The Comprehensive Aramaic Lexicon

(1) 10:03	וַחזָת רָחֵל אֲרֵי לָא יְלֵידַת לְיַעֲקֹב וְקַנִיאַת רָחֵל בַאֲחָתַה וַאֲמַרַת לְיַעֲקֹב הַב לִי בְנִין וְאִם לָא מָיְתָא אֲנָא׃
(1) 20:03	וֻתקֵיף רוּגזָא דְיַעֲקֹב ברחל וַאֲמַר הְמִנִי אַת בָעיָא הֲלָא מִן קדם יוי תִבעַן דִמנָע מִנִיך וַלדָא דִמעִי׃
(1) 30:03	וַאֲמַרַת הָא אַמתִי בִלהָה עוֹל לְוָתַה תְלִיד וַאֲנָא אֲרַבֵי וְאַתבְנֵי אַף אֲנָא מִנַה׃
(1) 40:03	וִיהַבַת לֵיה יָת בִלהָה אַמתַה לְאִיתוּ״לאנתו#3#״ וְעָל לְוָתַה יַעֲקֹב׃
(1) 50:03	וְעַדִיאַת בִלהָה וִילֵידַת לְיַעֲקֹב בַר׃
(1) 60:03	וַאֲמַרַת רָחֵל דָנַנִי״דן לי#3#״ יוי וְאָף קַבֵיל צְלוֹתִי וִיהַב לִי בַר עַל כֵין קְרָת שְמֵיה דָן׃
(1) 70:03	וְעַדִיאַת עוֹד וִילֵידַת בִלהָה אַמתַה דְרָחֵל בַר תִניָן לְיַעֲקֹב׃
(1) 80:03	וַאֲמַרַת רָחֵל \קַבֵיל בָעוּתִי יוי ״קביל ייי בעותי#3#״ בְאִתחַנָנוּתִי בִצלוֹתי חַמֵידִית דִיהֵי לִי וְלַד כַאֲחָתִי אַף אִתיְהֵיב לִי וֻקרָת שְמֵה נַפתַלִי׃
(1) 90:03	וַחֲזַת לֵאָה אֲרֵי קַמַת מִלְמֵילַד וֻדבַרַת״ונסיבת#3#״ יָת זִלפָה אַמתַה וִיהַבַת יָתַה לְיַעֲקֹב לְאִתוּ״לאינתו#3#״׃
(1) 01:03	וִילֵידַת זִלפָה אַמתַה דְלֵאָה לְיַעֲקֹב בַר׃
(1) 11:03	וַאֲמַרַת לֵאָה אֲתָא גָד וֻקרָת יָת שְמֵיה גָד׃
(1) 21:03	וִילֵידַת זִלפָה אַמתַה דְלֵאָה בַר תִניָן לְיַעֲקֹב׃
(1) 31:03	וַאֲמַרַת לֵאָה תֻשבְחָא הֲוָת לִי אֲרֵי בְכֵין יְשַבְחֻנַנִי נְשַיָא וֻקרָת יָת שְמֵיה אָשֵר׃
(1) 41:03	וַאֲזַל רְאוּבֵן בְיוֹמֵי חֲצָד חִטִין וְאַשכַח יַברוּחִין בְחַקלָא וְאַיתִי יָתְהוֹן לְלֵאָה אִמֵיה וַאֲמַרת רָחֵל לְלֵאָה הַבִי כְעַן לִי מִיַברוּחֵי דִברִיך׃
(1) 51:03	וַאֲמַרת לַה הַזְעֵיר דִדבַרת יָת בַעלִי וֻלמִסַב אַף יָת יַברוּחֵי דִברִי וַאֲמַרַת רָחֵל בְכֵין יִשכַב עִמִיך בְלֵיליָא חֲלָף יַברוּחֵי דִברִיך׃
(1) 61:03	וְעָל יַעֲקֹב מִן חַקלָא בְרַמשָא וֻנפַקַת לֵאָה לְקַדָמוּתֵיה וַאֲמַרַת לְוָתִי תֵיעוֹל אֲרֵי מֵיגָר אֲגַרתָך בְיַברוּחֵי דִברִי וֻשכֵיב עִמַה בְלֵיליָא הוּא׃
(1) 71:03	וְקַבֵיל״ושמיע קדם#3#״ יוי צְלוֹתַה דְלֵאָה וְעַדִיאַת וִילֵידַת לְיַעֲקֹב בַר חֲמִישָי׃
(1) 81:03	וַאֲמַרַת לֵאָה יְהַב יוי אַגרִי דִיהַבִית״ארי יהבית#3#״ אַמתִי לְבַעלִי וֻקרָת שְמֵיה יִשָׂשׂכָר׃
(1) 91:03	וְעַדִיאַת עוֹד לֵאָה וִילֵידַת בַר שְתִיתָי לְיַעֲקֹב׃
(1) 02:03	וַאֲמַרַת לֵאָה יְהַב יוי \יָתֵיה לִי ״יתי#3#״ חוּלָק טָב הָדָא זִמנָא יְהֵי מְדוֹרֵיה דְבַעלִי לְוָתִי אֲרֵי יְלֵידִית לֵיה שִתָה בְנִין וֻקרָת יָת שְמֵיה זְבוּלוּן׃
(1) 12:03	וֻבָתַר כֵין יְלֵידַת בְרַתָא וֻקרָת יָת שְמַה דִינָה׃
(1) 22:03	וְעָל דֻכרָנַה דְרָחֵל קדם יוי וְקַבֵיל צְלוֹתַה יוי וִיהַב לַה עִדוּי׃
(1) 32:03	וְעַדִיאַת וִילֵידַת בַר וַאֲמַרַת כְנַש יוי יָת חִסדָי׃
