The Comprehensive Aramaic Lexicon

(1) 10:92	וֻנטַל יעקב רַגלוֹהִי וַאֲזַל לְאֲרַע בְנֵי מַדִינחָא׃
(1) 20:92	וַחזָא וְהָא בֵירָא בְחַקלָא וְהָא תַמָן תְלָתָה עַדרִין דְעָן רְבִיעִין עֲלַה אֲרֵי מִן בֵירָא הַהִיא״ההוא#3#״ מַשקַן עַדרַיָא וְאַבנָא רַבתָא עַל פוּמָא דְבֵירָא׃
(1) 30:92	וֻמִתכַנשִין תַמָן כֹל עַדרַיָא וֻמנַדרִין״וֻמגַנדְרִין#3#״ יָת אַבנָא מֵעַל פוּמָא דְבֵירָא וֻמַשקַן יָת עָנָא וֻמתִיבִין יָת אַבנָא עַל פוּמָא דְבֵירָא לְאַתרַה׃
(1) 40:92	וַאֲמַר לְהוֹן יַעֲקֹב אַחַי מְנָן אַתוּן וַאֲמַרוּ מֵחָרָן אֲנַחנָא׃
(1) 50:92	וַאֲמַר לְהוֹן הֲיָדֲעִיתוּן יָת לָבָן בַר נָחוֹר וַאֲמַרוּ יָדְעִנָא׃
(1) 60:92	וַאֲמַר לְהוֹן הַשְלָם לֵיה וַאֲמַרוּ שְלָם וְהָא רָחֵל בְרַתֵיה אָתיָא עִים עָנָא׃
(1) 70:92	וַאֲמַר הָא עוֹד <כען#3#> יוֹמָא סַגִי״רבא#3#״ לָא עִידָן לְמִכנַש בְעִיר אַשקוֹ״השקו#3#״ עָנָא וְאִיזִילוּ רְעוֹ׃
(1) 80:92	וַאֲמַרוּ לָא נִיכוֹל עַד דְיִתכַנשוּן כֹל עַדרַיָא וִינַדְרוּן״וִיגַנדְרוּן#3#״ יָת אַבנָא מֵעַל פוּמָא דְבֵירא וְנַשקֵי <ית#3#> עָנָא׃
(1) 90:92	עַד דְהוּא מְמַלֵיל עִמְהוֹן וְרָחֵל אֲתָת עִים עָנָא דִלאֲבוּהָא אֲרֵי רָעִיתָא הִיא׃
(1) 01:92	וַהֲוָה כַד חֲזָא יַעֲקֹב יָת רָחֵל בַת לָבָן אֲחוּהָא דְאִימֵיה וְיָת עָנָא דְלָבָן אֲחוּהָא דְאִימֵיה וֻקרִיב יַעֲקֹב וְנַדַר״וְגַנדַר#3#״ יָת אַבנָא מֵעַל פוּמָא דְבֵירָא וְאַשקִי יָת עָנָא דְלָבָן אֲחוּהָא דְאִימֵיה׃
(1) 11:92	וְנַשֵיק יעקב לְרָחֵל וַאֲרֵים יָת קָלֵיה וֻבכָא׃
(1) 21:92	וְחַוִי יַעֲקֹב לרחל אֲרֵי בַר אַחַת אֲבוהָא הוּא וַאֲרֵי בַר רִבקָה הוּא וֻרהַטַת וְחַוִיאַת לְאַבוּהָא׃
(1) 31:92	וַהֲוָה כַד שְמַע לָבָן יָת שֵימַע יַעֲקֹב בַר אֲחָתֵיה וֻרהַט לְקַדָמוּתֵיה וְגָפֵיף לֵיה וְנַשֵיק לֵיה וְאַעֲלֵיה לְבֵיתֵיה וְאִשתַעִי לְלָבָן יָת כֹל פִתגָמַיָא הָאִלֵין׃
(1) 41:92	וַאֲמַר לֵיה לָבָן בְרַם קָרִיבִי וֻבִסרִי אַת וִיתֵיב עִמֵיה יְרַח יוֹמִין׃
(1) 51:92	וַאֲמַר לָבָן לְיַעֲקֹב הֲמִדְאַחִי אַת וְתִפלְחִינַנִי מַגָן חַו לִי מָא אַגרָך׃
(1) 61:92	וֻללָבָן תַרתֵין בְנָן שוֹם רַבְתָא לֵאָה וְשוֹם זְעֵירתָא רָחֵל׃
(1) 71:92	וְעֵינֵי לֵאָה יָאֲיָן וְרָחֵל הְוָת שַפִירָא בְרֵיוָא וְיָאֲיָא בְחַזוָא׃
