The Comprehensive Aramaic Lexicon

(1) 10:23	וְאַקדֵים לָבָן בְצַפרָא וְנַשֵיק לִבנוֹהִי וְלִבנָתֵיה וֻבָרֵיך יָתְהוֹן וַאֲזַל וְתָב לָבָן לְאַתרֵיה׃
(1) 20:23	ויעקב אֲזַל לְאוֹרחֵיה וְעָרַעוּ בֵיה מַלאֲכַיָא דַיוי׃
(1) 30:23	וַאֲמַר יעקב כַד חֲזַנוּן מַשרִי \מִן קדם יוי ״דייי#3#״ דָא״דין#3#״ וֻקרָא שְמֵיה דְאַתרָא הַהוּא מַחֲנָים׃
(1) 40:23	וֻשלַח יַעֲקֹב אִזגַדִין קְדָמוֹהִי לְוָת עֵשָׂו אֲחוּהִי לְאַרעָא דְסֵעִיר לְחַקלֵי אֲדוֹם׃
(1) 50:23	וֻפַקֵיד יָתְהוֹן לְמֵימַר כְדֵין״כדנן#3#״ תֵימְרוּן לְרִבוֹנִי לְעֵשָׂו כִדנָן אֲמַר עַבדָך יעקב עִם לָבָן דַרִית וְאוֹחַרִית עַד כְעַן׃
(1) 60:23	וַהווֹ לִי תוֹרִין וֻחמָרִין עָן וְעַבדִין וְאַמהָן וֻשלַחִית לְחַוָאָה לְרִבוֹנִי לְאַשכָחָא רַחמִין בְעֵינָך׃
(1) 70:23	וְתָבוּ אִזגַדַיָא לְוָת יעקב לְמֵימַר אֲתֵינָא לְוָת אֲחוּך לְוָת עֵשָׂו וְאַף אָתֵי״אזיל#3#״ לְקַדָמוּתָך וְאַרבַע מְאָה גֻברָא עִמֵיה׃
(1) 80:23	וֻדחֵיל יַעֲקֹב לַחדָא וְעַקַת לֵיה וֻפַלֵיג יָת עַמָא דְעִמֵיה וְיָת עָנָא וְיָת תוֹרֵי וְגַמלַיָא לְתַרתֵין מַשרִין׃
(1) 90:23	וַאֲמַר אִם יֵיתֵי עֵשָׂו לְמַשרִיתָא חֲדָא וְיִמחֵינַה וֻתהֵי מַשרִיתָא דְיִשתְאַר לְשֵיזָבָא״לשיזבותא#3#״׃
(1) 01:23	וַאֲמַר יַעֲקֹב אֲלָהֵיה דְאַבָא אברהם וַאֲלָהֵיה דְאַבָא יצחק יוי דַאֲמַר לִי תוּב לְאַרעָך וֻליַלָדוּתָך וְאוֹטֵיב עִמָך׃
(1) 11:23	זְעֵירָן זָכְוָתִי מִכֹל חִסדִין וֻמִכֹל טָבוָן דַעַבַדת עִם עַבדָך אֲרֵי יְחִידַי עֲבַרִית יָת יַרדְנָא הָדֵין וֻכעַן הֲוֵיתִי לְתַרתֵין מַשרְיָן׃
(1) 21:23	שֵיזֵיבנִי כְעַן מִידָא דֲאַחִי מִידָא דְעֵשָׂו אֲרֵי דָחֵיל אֲנָא מִנֵיה״יתיה#3#״ דִלמָא יֵיתֵי וְיִמחֵינַנִי״ויקטלינני#3#״ אִמָא עַל בְנַיָא׃
(1) 31:23	וְאַת אֲמַרת אוֹטָבָא אוֹטֵיב עִמָך וַאֲשַוֵי יָת בְנָך סַגִיאִין כְחָלָא דְיַמָא דְלָא יִתמְנוֹן מִסְגֵי״מלמיסגי#3#״׃
(1) 41:23	וֻבָת תַמָן בְלֵיליָא הַהוּא וֻנסֵיב \מִן דְאֵיתִי ״מדאיתי#3#״ בִידֵיה תִקרוּבתָא לְעֵשָׂו אֲחוּהִי׃
(1) 51:23	עִיזֵי מָאתַן וְתֵישַיָא עַסרִין רַחלֵי מָאתַן וְדִכרֵי עַסרִין׃
(1) 61:23	גַמלֵי מֵינְקָתָא וֻבנֵיהוֹן תְלָתִין תוֹרָתָא אַרבְעִין וְתוֹרֵי עַסרָה אֲתָנֵי עַסרִין וְעִלֵי עַסרָא׃
