The Comprehensive Aramaic Lexicon

(1) 10:13	וֻשמַע יָת פִתגָמֵי בְנֵי לָבָן דְאָמְרִין״דהוו אמרין#3#״למימר#3#״ נְסֵיב יַעֲקֹב יָת כֹל דִלאֲבוּנָא וֻמִדִלאֲבוּנָא קְנָא יָת כֹל נִכסַיָא הָאִלֵין׃
(1) 20:13	וַחזָא יעקב יָת סְבַר אַפֵי לָבָן וְהָא לֵיתַנוּן״לֵיתִנוּן#3#״ עִמֵיה כְמֵאִתמָלִי וֻמִדְקַמוֹהִי״ומדקדמוהי#3#״׃
(1) 30:13	וַאֲמַר יוי לְיַעֲקֹב תוּב לארַע אֲבָהָתָך וֻליַלָדוּתָך וִיהֵי מֵימְרִי בְסַעֲדָך׃
(1) 40:13	וֻשלַח יַעֲקֹב וֻקרָא לְרָחֵל וֻללֵאַה לְחַקלָא לְ{י}<ו>ָת עָנֵיה׃
(1) 50:13	וַאֲמַר לְהוֹן חָזֵי אֲנָא יָת סְבַר אַפֵי אֲבוּכֵין אֲרֵי״וְהָא#3#״ לֵיתִנוּן עִמִי כְמֵאתמלִי וֻמִדְקַמוֹהִי״ומדקדמוהי#3#״ וַאֲלָהֵיה דְאַבָא <מימריה#3#> הֲוָה בְסַעֲדִי׃
(1) 60:13	וְאַתֵין יְדַעתִין אֲרֵי בְכָל חֵילִי פְלַחִית יָת אֲבוּכֵין׃
(1) 70:13	וַאֲבוּכֵין שַקַר בִי וְאַשנִי יָת אַגרִי עֲסַר זִמנִין וְלָא שַבקֵיה יוי לְאַבאָשָא עִמִי׃
(1) 80:13	אִם כְדֵין הֲוָה אֲמַר נְמוֹרִין״רגולין#3#״ יְהֵי אַגרָך וִיִלדָן כָל עָנָא נְמוֹרִין״רגולין#3#״ וְאִם כְדֵין הְוָה אָמַר רְגוֹלִין יְהֵי אַגרָך וִילִדָן כֹל עָנָא רְגוֹלִין׃
(1) 90:13	וְאַפרֵיש יוי מִן״ית#3#״ בְעִירָא״ענא#3#״ דַאֲבוּכוֹן וִיהַב לִי׃
(1) 01:13	וַהֲוָה בְעִדָן דְאִתיַחְמָא עָנָא וֻזקַפִית עֵינַי וַחזֵית בְחַלמָא וְהָא תֵישַיָא דְסָלְקִין עַל עָנָא רְגוֹלִין נְמוֹרִין וֻפַצִיחִין׃
(1) 11:13	וַאֲמַר לִי מַלאֲכָא דַיוי בְחַלמָא יַעֲקֹב וַאֲמַרִית הָאֲנָא׃
(1) 21:13	וַאֲמַר זְקוֹף כְעַן עֵינָך וֻחזִי כֹל תֵישַיָא דְסָלְקִין עַל עָנָא רְגוֹלִין נְמוֹרִין וֻפַצִיחִין אֲרֵי גְלֵי קְדָמַי יָת כֹל דְלָבָן עָבֵיד לָך׃
(1) 31:13	אֲנָא אֲלָהָא דְאִתגְלִיתִי עֲלָך בֵית אֵל דִמשַחתָא תַמָן קָמָא וֻדקַייֵמתָא קְדָמַי תַמָן קִיָם כְעַן קוּם פוֹק מִן \אַתרָא הָדֵין ״אַרעָא הָדָא#3#״ וְתוּב לַאֲרַע יַלָדוּתָך׃
