The Comprehensive Aramaic Lexicon

(1) 10:24	וַחזָא יַעֲקֹב אֲרֵי עִיבוּר מִזדַבַן בְמִצרָיִם וַאֲמַר יַעֲקֹב לִבנוֹהִי לְמָא <דנן#3#> תִתַחזוֹן׃
(1) 20:24	וְאֲמַר הָא שְמַעִית אֲרֵי אִית עִיבוּר מִזדַבַן במצרים חוּתוּ לְתַמָן וֻזבוּנוּ לַנָא מִתַמָן וְנֵיחֵי וְלָא נְמוּת׃
(1) 30:24	וֻנחַתוּ אֲחֵי יוֹסֵף עַסרָא לְמִזבַן עִיבוּרָא מִמִצרָיִם׃
(1) 40:24	וְיָת בִניָמִן אֲחוּהִי דְיוֹסֵף לָא שְלַח יַעֲקֹב עִם אֲחוֹהִי אֲרֵי אֲמַר דִלמָא יְעָרְעִינֵיה מוֹתָא׃
(1) 50:24	וְעָלוּ״וַאְתוֹ#3#״ בְנֵי יִשרָאֵל לְמִזבַן עִיבוּרָא בְגוֹ עָלַיָא אֲרֵי הְוָה כַפנָא בְארעא דִכנָעַן״דמצרים#3#״׃
(1) 60:24	וְיוֹסֵף הוּא שַלִיט״דְשַלִיט#3#״ עַל אַרעָא הוּא מְזַבֵין״דימזבין#3#״ עִיבוּרָא לְכֹל עַמָא דארעא וַאֲתוֹ אֲח{ֹ}<ֵ>י יוֹסֵף וֻסגִידוּ לֵיה עַל אַפֵיהוֹן עַל ארעא׃
(1) 70:24	וַחזָא יוֹסֵף יָת אֲחוֹהִי וְאִשתְמוֹדַעִינוּן וְחַשֵיב מָא דִימַלֵיל עִימְהוֹן וֻמַלֵיל עִימְהוֹן קַשיָן וַאֲמַר לְהוֹן מְנָן אֲתֵיתוֹן וַאֲמַרוּ מֵאַרעָא דִכנָעַן לְמִזבַן עִיבוּרָא׃
(1) 80:24	וְאִשתְמוֹדַע יוֹסֵף יָת אֲחוֹהִי וְאִנוּן לָא אִשתְמוֹדְעוּהִי׃
(1) 90:24	וְאִידְכַר יוֹסֵף יָת חַלמַיָא \דַהוָה חָלֵים ״דחלים#3#״ לְהוֹן וַאֲמַר לְהוֹן אַלִילֵי אַתוּן לְמִחזֵי יָת בִדקַה דארעא אֲתֵיתוֹן׃
(1) 01:24	וַאֲמַרוּ לֵיה לָא רִבוֹנִי וְעַבדָך אֲתוֹ לְמִזבַן עִיבוּרָא׃
(1) 11:24	כוּלַנָא בְנֵי גַברָא חַד נַחנָא כֵיוָנֵי אֲנַחנָא לָא הֲווֹ עַבדָך אַלִילֵי׃
(1) 21:24	וַאֲמַר לְהוֹן לָא אֲלָהֵין בִדקַה דארעא אֲתֵיתוֹן לְמִחזֵי׃
(1) 31:24	וַאֲמַרוּ תְרֵי עֲסַר עַבדָך אַחִין אֲנַחנָא בְנֵי גַברָא חַד בארעא דִכנָעַן וְהָא זְעֵירָא אִם אֲבוּנָא יוֹמָא דֵין וְחַד לָיְתוֹהִי׃
(1) 41:24	וַאֲמַר לְהוֹן יוֹסֵף הוּא דְמַלֵילִת עִמְכוֹן לְמֵימַר אַלִילֵי אַתוּן׃
