The Comprehensive Aramaic Lexicon

(1) 10:53	וַאֲמַר יוי לְיַעֲקֹב קוּם סַק לְבֵית אֵל וְתִיב תַמָן וְעִיבֵיד תַמָן מַדבַח לְאֵל״קדם אלהא#3#״ דְאִתגְלִי לָך״עלך#3#״ בְמִערְקָך מִן קְדָם עֵשָׂו אֲחוּך׃
(1) 20:53	וַאֲמַר יַעֲקֹב לַאֲנָש בֵיתֵיה וֻלכָל דְעִמֵיה אַעֲדוֹ יָת טָעֲוָת עַמְמַיָא דְבֵינֵיכוֹן וְאִידַכוֹ וְשַנוֹ כְסוּתְכוֹן׃
(1) 30:53	וֻנקוּם וְנִסַק לְבֵית אֵל וְאַעֲבֵיד תַמָן מַדבַח לְאֵל״קדם אלהא#3#״ דְקַבֵיל צְלוֹתִי \בְיוֹמָא דְעָקְתִי ״בעידן דעקתי#3#״ וַהֲוָה מֵימְרֵיה בְסַעֲדִי בְאוֹרחָא דַאֲזַלֵית׃
(1) 40:53	וִיהַבוּ ליעקב״לות יעקב#3#״ יָת כֹל טָעֲוָת עַמְמַיָא דִביַדהוֹן״דעמהון#3#״ וְיָת קְדָשַיָא דִבאוּדנֵיהוֹן וְטַמַר יָתְהוֹן יַעֲקֹב תְחוֹת בוּטמָא״אליתא#3#״ דְעִם שְכַם׃
(1) 50:53	וֻנטַלוּ וַהוָת דַחלָא \מִן קְדָם יוי ״דייי#3#״ עַל עַמְמַיָא״קירויא#3#״ \דִבקִרוֵי סַחרָנֵיהוֹן ״די בסוחרניהון#3#״ וְלָא רְדַפוּ בָתַר בְנֵי יַעֲקֹב׃
(1) 60:53	וַאֲתָא יעקב לְלוּז דִבאַרעָא דִכנָעַן הִיא בֵית אֵל הוּא וְכָל עַמָא דְעִימֵיה׃
(1) 70:53	וֻבנָא תַמָן מַדבְחָא וֻקרָא לְאַתרָא אֵל בֵית אֵל אֲרֵי תַמָן אִתגְלִי לֵיה יוי״מלאכא דייי#3#״ בְמִערְקֵיה מִן קְדָם אֲחוּהִי׃
(1) 80:53	וֻמֵיתַת דְבוֹרָה מֵינִיקתַה דְרִבקָה וְאִתקְבַרַת מִלְרַע לְבֵית אֵל בְשִיפוֹלֵי מֵישְרָא וֻקרָא שְמֵיה מֵישַר בְכִיתָא׃
(1) 90:53	וְאִתגְלִי יוי לְיַעֲקֹב עוֹד בְמֵיתוֹהִי מִפַדַן דַאֲרָם וֻבָרֵיך יָתֵיה׃
(1) 01:53	וַאֲמַר לֵיה יוי שְמָך יַעֲקֹב לָא יִתקְרֵי \שְמָך עוֹד ״עוד שמך#3#״ יַעֲקֹב אֲלָהֵין יִשרָאֵל יְהֵי שְמָך וֻקרָא יָת שְמֵיה ישראל׃
(1) 11:53	וַאֲמַר לֵיה יוי אֲנָא אֵל שַדַי פוּש וֻסגֵי עַם וְכִנשָת שִבטִין יְהוֹן מִנָך וֻמַלכִין דְשָלְטִין״שליטין#3#״ בְעַמְמַיָא מִינָך יִפְקוּן׃
(1) 21:53	וְיָת אַרעָא דִיהַבִית לְאַברָהָם וליצחק לָך אִיתְנִינַה וְלִבנָך בָתְרָך אַתֵין יָת ארעא׃
