H The Comprehensive Aramaic Lexicon

CAL CODE HELP CLICK HERE
click on the file description for more information

51001: TgO Gn

click on a word for lexical analysis
Click on a red-colored coordinate for comments and/or translations of the line

previous chapter


(1) 10:93 וְיוֹסֵף אִתַחַת לְמִצרַיִם וְזַבנֵיה פוֹטִיפַר רַבָא דפרעה רַב קָטוֹלַיָא גַברָא מִצרָאָה מִיַד עַרבָאֵי דְאַחֲתוּהִי לְתַמָן׃
(1) 20:93 וַהֲוָה מֵימְרָא דַיוי בְסַעֲדֵיה דְיוֹסֵף וַהֲוָה גְבַר מַצלַח וַהֲוָה בְבֵית רִבוֹנֵיה מִצרָאָה׃
(1) 30:93 וַחזָא רִבוֹנֵיה אֲרֵי <הוה#3#> מֵימְרָא דַיוי בְסַעֲדֵיה וְכֹל דְהוּא עֲבֵיד יוי מַצלַח בִידֵיה׃
(1) 40:93 וְאַשכַח יוֹסֵף רַחמִין בְעֵינוֹהִי וְשַמֵיש יָתֵיה וֻמַנִייֵה עַל <אינש#3#> בֵיתֵיה וְכֹל דְאִית לֵיה מְסַר בִידֵיה׃
(1) 50:93 וַהֲוָה מֵעִידָן דְמַנִי יָתֵיה בְבֵיתֵיה וְעַל כֹל דְאִית לֵיה וֻבָרֵיך יוי יָת בֵית מִצרָאָה בְדִיל יוֹסֵף וַהוַה בִרכְתָא דיוי בְכֹל דְאִית לֵיה בְבֵיתָא וֻבחַקלָא׃
(1) 60:93 וֻשבַק יָת כֹל דְלֵיה בִידָא דְיוֹסֵף וְלָא יְדַע״מנע#3#״ עִמֵיה מִידָעַם אֲלָהֵין לַחמָא דְהוּא אָכֵיל וַהֲוָה יוֹסֵף שַפִיר בְרֵיוָא וְיָאֵי בְחִזַוָא׃
(1) 70:93 וַהֲוָה בָתַר פִתגָמַיָא הָאִלֵין וֻזקַפַת אִיתַת רִבוֹנֵיה יָת עֵינַהָא בְיוֹסֵף״ליוסף#3#״לות יוסף#3#״ וַאֲמַרַת שְכוֹב עִמִי׃
(1) 80:93 וְסַרֵיב וַאֲמַר לְאִיתַת רִבוֹנֵיה הָא רִבוֹנִי לָא יְדַע עִמִי מָא <די#3#> בְבֵיתָא וְכֹל דְאִית לֵיה מְסַר בִידִי׃
(1) 90:93 לֵית״ליתוהי#3#״ דְרָב בְבֵיתָא הָדֵין מִנִי וְלָא מְנַע מִנִי מִדָעַם אֲלָהֵין יָתִיך בְדִיל דְאַת אִיתְתֵיה וְאֵיכְדֵין אַעבֵיד בִשתָא רַבְתָא הָדָא וְאֵיחוּב קדם יוי׃
(1) 01:93 וַהֲוָה כַד מַלֵילַת \עִם יוֹסֵף ״ליוסף#3#״ יוֹם יוֹם וְלָא קַבֵיל מִינַה לְמִשכַב לְוָתַה״בעלמא הדין#3#״ לְמִהוֵי עִימַה <בעלמא דאתי#3#>׃
(1) 11:93 וַהֲוָה כְיוֹמָא״בְיוֹמָא הָדֵין וְעָל לְבֵיתָא לְמִבדַק בִכתָבֵי חוּשבָנֵיה וְלֵית אֲנָש מֵאֲנָשֵי בֵיתָא תַמָן בְבֵיתָא׃
(1) 21:93 וַאֲחֵדתֵיה בִלבָשֵיה לְמֵימַר שְכוֹב עִמִי וְשַבקֵיה לִלבָשֵיה בִידַה וַעֲרַק וֻנפַק לְשוּקָא׃
(1) 31:93 וַהֲוָה כַד חֲזָת אֲרֵי שַבקֵיה לִלבָשֵיה בִידַה וַעֲרַק לְשוּקָא׃
(1) 41:93 וֻקרָת לַאֲנָשֵי בֵיתַה וַאֲמַרַת לְהוֹן לְמֵימַר חֲזוֹ אֵיתִי״דְאַיתִי#3#״ לַנָא גֻברָא עִברָאָה לְחַיָיכָא בַנָא עָל לְוָתִי לְמִשכַב עִמִי וֻקרֵית בְקָלָא רָמָא״רבא#3#״׃
(1) 51:93 וַהֲוָה כַד שְמַע אֲרֵי אֲרֵימִית קָלִי וֻקרֵית וְשַבקֵיה לִלבָשֵיה״לבושיה#3#״ לְוָתִי וַעֲרַק וֻנפַק לְשוּקָא׃
(1) 61:93 וְאַחֵיתתֵיה״ושבקיה#3#״ לִלבָשֵיה״לבושיה#3#״ לְוָתַה עַד דְעָל״על#3#״ רִבוֹנֵיה לְבֵיתֵיה׃
(1) 71:93 וֻמַלֵילַת עִמֵיה כְפִתגָמַיָא הָאִלֵין לְמֵימַר עָל לְוָתִי עַבדָא עִברָאָה דְאֵיתִיתָא לַנָא לְחַיָכָא בִי׃
(1) 81:93 וַהֲוָה כַד אֲרֵימִית קָלִי וֻקרֵית וְשַבקֵיה לִלבָשֵיה לְוָתִי וַעֲרַק לְשוּקָא׃
(1) 91:93 וַהֲוָה כַד שְמַע רִבוֹנֵיה יָת פִתגָמֵי אִיתְתֵיה דְמַלִילַת עִמֵיה לְמֵימַר כְפִתגָמַיָא הָאִלֵין עֲבַד לִי עַבדָך וֻתקֵיף רוּגזֵיה׃
(1) 02:93 וֻדבַר רִבוֹנֵיה דְיוֹסֵף יָתֵיה וְיַהבֵיה״ומנייה#3#״ בְבֵית אֲסִירֵי אַתרָא דַאֲסֵירֵי מַלכָא <תמן#3#> אֲסִירִין וַהֲוָה תַמָן בְבֵית אֲסִירֵי׃
(1) 12:93 וַהֲוָה מֵימְרָא דַיוי בְסַעֲדֵיה דְיוֹסֵף וֻנגַד לֵיה חִסדָא וְיַהבֵיה לְרַחמִין בְעֵינֵי״קדם#3#״ רַב בֵית אֲסִירֵי׃
(1) 22:93 וִיהַב״ומני#3#״ רַב בֵית אֲסִירֵי בִידָא דְיוֹסֵף יָת כֹל אֲסִירַיָא דִבבֵית אֲסִירֵי וְיָת כֹל דְעָבְדִין תַמָן מִמֵימְרֵיה״על מימריה#3#״במימריה#3#״ הֲוָה מִתעֲבֵיד׃
(1) 32:93 לֵית רַב בֵית אֲסִירֵי חָזֵי יָת כֹל סוּרחָן בִידֵיה בִדמֵימְרָא דַיוי בְסַעֲדֵיה וֻדהוּא״וכל דהוא#3#״ עָבֵיד יוי מַצלַח׃

next chapter