(1) 41:13	וַאֲתֵיבַת רָחֵל וְלֵאָה וַאֲמַרָא לֵיה הֲעוֹד״העד כען#3#״ לַנָא חוּלָק וְאַחסָנָא בְבֵית אֲבוּנָא׃
(1) 51:13	הֲלָא נוּכרָאָן אִתחֲשֵיבנָא לֵיה אֲרֵי זַבְנַנָא וַאֲכַל אַף מֵיכָל יָת כַספַנָא׃
(1) 61:13	אֲרֵי כֹל עוּתרָא״ניכסיא#3#״ דְאַפרֵיש יוי מֵאֲבוּנָא דִילַנָא הוּא וְדִבַננָא וֻכעַן כֹל דַאֲמַר יוי לָא עִיבֵיד׃
(1) 71:13	וְקָם יַעֲקֹב וֻנטַל יָת בְנוֹהִי וְיָת נְשוֹהִי עַל גַמלַיָא׃
(1) 81:13	וֻדבַר יָת כֹל גֵיתוֹהִי וְיָת כֹל קִניָנֵיה דִקנָא גֵיתוֹהִי וְקִניָנֵה דִקנָא בְפַדַן דַאֲרָם לְמֵיתֵי לְוָת יצחק אֲבוּהִי לארעא דִכנָעַן׃
(1) 91:13	וְלָבָן אֲזַל לְמִיגַז יָת עָנֵיה וֻנסֵיבַת רָחֵל יָת צָלמָנַיָא דִלאֲבוּהָא׃
(1) 02:13	וְכַסִי יַעֲקֹב מִן לָבָן אֲרַמָאָה עַל דְלָא חַוִי לֵיה אֲרֵי אָזֵיל הוּא׃
(1) 12:13	וַאֲזַל הוּא וְכֹל דְלֵיה וְקָם וַעֲבַר יָת פְרָת וְשַוִי יָת אַפוֹהִי בְטוּרָא דְגִלעָד׃
(1) 22:13	וְאִתחַוַה לְלָבָן בְיוֹמָא תְלִיתָאָה אֲרֵי אֲזָל יַעֲקֹב׃
(1) 32:13	וֻדבַר יָת אֲחוֹהִי עִמֵיה וֻרדַף בָתְרוֹהִי מַהלַך שִבעָה יוֹמִין וְאַדבֵיק יָתֵיה בְטוּרָא דְגִלעָד׃
(1) 42:13	וַאֲתָא מֵימַר מִן קְדָם יוי \לְוָת לָבָן ״ללבן#3#״ אֲרַמָאָה בְחַלמָא דְלֵיליָא וַאֲמַר לֵיה אִסתַמַר לָך דִלמָא תְמַלֵיל עִם יַעֲקֹב מִטָב עַד בִיש׃
(1) 52:13	וְאַדבֵיק לָבָן יָת יַעֲקֹב ויעקב פְרַס יָת מַשכְנֵיה בְטוּרָא וְלָבָן אַשרִי יָת אֲחוֹהִי בְטוּרָא דְגִלעָד׃
(1) 62:13	וַאֲמַר לָבָן לְיַעֲקֹב מָא עֲבַדתָא וְכַסִיתָא מִנִי וְדַבַרת יָת בְנָתַי כְשִביָת חֲרַב׃
(1) 72:13	לְמָא טַמַרתָא״אִטְמַרתָא#3#״ לְמֵיזַל וְכַסִיתָא מִנִי וְלָא חַוִית לִי וְשַלַחתָך פוֹן״פום#3#״ בְחַדוָא וֻבתוּשבְחָן בְתוּפִין וֻבכִנָרִין״ובחינגין#3#״׃
(1) 82:13	וְלָא שְבַקתַנִי לְנַשָקָא לִבנַי וְלִבנָתַי כְעַן אַסכֵילתָא לְמַעֲבַד׃
(1) 92:13	אִית חֵילָא בִידִי לְמַעֲבַד עִמְכוֹן בִישָא וַאֲלָהָא דַאֲבוּכוֹן בְרַמשָא אֲמַר לִי לְמֵימַר אִסתַמַר לָך \דִלמָא תְמַלֵיל ״מִלְמַלָלָא#3#״ עִים יַעֲקֹב מִטָב עַד בִיש׃
