The Comprehensive Aramaic Lexicon

(1) 10:63	וְאִלֵין תוֹלְדָת עֵשָׂו הוּא אֲדוֹם׃
(1) 20:63	עֵשָׂו נְסֵיב יָת נְשוֹהִי מִבְנָת כְנָעַן יָת עָדָה בַת אֵילוֹן חִיתָאָה וְיָת אָהָלִיבָמָה בַת עֲנָה בַת צִבעוֹן חִיוָאָה׃
(1) 30:63	וְיָת בָשְמַת בַת יִשמָעאֵל אֲחָתֵיה דִנבָיוֹת׃
(1) 40:63	וִילֵידַת עָדָה לְעֵשָׂו יָת אֲלִיפָז וֻבָשְמַת יְלֵידַת יָת רְעוּאֵל׃
(1) 50:63	וְאָהָלִיבָמָה יְלֵידַת יָת יְעוּש וְיָת יַעלָם וְיָת קֹרַח אִלֵין בְנֵי עֵשָׂו דְאִתִילִידוּ לֵיה בארעא דכנען׃
(1) 60:63	וֻדבַר עֵשָׂו יָת נְשוֹהִי וְיָת בְנוֹהִי וְיָת בְנָתֵיה וְיָת כֹל נַפשָת בֵיתֵיה וְיָת גֵיתוֹהִי וְיָת כָל בְעִירֵיה וְיָת כֹל קִניָנֵיה דִקנָא בארעא דִכנָעַן וַאֲזַל לַאֲרַע אוּחרִי מִן קְדָם יעקב אֲחוּהִי׃
(1) 70:63	אֲרֵי הֲוָה קִניָנְהוֹן סַגִי מִלְמִתַב כַחדָא וְלָא יְכֵילַת אֲרַע תוֹתָבוּתְהוֹן לְסוֹבָרָא יָתְהוֹן מִן קְדָם גֵיתֵיהוֹן׃
(1) 80:63	וִיתֵיב עֵשָׂו בְטוּרָא דְסֵעִיר עֵשָׂו הוּא אֲדוֹם׃
(1) 90:63	וְאִלֵין תוֹלְדָת עֵשָׂו אֲבוּהוֹן דַאֲדוֹמָאֵי״דאדום#3#״ בְטוּרָא דְסֵעִיר׃
(1) 01:63	אִלֵין שְמָהָת בְנֵי עֵשָׂו אֲלִיפַז בַר עָדָה אִיתַת עֵשָׂו רְעוּאֵל בַר בָשְמַת אִיתַת עֵשָׂו׃
(1) 11:63	וַהווֹ בְנֵי אֲלִיפָז תֵימָן אוֹמָר צְפוֹ וְגַעתָם וֻקנַז׃
(1) 21:63	וְתִמנַע הֲוָת לְחֵינְתָא״פילגש#3#״ לַאֲלִיפַז בַר עֵשָׂו \וִילֵידַת לַאֲלִיפַז יָת ״נפק מינה#3#״ עֲמָלֵק אִלֵין בְנֵי עָדָה אִיתַת עֵשָׂו׃
(1) 31:63	וְאִלֵין בְנֵי רְעוּאֵל נַחַת וָזַרַח שַמָה וֻמִזָה אִלֵין הְווֹ בְנֵי בָשְמַת אִיתַת עֵשָׂו׃
(1) 41:63	וְאִלֵין הֲווֹ בְנֵי אָהָלִיבָמָה בַת עֲנָה בַת צִבעוֹן אִיתַת עֵשָׂו וִילֵידַת לְעֵשָׂו יָת יְעוּש וְיָת יַעלָם וְיָת קֹרַח׃
(1) 51:63	אִלֵין רַברְבֵי בְני עֵשָׂו בְנֵי אֲלִישפַז בוּכרָא דְעֵשָׂו רַבָא תֵימָן רַבָא אוֹמָר רַבָא צְפוֹ רַבָא קְנַז׃
(1) 61:63	רַבָא קֹרַח רַבָא גַעתָם רבא עֲמָלֵק אִלֵין רַברְבֵי אֲלִיפַז בארעא דַאֲדוֹם אִלֵין בְנֵי עָדָה׃
(1) 71:63	וְאִלֵין בְנֵי רְעוּאֵל בַר עֵשָׂו רַבָא נַחַת רבא זַרַח רבא שַמָה רבא מִזָה אִלֵין רַברְבֵי רְעוּאֵל בארעא דַאֲדוֹם אִלֵין בְנֵי בָשְמַת אִיתַת עֵשָׂו׃
(1) 81:63	וְאִלֵין בְנֵי אָהָלִיבָמָה אִיתַת עֵשָׂו רבא יְעוּש רבא יַעלָם רבא קֹרַח אִלֵין רַברְבֵי אָהָלִיבָמָה בַת עֲנָא אִיתַת עֵשָׂו׃