(1) 81:92	וֻרחֵים יַעֲקֹב ית רָחֵל וַאֲמַר אִפלְחִינָך שְבַע שְנִין בְרָחֵל בְרַתָך זְעֵירְתָא׃
(1) 91:92	וַאֲמַר לָבָן טָב דְאִיתֵין יָתַה לָך מִדְאַתֵין יָתַה לִגבַר אוּחרָן תִיב עִמִי׃
(1) 02:92	וֻפלַח יעקב בְרָחֵל שְבַע שְנִין וַהווֹ בְעֵינוֹהִי כְיוֹמִין זְעֵירִין בִדרָחֵים <ליה#3#> יָתַה׃
(1) 12:92	וַאֲמַר יַעֲקֹב לְלָבָן הַב יָת אִתְתִי אֲרֵי שְלִימוּ יוֹמֵי פוּלחָנִי וְאֵיעוֹל לְוָתַה׃
(1) 22:92	וֻכנַש לָבָן יָת כֹל אֲנָשֵי אַתרָא וַעֲבַד מִשתִיָא׃
(1) 32:92	וַהֲוָה בְרַמשָא וֻדבַר יָת לֵאָה בְרַתֵיה וְאֲעֵיל יָתַה לְוָתֵיה וְעָל לְוָתַה׃
(1) 42:92	וִיהַב לָבָן לַה יָת זִלפָה אַמתֵיה לְלֵאָה בְרַתֵיה לְאַמהוּ׃
(1) 52:92	וַהֲוָה בְצַפרָא וְהָא הִיא לֵאָה וַאֲמַר לְלָבָן מָא דָא עֲבַדת לִי הֲלָא בְרָחֵל פְלַחִית עִמָך וֻלמָא שַקַרת בִי׃
(1) 62:92	וַאֲמַר לָבָן לָא מִתעֲבֵיד כֵין״כדין#3#״ בְאַתרַנָא לְמִיתַן זְעֵירְתָא קְדָם רַבְתָא׃
(1) 72:92	אַשלֵים שְבוּעֲתָא דְדָא״דא#3#״ וְנִתֵין לָך אַף יָת דָא בְפוּלחָנָא דְתִפלַח עִמִי עוֹד שְבַע שְנִין אוּחרָנִין׃
(1) 82:92	וַעֲבַד יַעֲקֹב כֵין״כדין#3#״ וְאַשלֵים שְבוּעֲתָא דְדָא״דא#3#״ וִיהַב לֵיה יָת רָחֵל בְרַתֵיה לֵיה לְאִיתוּ״לאנתו#3#״׃
(1) 92:92	וִיהַב לָבָן לְרָחֵל בְרַתֵיה יָת בִלהָה לַה לְאַמהוּ׃
(1) 03:92	וְעָל אַף לְוָת רָחֵל וֻרחֵים אַף יָת רָחֵל מִלֵאָה וֻפלַח עִימֵיה עוֹד שְבַע שְנִין אוּחרָנִין׃
(1) 13:92	וַחזָא״וגלי קדם#3#״ יוי אֲרֵי סְנוּאֲתָא לֵאָה וִיהַב לַה עִדוּי וְרָחֵל עַקרָא׃
(1) 23:92	וְעַדִיאַת לֵאָה וִילֵידַת בַר וֻקרָת שְמֵיה רְאוּבֵן אֲרֵי אֲמַרַת אֲרֵי גְלִי קדם יוי עוּלבָנִי אֲרֵי כְעַן יִרחֲמִינַנִי בַעלִי׃
(1) 33:92	וְעַדִיאַת עוֹד״לאה#3#״ וִילֵידַת בַר וַאֲמַרַת אֲרֵי שְמִיַע קדם יוי אֲרֵי סְנוּאֲתָה אֲנָא וִיהַב לִי אַף יָת דֵין וֻקרָת <ית#3#> שְמֵיה שִמעוֹן׃
(1) 43:92	וְעַדִיאַת עוֹד וִילֵידַת בַר וַאֲמַרַת \זִמנָא הָדָא ״הדא זמנא#3#״כען זימנא#3#״ יִתחַבַר לִי בַעלִי אֲרֵי יְלֵידִית לֵיה תְלָתָה בְנִין עַל כֵין קְרָא שְמֵה לֵוִי׃
(1) 53:92	וְעַדִיאַת עוֹד וִילֵידַת בַר וַאֲמַרַת הָדָא זִמנָא אוֹדֵי קדם יוי עַל כֵין קְרָת שְמֵיה יְהוּדָה וְקַמַת מִלְמֵילַד״מלמילת#3#״׃

next chapter