(1) 03:13	וֻכעַן מֵיזַל אֲזַלתָא אֲרֵי חַמָדָא חַמֵידתָא לְבֵית אֲבוּך לְמָא נְסֵיבתָא יָת דַחלָתִי׃
(1) 13:13	וַאֲתֵיב יַעֲקֹב וַאֲמַר לְלָבָן אֲרֵי דְחֵילִית אֲרֵי אֲמַרִית דִלמָא תֵינוּס יָת בְנָתָך מִנִי״מעמי#3#״׃
(1) 23:13	<עם#3#> אֲתַר דְתַשכַח יָת דַחלָתָך לָא יִתקַיַים קְדָם אְחַנָא אִשתְמוֹדַע לָך מָא דְעִמִי וְסַב לָך וְלָא יְדַע יַעֲקֹב אֲרֵי רָחֵל נְסִיבַתנוּן׃
(1) 33:13	וְעָל לָבָן בְמַשכְנָא דְיַעֲקֹב וֻבמַשכְנָא דְלֵאָה וֻבמַשכְנָא דְתַרתֵין לְחֵינָתָא וְלָא אַשכַח וֻנפַק מִמַשכְנָא דְלֵאָה וְעָל בְמשַכְנָא דְרָחֵל׃
(1) 43:13	וְרָחֵל נְסֵיבַת יָת צַלמָנַיָא וְשַוִתַנוּן בְעַבִיטָא דְגַמלָא וִיתֵיבַת עֲלֵיהוֹן וֻמַשֵיש״ופשפש#3#״ לָבָן יָת כֹל מַשכְנָא וְלָא אַשכַח׃
(1) 53:13	וַאֲמַרַת לַאֲבוּהָא לָא יִתקַף בְעֵינֵי רִבוֹנִי אֲרֵי לָא אִיכוֹל לִמקָם מִן קְדָמָך אֲרֵי אוֹרַח נְשִין לִי וֻבלַש וְלָא אַשכַח יָת צַלמָנַיָא׃
(1) 63:13	וֻתקֵיף <רוגזא#3#> ליעקב וֻנצָא \עִים לָבָן ״בְלָבָן#3#״ וַאֲתֵיב יַעֲקֹב וַאֲמַר לְלָבָן מָא חוֹבִי מָא סוּרחָנִי אֲרֵי רְדַפתָא בָתְרַי׃
(1) 73:13	אֲרֵי מַשֵישתָא יָת כֹל מָנַי מָא אַשכַחתָא מִכֹל מָנֵי בֵיתָך שַו הָכָא״כען#3#״ קְדָם אַחַי וְאַחָך וְיוֹכְחוּן בֵין תַרוַנָא׃
(1) 83:13	דנָן עַסרִין שְנִין אֲנָא עִימָך רַחלָך וְעִיזָך לָא אַתכִילוּ וְדִכרֵי עָנָך לָא אֲכַלִית׃
(1) 93:13	דִתבִירָא״תבירא#3#״ לָא אֵיתִיתִי לָך״לותך#3#״ דַהוָת״כד הוה#3#״ שָגיָא מִמִניָנָא״מן מנינא#3#״ מִנִי״מן ידי#3#״ אַת בָעֵי לַה נְטַרִית בִימָמָא וֻנטַרִית בְלֵיליָא׃
(1) 04:13	הְוֵיתִי בִימָמָא אַכלַנִי שַרבָא וֻגלִידָא <הוה#3#> נַחַת עֲלַי בְלֵיליָא וְנַדַת שִנתִי מֵיעֵינָי׃
(1) 14:13	דְנָן לִי עַסרִין שְנִין בְבֵיתָך פְלַחתָך אֲרבַע עַסרֵי שְנִין בְתַרתֵין בְנָתָך וְשֵית שְנִין בְעָנָך וְאַשנִיתָא יָת אַגרִי עֲסַר זִמנִין׃