(1) 71:23	וִיהַב בְיַד עַבדוֹהִי עַדרָא עַדרָא בִלחוֹדוֹהִי וַאֲמַר לְעַבדוֹהִי עֵיבַרוּ קְדָמַי וְרַוחָא תְשַווֹן בֵין עַדרָא וֻבֵין עַדרָא׃
(1) 81:23	וֻפַקֵיד יָת קַדמָאָה לְמֵימַר אֲרֵי יְעָרְעִינָך עשׂו אַחִי וְיִשאֲלִינָך לְמֵימַר דְמַן״וֻלמַן#3#״ אַת וֻלאָן אַת אָזֵיל וֻדמַן אִלֵין דִקדָמָך׃
(1) 91:23	וְתֵימַר דְעַבדָך״לעבדך#3#״ דיעקב״ליעקב#3#״ תִקרוּבתָא הִיא דִמשַלחָא לְרִבוֹנִי לְעֵשָׂו וְאַף״וְהָא אַף#3#״ הוּא אָתֵי בָתְרַנָא׃
(1) 02:23	וֻפַקֵיד אַף יָת תִניָנָא אַף יָת תְלִיתָאָה אַף יָת כֹל דְאָזְלִין בָתַר עַדרַיָא לְמֵימַר כְפִתגָמָא הָדֵין תְמַלְלוּן עִם עֵשָׂו כַד תַשכְחוּן יָתֵיה׃
(1) 12:23	וְתֵימְרוּן אַף הָא עַבדָך יַעֲקֹב אָתֵי בָתְרַנָא אֲרֵי אֲמַר אֲנִיחִינֵיה לְרוּגזֵיה בְתִקרוּבתָא דְאָזְלָא״דמהלכא#3#״ קְדָמַי״לקדמי#3#״ וֻבָתַר כֵין אִחזֵי אַפוֹהִי מָא אִם יִסַב אַפָי׃
(1) 22:23	וַעֲבַרת תִקרוּבתָא עַל אַפוֹהִי וְהוּא בָת בְלֵיליָא הַהוּא בְמַשרִיתָא׃
(1) 32:23	וְקָם בְלֵיליָא הוּא וֻנסֵיב״וֻדבַר#3#״ יָת תַרתֵין נְשוֹהִי וְיָת תַרתֵין לְחֵינָתֵיה וְיָת חַד עֲסַר בְנוֹהִי וַעֲבַר יָת מַעבַר יוּבקָא׃
(1) 42:23	וֻדבַרִינוּן וְאַעֲבַרִינוּן יָת נַחלָא וְאַעֲבַר יָת דְלֵיה׃
(1) 52:23	וְאִשתְאַר יעקב בִלחוֹדוֹהִי וְאִשתַדַל גֻברָא עִמֵיה עַד דִסלֵיק״מיסק#3#״ צַפרָא׃
(1) 62:23	וַחזָא אֲרֵי לָא יָכֵיל לֵיה וֻקרֵיב בִפתֵי יִרכֵיה וְזָע פְתֵי יִרכָא דיעקב בְאִשתַדָלוּתֵיה עִמֵיה׃
(1) 72:23	וַאֲמַר שַלחַנִי אֲרֵי סְלֵיק צַפרָא וַאֲמַר לָא אֲשַלְחִינָך אֲלָהֵין בָרֵיכתָנִי״ברכת לי#3#״׃
(1) 82:23	וַאֲמַר לֵיה מַן״מה#3#״ שְמָך וַאֲמַר יַעֲקֹב׃
(1) 92:23	וַאֲמַר לָא יַעֲקֹב יִתאֲמַר עוֹד שְמָך אֲלָהֵין ישראל אֲרֵי רָב אַת \קְדָם יוי ״עם מלאכיא דייי#3#״ וְעִם גֻברַיָא וִיכֵילתָא׃
(1) 03:23	וֻשאֵיל יעקב וַאֲמַר חַו כְעַן שְמָך וַאֲמַר לְמָא דְנָן אַת שָאֵיל לִשמִי וֻבָרֵיך יָתֵיה תַמָן׃
(1) 13:23	וֻקרָא יַעֲקֹב שְמֵיה דְאַתרָא פְנִיאֵל אֲרֵי חֲזֵיתִי מַלאֲכָא דַיוי אַפִין בְאַפִין וְאִשתֵיזַבַת נַפשִי׃
(1) 23:23	וֻדנַח לֵיה שִמשָא \כַד עֲבַר ״כמא דעבר#3#״ יָת פְנוּאֵל וְהוּא מַטלַע עַל יִרכֵיה׃
(1) 33:23	עַל כֵין לָא אָכְלִין בְנֵי ישראל יָת גִידָא נַשיָא דְעַל פְתֵי יִרכָא עַד יוֹמָא הָדֵין אֲרֵי קְרֵיב בִפתֵי יִרכָא דְיַעֲקֹב בְגִידָא נַשיָא׃

next chapter