(1) 91:63	אִלֵין בְנֵי עֵשָׂו וְאִלֵין רַברְבָנֵיהוֹן הוּא אֲדוֹם׃
(1) 02:63	אִלֵין בְנֵי שֵׂיעִיר חוֹרָאֵי יָתְבֵי ארעא לוֹטָן וְשוֹבָל וְצבעון וַעֲנָה׃
(1) 12:63	וְדִישוֹן וְאֵצַר וְדִישָן אִלֵין רַברְבֵי חוֹרָאֵי בְנֵי שֵׂעֵיר בארעא דַאֲדוֹם׃
(1) 22:63	וַהווֹ בְנֵי לוֹטָן חֹרִי וְהֵימָם וַאֲחָתֵיה דְלוֹטָן תִמנָע׃
(1) 32:63	וְאִלֵין בְנֵי שוֹבָל עַלוָן וֻמָנַחַת וְעֵיבָל שְפוֹ וְאוֹנָם׃
(1) 42:63	וְאִלֵין בְנֵי צִבעוֹן וְאַיָה וַעֲנָה הוּא עֲנָה דְאַשכַח יָת גִבָרַיָא בְמַדבְרָא כַד הֲוָה רָעֵי יָת חֲמָרַיָא לְצִבעוֹן אֲבוּהִי׃
(1) 52:63	וְאִלֵין בְנֵי עֲנָה דִישוֹן וְאָהָלִיבָמָה בַת עֲנָה׃
(1) 62:63	וְאִלֵין בְנֵי דִישָן חַמדָן וְאַשבָן וְיִתרָן וֻכרָן׃
(1) 72:63	אִלֵין בְנֵי אֵצַר בִלהָן וְזַעֲוָן וַעֲקָן׃
(1) 82:63	אִלֵין בְנֵי דִישָן עוּץ וַאֲרָן׃
(1) 92:63	אִלֵין רַברְבֵי חוֹרָאֵי רַבָא לוֹטָן רַבָא שוֹבָל רַבָא צִבעוֹן רַבָא עֲנָה׃
(1) 03:63	רַבָא דִשוֹן רַבָא אֵצַר רַבָא דִישָן אִלֵין רַברְבֵי חוֹרָאֵי לְרַברְבָנֵיהוֹן בְאַרעָא דְשֵׂעִיר׃
(1) 13:63	וְאֵלִין מַלכַיָא דִמלַכוּ בארעא דַאֲדוֹם קְדָם דִימלוֹך מַלכָא לִבנֵי יִשרָאֵל׃
(1) 23:63	וֻמלַך בַאדוֹם בַלַע בַר בְעוֹר וְשֵם קַרתֵיה דִנהָב׃
(1) 33:63	וֻמִית בָלַע וֻמלַך תְחוֹתוֹהִי יוֹבָב בַר זַרַח מִבָתרָה׃
(1) 43:63	וֻמִית יוֹבָב וֻמלַך תְחוֹתוֹהִי חוּשָם מֵאַרַע דָרוֹמָא׃
(1) 53:63	וֻמִית חוּשָם וֻמלַך תְחוֹתוֹהִי הֲדַד בַר בְדַד דְקַטֵיל יָת מִדיַנָאֵי״מדין#3#״ בְחַקלֵי מוֹאָב וְשֵם קַרתֵיה עֲוִית׃
(1) 63:63	וֻמִית הֲדָד וֻמלַך תְחוֹתוֹהִי שַמלָה מִמַשרֵקָה׃
(1) 73:63	וֻמִית שַמלָה וֻמלַך תְחוֹתוֹהִי שָאוּל מֵרְחֹבוֹת דְעַל פְרָת׃
(1) 83:63	וֻמִית שָאוּל וֻמלַך תְחוֹתוֹהִי בַעַל חָנָן בַר עַכבוֹר׃
(1) 93:63	וֻמִית בַעַל חָנָן בַר עַכבוֹר וֻמלַך תְחוֹתוֹהִי הֲדַר וְשֵם קַרתֵיה פָעוּ וְשוֹם אִיתְתֵיה מְהֵיטַבאֵל בַת מַטרֵיד בַת מְצָרֵיף דַהבָא׃
(1) 04:63	וְאִלֵין שְמָהָת רַברְבֵי עֵשָׂו לְזַרעֲיָתְהוֹן לְאַתרֵיהוֹן בִשמָהָתְהוֹן רַבָא תִמנָע רַבָא עַלוָה רַבָא יְתֵית׃
(1) 14:63	רַבָא אָהָלִיבָמָה רַבָא אֵלָה רַבָא פִינוֹן׃
(1) 24:63	רַבָא קְנַז רַבָא תֵימָן רַבָא מִבצָר׃
(1) 34:63	רַבָא מַגדִיאֵל רַבָא עִירָם אִלֵין רַברְבֵי אֲדוֹם לְמוֹתְבָנֵיהוֹן בְאָרָע אַחסָנתְהוֹן הוּא עֵשָׂו אֲבוּהוֹן דַאֲדוֹמָאֵי׃

next chapter