי גֻברָא וַאֲחוּנָא זְעֵירָא לָיְתוֹהִי עִמַנָא׃
(1) 72:44	וַאֲמַר עַבדָך אַבָא לַנָא אַתוּן יְדַעתוּן אֲרֵי תְרֵין יְלֵידַת לִי אִתְתִי׃
(1) 82:44	וֻנפַק חַד מִלְוָתִי וַאֲמַרִית בְרַם מִקטָל קְטִיל וְלָא חֲזֵיתֵיה עַד כְעַן׃
(1) 92:44	וְתִדבְרוּן אַף יָת דֵין מִן קְדָמַי״מקדמי#3#״ וִיעָרְעִינֵיה מוֹתָא וְתַחֲתוּן יָת סֵיבְתִי בְבִשתָא״בדוונא#3#״ לִשאוֹל׃
(1) 03:44	וֻכעַן כְמֵיתַא לְוָת עַבדָך אַבָא וְעוּלֵימָא לָיְתוֹהִי עִמַנָא וְנַפשֵיה חַבִיבָא לֵיה כְנַפשֵיה׃
(1) 13:44	וִיהֵי כַד יִחזֵי אֲרֵי לֵית עוּלֵימָא וִימוּת וְיַחֲתוּן עַבדָך יָת סֵיבַת עַבדָך אֲבוּנָא בְדָווֹנָא לִשאוֹל׃
(1) 23:44	אֲרֵי עַבדָך מְעָרַב בְעוּלֵימָא״ית עולימא#3#״ מִן אַבָא לְמֵימַר אִם לָא אַיתֵינֵיה לָך וְאֵיהֵי חָטֵי לְאַבָא כֹל יוֹמַיָא׃
(1) 33:44	וֻכעַן יִתֵיב כְעַן עַבדָך תְחוֹת״חלף#3#״ עוּלֵימָא עַבדָא לְרִבוֹנִי וְעוּלֵימָא יִסַק עִם אֲחוֹהִי׃
(1) 43:44	אֲרֵי אֵיכְדֵין אִיסַק לְוָת״לבית#3#״ אַבָא וְעוּלֵימָא לָיְתוֹהִי עִמִי דִלמָא אִחזֵי בְבִשתָא דְתַשכַח יָת אַבָא׃

next chapter