(1) 31:53	וְאִסתַלַק מֵעִילָווֹהִי יְקָרָא דַיוי בְאַתרָא דְמַלֵיל עִמֵיה׃
(1) 41:53	וַאֲקֵים יעקב קָמְתָא בְאַתרָא דְמַלֵיל עִמֵיה קָמַת אַבנָא וְנַסֵיך עֲלַה נִסכִין וַאֲרֵיק עֲלַה מִשחָא׃
(1) 51:53	וֻקרָא יַעֲקֹב יָת שְמֵיה דְאַתרָא דְמַלֵיל עִמֵיה תַמָן יוי בֵית אֵל׃
(1) 61:53	וֻנטַלוּ מִבֵית אֵל וַהֲוָה עוֹד כְרוֹב ארעא לְמֵיעַל לְאַפרָת וִילֵידַת רָחֵל וְקַשִיאַת בְמֵילְדַה׃
(1) 71:53	וַהֲוָה בְקַשָיוּתַה״במקשיותה#3#״ בְמֵילְדַה וַאֲמַרַת לַה חָיְתָא לָא תִדחֲלִין אֲרֵי אַף דֵין לִיך בַר׃
(1) 81:53	וַהֲוָה בְמִפַק נַפשַה אֲרֵי מָיְתָא וֻקרָת שְמֵיה בַר דְוַיִי וַאֲבוּהִי קְרָא לֵיה בִניָמִין׃
(1) 91:53	וֻמֵיתַת רָחֵל וְאִתקְבַרַת בְאוֹרַח אַפרָת הִיא בֵית לָחַם׃
(1) 02:53	וַאֲקֵים יעקב קָמְתָא עַל קְבוּרְתַה הִיא קָמַת קְבוּרְתָא דְרָחֵיל עַד יוֹמָא הָדֵין״דֵין#3#״׃
(1) 12:53	וֻנטַל ישראל וֻפַרסֵיה לְמַשכְנֵיה מֵהָלאָה״מלהלאה#3#״ לְמִגדָלא דְעֵדַר׃
(1) 22:53	וַהֲוָה כַד שְרָא ישראל בארעא הַהִיא וַאֲזַל רְאוּבֵן וֻשכֵיב יָת״עם#3#״ בִלהָה לְחֵינְתָא דַאֲבוּהִי וֻשמַע ישראל וַהווֹ בְנֵי יעקב תְרֵי עֲסַר׃
(1) 32:53	בְנֵי לֵאָה בוּכרֵיה דיעקב רְאוּבֵן וְשִמעוֹן וְלֵוִי וִיהוּדָה וְיִשָׂשׂכָר וֻזבֻלוּן׃
(1) 42:53	בְנֵי רָחֵל יוֹסֵף וֻבִניָמִין׃
(1) 52:53	וֻבנֵי בִלהָה אַמתָא דְרָחֵל דָן וְנַפתָלִי׃
(1) 62:53	וֻבנֵי זִלפָה אַמתָא דְלֵאָה גָד וְאֲשֵר אִלֵין בְנֵי יַעֲקֹב דְאִתִילִידוּ״די אתלידו#3#״ לֵיה בְפַדַן דַאֲרָם׃
(1) 72:53	וַאֲתָא יעקב לְוָת יִצחָק אֲבוּהִי לְמַמרֵי קִריַת אַרבַע הִיא חַברוֹן דְדָר תַמָן אברהם וְיִצחָק׃
(1) 82:53	וַהווֹ יוֹמֵי יִצחָק מְאָה וֻתמָנַן שְנִין׃
(1) 92:53	וְאִתנְגִיד יִצחָק וֻמִית וְאִתכְנֵיש לְעַמֵיה סִיב וֻשבַע יוֹמִין וֻקבַרוּ יָתֵיה עֵשָׂו וְיַעֲקֹב בְנוֹהִי׃

next chapter