(1) 24:13	\אִילוּ לָאפוֹן ״אילוליפון#3#״אילופין#3#״ אֲלָהֵיה דְאַבָא אֲלָהֵיה דְאַברָהָם וֻדדָחֵיל״ודחיל#3#״ לֵיה יִצחָק הֲוָה בְסַעֲדִי אֲרֵי כְעַן רֵיקָן״רֵיקָם#3#״ שְלַחתַנִי יָת עַמלִי וְיָת לֵיאוּת יְדַי גְלֵי קדם יוי וְאוֹכַח בְרַמשָא׃
(1) 34:13	וַאֲתֵיב לָבָן וַאֲמַר לְיַעֲקֹב בְנָתָא בְנָתַי וֻבנַיָא בְנַי וְעָנָא עָנִי וְכֹל דְאַת חָזֵי דִילִי הוּא וְלִבנָתַי מָא אַעֲבֵיד לְאִלֵין יוֹמָא דֵין אוֹ לִבנֵיהוֹן דִילִידָא׃
(1) 44:13	וֻכעַן אֵיתַא נִגזַר קְיָם אֲנָא וְאַת וִיהֵי לְסָהִיד בֵינַא וֻבֵינָך׃
(1) 54:13	וֻנסֵיב יעקב אַבנָא וְזַקפַה״וארמה#3#״ קָמָא׃
(1) 64:13	וַאֲמַר יַעֲקֹב לַאֲחוֹהִי לְקוּטוּ אַבנִין וֻנסִיבוּ אַבנִין וַעֲבַדוּ דְגוֹרָא וַאֲכַלוּ תַמָן עַל דְגוֹרָא׃
(1) 74:13	וֻקרָא לֵיה לָבָן יְגַר סָהֲדוּתָא ויעקב קְרָא לֵיה גַלעֵד׃
(1) 84:13	וַאֲמַר לָבָן דְגוֹרָא הָדֵין״הדא#3#״ סָהִיד בֵינַא וֻבֵינָך יוֹמָא דֵין עַל כֵין קְרָא לֵיה גַלעֵד׃
(1) 94:13	וְסָכוּתָא דַאֲמַר יֵסָך \מֵימְרָא דַיוי ״ייי#3#״ בֵינָא וֻבֵינָך אֲרֵי נִתכַסֵי גְבַר מֵחַברֵיה״מִן חַברֵיה#3#״׃
(1) 05:13	אִם תְעַנֵי יָת בְנָתַי וְאִם תִסַב נְשִין עַל בְנָתַי לֵית אֲנָש עִמַנָא חֲזִי מֵימְרָא דַיוי סָהִיד בֵינָא וֻבֵינָך׃
(1) 15:13	וַאֲמַר לָבָן לְיעקב הָא דְגוֹרָא הָדֵין וְהָא קָמְתָא דַאֲקֵימִית בֵינַא וֻבֵינָך׃
(1) 25:13	סָהִיד דְגוֹרָא הָדֵין וְסָהֲדָא קָמְתָא אִם אֲנָא לָא אֲעִיבַר לְוָתָך יָת דְגוֹרָא הָדֵין״הדא#3#״ וְאִם אַת לָא תְעִיבַר לְוָתִי יָת דְגוֹרָא הָדֵין וְיָת קָמְתָא הָדָא״הדין#3#״ לְבִישוּ׃
(1) 35:13	אֲלָהֵיה דְאַברָהָם וַאֲלָהֵי נָחוֹר יְדִינוּן בֵינַנָא אֲלָהָא דַאֲבוּהוֹן וְקַיֵים יַעֲקֹב בִדדָחֵיל לֵיה אֲבוּהִי יִצחָק׃
(1) 45:13	וֻנכַס יַעֲקֹב נִכסְתָא בְטוּרָא וֻקרָא לַאֲחוֹהִי לְמֵיכַל לַחמָא וַאֲכַלוּ לַחמָא וֻבָתוּ בְטוּרָא׃

next chapter