(1) 51:24	בְדָא תִתבַחרוּן״תתבחנון#3#״ חַיֵי פרעה אִם תִפְקוּן מִכָא אֲלָהֵין בְמֵיתֵי אֲחוּכוֹן זְעֵירָא הָכָא״הַלְכָא#3#״׃
(1) 61:24	שְלַחוּ מִנְכוֹן חַד וְיִדבַר יָת אֲחוּכוֹן וְאַתוּן תִתאַסרוּן וְיִתבַחרוּן״ויתבחנון#3#״ פִיתגָמֵיכוֹן הַקְשוֹט אַתוּן אָמְרִין וְאִם לָא חַיֵי פַרעֹה אֲרֵי אַלִילֵי אַתוּן׃
(1) 71:24	וֻכנַש יָתְהוֹן לְבֵית מַטְרָא״בבית מַטְרָא#3#״ תְלָתָה יוֹמִין׃
(1) 81:24	וַאֲמַר לְהוֹן יוֹסֵף בְיוֹמָא תְלִיתָאָה דָא עִיבִידוּ וְאִתקַיַימוּ מִן קְדָם יוי אֲנָא דָחֵיל׃
(1) 91:24	אִם כֵיוָנֵי אַתוּן אֲחוּכוֹן חַד יִתאַסַר בְבֵית מַטַרתְכוֹן וְאַתוּן אִיזִילוּ אוֹבִילוּ עִיבוּרָא דְחַסִיר בְבָתֵיכוֹן׃
(1) 02:24	וְיָת אֲחוּכוֹן זְעֵירָא תַיתוֹן לְוָתִי וְיִתהֵימְנוּן״ויתמהמנון#3#״ פִתגָמֵיכוֹן וְלָא תְמוּתוּן וַעֲבַדוּ כֵין׃
(1) 12:24	וַאֲמַרוּ גְבַר לַאֲחוּהִי בְקוּשטָא חַיָיבִין אֲנַחנָא עַל אֲחוּנָא דַחזֵינָא בְעָקַת נַפשֵיה כַד הֲוָה מִתחַנַן לַנַא וְלָא קַבֵילנָא מִנֵיה עַל כֵין״בגין דין#3#״ אֲתָת לַנָא״עלנא#3#״לותנא#3#״ עָקְתָא הָדָא׃
(1) 22:24	וַאֲתֵיב רְאוּבֵן יָתְהוֹן לְמֵימַר הֲלָא אֲמַרִית לְכוֹן לְמֵימַר לָא תִחטוֹן״תחובון#3#״ בְעוּלֵימָא וְלָא קַבֵילתוּן וְאַף דְמֵיה הָא מִתבְעֵי׃
(1) 32:24	וְאִינוּן לָא יָדְעִין אֲרֵי שָמַע יוֹסֵף אֲרֵי מְתוּרגְמָן הֲוָה בֵינֵיהוֹן׃
(1) 42:24	וְאִסתְחַר מִלְוָתְהוֹן״מנהון#3#״ וֻבכָא וְתָב לְוָתְהוֹן וֻמַלֵיל עִמְהוֹן וֻדבַר מִלְוָתְהוֹן יָת שִמעוֹן וַאֲסַר יָתֵיה לְעֵינֵיהוֹן׃
(1) 52:24	וֻפַקֵיד יוֹסֵף וֻמלוֹ יָת מָנֵיהוֹן עִיבוּרָא וֻלאָתָבָא כַספְהוֹן גְבַר לְסַקֵיה וֻלמִתַן לְהוֹן זְוָדִין לְאוֹרחָא וַעֲבַד לְהוֹן כֵין׃
(1) 62:24	וֻנטַלוּ יָת עִיבוּרְהוֹן עַל חֲמָרֵיהוֹן וַאֲזַלוּ מִתַמָן׃
(1) 72:24	וֻפתַח חַד יָת סַקֵיה לְמִיתַן כִיסְתָא לִחמָרֵיה בְבֵית מְבָתָא וַחזָא יָת כַספֵיה וְהָא הוּא בְפוֹם טוּענֵיה׃