(1) 42:03	וֻקרָת יָת שְמֵיה יוֹסֵף לְמֵימַר יוֹסֵף יוי לִי בַר אֲחְֹרָן׃
(1) 52:03	וַהֲוָה כַד יְלֵידַת רָחֵל יָת יוֹסֵף וַאֲמַר יַעֲקֹב לְלָבָן שַלְחַנִי וַאֲהָך לְאַתרִי וֻלאַרעִי׃
(1) 62:03	הַב יָת נְשַי וְיָת בְנַי דִפלַחִית יָתָך בְהוֹן וְאִיזֵיל״ואיהך#3#״ אֲרֵי אַת יָדַעת יָת פֻלחָנִי דִפלַחתָך׃
(1) 72:03	וַאֲמַר לֵיה לָבָן אִם כְעַן אַשכַחִית רַחֲמִין בְעֵינָך נַסִיתִי וֻבָרֵיכנִי יוי בְדִילָך׃
(1) 82:03	וַאֲמַר פָרֵיש אַגרָך עֲלַי וְאַתֵין׃
(1) 92:03	וַאֲמַר לֵיה אַת יָדַעת יָת דִפלַחתָך וְיָת דַהֲוָה בְעִירָך עִמִי׃
(1) 03:03	אֲרֵי זְעֵיר דַהֲוָה לָך קדמי וֻתקֵיף לִסגֵי״למסגי#3#״ וֻבָרֵיך יוי יָתָך בְדִילִי וֻכעַן אִמַתִי אַעֲבֵיד אַף אֲנָא לְבֵיתִי׃
(1) 13:03	וַאֲמַר מָא אַתֵין לָך וַאֲמַר יַעֲקֹב לָא תִתֵין לִי <ית#3#> מִדָעַם אִם תַעֲבֵיד לִי פִתגָמָא הָדֵין אֲתוּב אַרעֵי עָנָך אַטַר׃
(1) 23:03	אַעבַר בְכָל עָנָך יוֹמָא דֵין אַעדִי מִתַמָן כָל אִמַר נְמוֹר וֻרקוֹע וְכָל אִמַר שְחוֹם בְאִמרַיָא וֻרקוֹע וֻנמוֹר בְעִזַיָא וִיהֵי אַגרִי׃
(1) 33:03	וְתַסהֵיד עֲלַי״בי#3#״ זָכוּתִי בְיוֹם מְחַר אֲרֵי תֵיעוֹל״תהך#3#״ עַל אַגרִי קדמך כָל דְלָיְתוֹהִי נְמוֹר וֻרקוֹע בְעִזַיָא וֻשחוֹם בְאִמְרַיָא גָנוֹבָא הוּא עִמִי׃
(1) 43:03	וַאֲמַר לָבָן בְרַם״הן#3#״ לְוִי יְהֵי כְפִתגָמָך׃
(1) 53:03	וְאַעדִי בְיוֹמָא הַהוּא יָת תֵיָשַיָא רְגוֹלַיָא וֻרקוֹעַיָא וְיָת כָל עִזַיָא נְמוֹרָתָא וֻרקוֹעָתָא <וית#3#> כָל דְחִיוָר בֵיה וְכָל דְשחוֹם בְאִמְרַיָא וִיהַב בְיַד בְנוֹהִי׃
(1) 63:03	וְשַוִי מַהלַך תְלָתָה יוֹמִין בֵינוֹהִי וֻבֵין יַעֲקֹב וְיַעֲקֹב רָעֵי יָת עָנָא דְלָבָן דְאִשתְאַרָא׃
(1) 73:03	וֻנסֵיב לֵיה יַעֲקֹב חוּטרִין דִלבַן רַטִיבָן וֻדלוּז וְדִדלוּב וְקַלֵיף בְהוֹן קִלפִין חִיוָרִין קִלוּף חִיוָר דְעַל חֻטרַיָא׃
(1) 83:03	וְדַעֵיץ יָת חוּטרַיָא דְקַלִיף״דְקַלֵיף#3#״ בְרָטַיָא״ברהטיא#3#״ אֲתַר בֵית שִקיָא דְמַיָא אֲתַר דְאָתיָן עָנָא לְמִשתֵי לְקִבלְהוֹן דְעָנָא וֻמִתיַחֲמָן בְמֵיתֵיהוֹן לְמִשתֵי׃
(1) 93:03	וְאִתיַחֲמָא עָנָא בְחוּטרַיָא וִילִידָא עָנָא רְגוֹלִין נְמוֹרִין וֻרקוֹעִין׃
(1) 04:03	וְאִמְרַיָא אַפרֵיש יעקב וִיהַב בְרֵיש עָנָא כֹל דִרגוֹל וְכֹל דִשחוֹם בְעָנָא דְלָבָן וְשַוִי לֵיה עַדרִין בִלחוֹדוֹהִי וְלָא עָרֵיבִינוּן עִם עָנָא דְלָבָן׃
(1) 14:03	וְהָוֵי בְכֹל עִידָן דְמִיתיַחְמָן עָנָא מְבַכרָתָא וֻמשַוֵי יַעֲקֹב יָת חוּטרַיָא \לְעֵינֵי עָנָא ״לקבליהון דענא#3#״ בְרָטַיָא״ברהטיא#3#״ לְיַחֲמוּתְהוֹן בְחוּטרַיָא׃
(1) 24:03	וֻבלַקִישוּת עָנָא לָא מְשַוֵי וְהָוַן לַקִישַיָא לְלָבָן וֻבַכִירַיָא לְיַעֲקֹב׃
(1) 34:03	וֻתקֵיף גֻברַא לַחדָא לַחדָא וַהֲוָה לֵיה עָן סַגִיאָן וְאַמהָן וְעַבדִין וְגַמלִין וֻחמָרִין׃

next chapter