H The Comprehensive Aramaic Lexicon

CAL CODE HELP CLICK HERE
click on the file description for more information

51001: TgO Gn

click on a word for lexical analysis
Click on a red-colored coordinate for comments and/or translations of the line

previous chapter


(1) 10:33 וֻזקַף יַעֲקֹב עֵינוֹהִי וַחזָא וְהָא עֵשָׂו אָתֵי וְעִמֵיה אַרבַע מְאָה גֻברָא וֻפַלֵיג יָת בְנַיָא עַל לֵאָה וְעַל רָחֵל וְעַל תַרתֵין לְחֵינָתָא׃
(1) 20:33 וְשַוִי יָת לְחֵינָתָא וְיָת בְנֵיהוֹן קַדמוּתָא״בקתמתא#3#״ וְיָת לֵאָה וֻבנַהָא בָתְרָאִין וְיָת רָחֵל וְיָת יוֹסֵף בָתְרָאִין׃
(1) 30:33 וְהוּא עֲבַר קְדָמֵיהוֹן וֻסגֵיד עַל ארעא שְבַע זִמנִין עַד מִקרְבֵיה לְוָת״עד#3#״ אֲחוּהִי׃
(1) 40:33 וֻרהַט עֵשָׂו לְקַדָמוּתֵיה וְגָפְפֵיה״וגפיף ליה#3#״ וֻנפַל עַל צַורֵיה וְנַשְקֵיה וֻבכָא׃
(1) 50:33 וֻזקַף <ית#3#> עֵינוֹהִי וַחזָא יָת נְשַיָא וְיָת בְנַיָא וַאֲמַר מַן אִלֵין לָך וַאֲמַר בְנַיָא דְחָן״דחס#3#״ יוי \יָת עַבדָך ״לעבדך#3#״׃
(1) 60:33 וֻקרִיבָא לְחֵינָתָא אִינִין וֻבנֵיהוֹן וֻסגִידָא׃
(1) 70:33 וֻקרֵיבַת אַף לֵאָה וֻבנָהָא וֻסגִידוּ וֻבָתַר כֵין קְרֵיב יוֹסֵף וְרָחֵל וֻסגִידוּ׃
(1) 80:33 וַאֲמַר מָא״מן#3#״ לָך כֹל מַשרִיתָא הָדָא דְעָרַעִית״די ארעית#3#״ וַאֲמַר לְאַשכָחָא רַחמִין בְעֵינֵי רִבוֹנִי׃
(1) 90:33 וַאֲמַר עֵשָׂו אִית לִי סַגִי אַחִי אַצלַח בְדִילָך׃
(1) 01:33 וַאְמַר יעקב בְבָעוּ <כען#3#> אִם כְעַן אַשכַחִית רַחמִין בְעֵינָך וֻתקַבֵיל תִיקרוּבתִי מִן יְדִי אְרֵי עַל כֵין חְזֵיתִינוּן לְאַפָך כְחֵיזוּ אַפֵי רַברְבַיָא וְאִיתרְעִית לִי׃
(1) 11:33 קַבֵיל כְעַן יָת תִקרוּבתִי דְאִיתֵיתִיאַת לָך אֲרֵי רָחֵים עַלַי <קדם#3#> יוי וַאֲרֵי אִית לִי כוֹלָא וְאַתקֵיף בֵיה וְקַבֵיל׃
(1) 21:33 וַאֲמַר נִיטוֹל וֻנהָך וַאֲהָך לְקִבלָך׃
(1) 31:33 וַאֲמַר לֵיה רִבוֹנִי יָדַע אֲרֵי יַנְקַיָא רַכִיכִין וְעָנָא וְתוֹרֵי מֵינְקָתָא עֲלַי אִם אִדחוֹקִינוּן יוֹמָא חַד וִימוּתָן כָל עָנָא׃
(1) 41:33 יְעִיבַר כְעַן רִבוֹנִי קְדָם עַבדֵיה וַאֲנָא אֲדַבַר בִניָח לְרַגַל עֲבִידְתָא דִקדָמִי וֻלרַגַל יָנְקַיָא עַד דְאֵיתֵי״דאיעול#3#״ לְוָת רִבוֹנִי לְשֵׂעִיר׃
(1) 51:33 וַאֲמַר עֵשָׂו אִשבוֹק כְעַן עִמָך מִן עַמָא דְעִמִי וַאֲמַר לְמָא דְנָן אַשכַח רַחמִין בְעֵינֵי רִבוֹנִי׃
(1) 61:33 וְתָב בְיוֹמָא הַהוּא עֵשָׂו לְאוֹרחֵיה לְסֵעִיר׃
(1) 71:33 ויעקב נְטַל לְסֻכוֹת וֻבנָא לֵיה בֵיתָא וְלִבעִירֵיה״ולגיתיה#3#״ עֲבַד מְטַלָן עַל כֵין קְרָא שְמֵיה דְאַתרָא סֻכוֹת׃
(1) 81:33 וַאֲתָא יעקב שְלִים לְקַרתָא שְכַם דִבאַרעָא דִכנַעַן בְמֵיתוֹהִי מִפַדַן דַאְרָם וֻשרָא לִקבֵיל <אפי#3#> קַרתָא׃
(1) 91:33 וֻזבַן יָת אַחסָנַת חַקלָא דְפַרסֵיה תַמָן לְמַשכְנֵיה מִיַד״מן#3#״ בְנֵי חֲמוֹר אֲבוּהִי דִשכַם בִמאָה חוּרפַן׃
(1) 02:33 וַאֲקֵים תַמָן מַדבַח וֻפלַח עֲלוֹהִי קְדָם אֵל אֲלָהָא דְישראל׃

next chapter