(1) 82:24	וַאֲמַר לְאַחוֹהִי אִיתָתַב כַספִי \וְהָא הוּא ״וְאַף הָא#3#״ בְטוּענִי וֻנפַק מַדַע לִיבְהוֹן וֻתוַהוּ גְבַר בַאֲחוּהִי״לאחוהי#3#״ לְמֵימַר מָא דָא עֲבָד יוי לַנָא׃
(1) 92:24	וַאֲתוֹ לְוָת יַעֲקֹב אֲבוּהוֹן לְאַרעָא דִכנָעַן וְחַוִיוּ לֵיה יָת כֹל דְעָרַעָא יָתְהוֹן לְמֵימַר׃
(1) 03:24	מַלֵיל גַברָא רִבוֹנַה דְאַרעָא עִימַנָא קַשיָן וִיהַב יָתַנָא כִמאַלְלֵי <יָת#3#> אַרעָא׃
(1) 13:24	וַאֲמַרנָא לֵיה כֵיוָנֵי אֲנַחנָא לָא הֲוֵינָא אַלִילֵי׃
(1) 23:24	תְרֵי עֲסַר אֲנַחנָא אַחִין בְנֵי אֲבוּנָא חַד לָיְתוֹהִי וֻזעֵירָא״וצעירא#3#״ יוֹמָא דֵין עִים אֲבוּנָא בארעא דִכנָעַן׃
(1) 33:24	וַאֲמַר לַנָא גַברָא רִיבוֹנַה דְאַרעָא בְדָא אִידַע אֲרֵי כֵיוָנֵי אַתוּן אֲחוּכוֹן חַד שְבוּקוּ לְוָתִי״עמי#3#״ וְיָת עִיבוּרָא דְחַסִיר בְבָתֵיכוֹן סוּבוּ וְאִיזִילוּ׃
(1) 43:24	וְאֵיתוֹ יָת אֲחוּכוֹן זְעֵירָא לְוָתִי וְאִידַע אֲרֵי לָא אַלִילֵי אַתוּן אֲרֵי כֵיוָנֵי אַתוּן יָת אֲחוּכוֹן אַתֵין לְכוֹן וְיָת ארעא תַעבְדוּן בַה סְחוֹרְתָא׃
(1) 53:24	וַהֲוָה אִינוּן מְרִיקִין סַקֵיהוֹן וְהָא גְבַר צְרָר כַספֵיה בְסַקֵיה וַחזוֹ יָת צְרָרֵי כַספֵיהוֹן אִינוּן וַאֲבוּהוֹן וֻדחִילוּ׃
(1) 63:24	וַאֲמַר לְהוֹן יַעֲקֹב אֲבוּהוֹן יָתִי אַתכֵילתוּן יוֹסֵיף לָיְתוֹהִי וְשִמעוֹן \לָא הֲוָה כָא ״ליתוהי#3#״ וְיָת בִניָמִן תִדבְרוּן עֲלַי הֲוַאָה כוּלְהוֹן׃
(1) 73:24	וַאֲמַר רְאוּבֵן לַאֲבוּהִי לְמֵימַר יָת תְרֵין בְנַי תְמִית אִם לָא אַיתֵינֵיה לָך הַב יָתֵיה עַל יְדִי וַאֲנָא אָתִיבִינֵיה לָך׃
(1) 83:24	וַאֲמַר לָא יֵיחוֹת בְרִי עִמְכוֹן אֲרֵי אֲחוּהי מִית וְהוּא בִלחוֹדוֹהִי אִשתְאַר וִיעָרְעִינֵיה מוֹתָא בְאוֹרחָא דִתהָכוּן בַה וְתַחֲתוּן יָת סֵיבְתִי בְדָווֹנָא לִשאוֹל׃

next chapter