The Comprehensive Aramaic Lexicon

(1) 10:82	וֻקרָא יצחק ליַעֲקֹב וֻבָרֵיך יָתֵיה וֻפַקְדֵיה וַאֲמַר לֵיה לָא תִיסַב אִיתְתָא מִבְנָת כְנָעַן׃
(1) 20:82	קוּם אִיזֵיל לְפַדַן דַאֲרָם לְבֵית בְתוּאֵל אֲבוּהָא דְאִימָך וְסַב לָך מִתַמָן אִיתְתָא מִבְנָת לָבָן אֲחוּהָא דְאִימָך׃
(1) 30:82	וְאֵל שַדַי יְבָרֵיך יָתָך וְיַפְשִינָך וְיַסגֵינָך וֻתהֵי לְכִנשָת שִבטִין׃
(1) 40:82	וְיִתַן לָך <יוי#3#> יָת בִרכָתָא דְאַברָהָם לָך וְלִבנָך עִמָך לְמֵירְתָך יָת אֲרַע תוֹתָבוּתָך דִיהַב יוי לְאַברָהָם׃
(1) 50:82	וֻשלַח יִצחָק יָת יַעֲקֹב וַאֲזַל לְפַדַן דַאֲרָם לְוָת לָבָן בַר בְתוּאֵל אֲרַמָאָה אֲחוּהָא דְרִבקָה אִמֵיה דְיַעֲקֹב וְעֵשָׂו׃
(1) 60:82	וַחזָא עֵשָׂו אֲרֵי בָרֵיך יִצחָק יָת יעקב וְשַלַח יָתֵיה לְפַדַן דַאֲרָם לְמִסַב לֵיה מִתַמָן אִיתְתָא בִדבָרֵיך״כד בריך#3#״ יָתֵיה וֻפַקֵיד עֲלוֹהִי לְמֵימַר לָא תִיסַב אִתְתָא מִבְנָת כְנָעַן׃
(1) 70:82	וְקַבֵיל יעקב מִן״למימר#3#״ אֲבוּהִי \וֻמִן אִימֵיה ״ואמיה#3#״ וַאֲזַל לְפַדַן דַאֲרָם׃
(1) 80:82	וַחזָא עֵשָׂו אֲרֵי בִישָן בְנָת כְנָעַן בְעֵינֵי יִצחָק אֲבוּהִי׃
(1) 90:82	וַאֲזַל עֵשָׂו לְוָת יִשמָעאֵל וֻנסֵיב יָת מָחֲלַת בַת יִשמָעאֵל בַר אברהם אֲחָתֵיה דִנבָיוֹת עַל נְשוֹהִי לֵיה לְאִיתוּ״לאנתו#3#״׃
(1) 01:82	וֻנפַק יעקב מִבְאֵר שָבַע וַאֲזַל לְחָרָן׃
(1) 11:82	וְעָרַע בְאַתרָא וֻבָת תַמָן אֲרֵי עַל שִמשָא וֻנסֵיב מֵאַבנֵי אַתרָא וֻשַוִי אִסָדוֹהִי״איסהדוהי#3#״ וֻשכֵיב בְאַתרָא הַהוּא׃
(1) 21:82	וַחלַם וְהָא סוּלמָא נְעִיץ בארעא וְרֵישֵיה מָטֵי עַד צֵית שְמַיָא וְהָא מַלאֲכַיָא דַיוי סָלְקִין וְנָחֲתִין בֵיה׃
(1) 31:82	וְהָא יְקָרָא דַיוי מְעַתַד עִלָווֹהִי וַאֲמַר אֲנָא יוי אֲלָהֵיה דְאַברָהָם אֲבוּך וַאֲלָהֵיה דיצחק אַרעָא דְאַת שָכֵיב עֲלַה לָך אִתְנִינַה וְלִבנָך׃
(1) 41:82	וִיהוֹן בְנָך סַגִיאִין כְעַפרָא דארעא וְתִתַקַף לְמַעַרבָא וֻלמַדִנחָא וֻלצִפוּנָא וֻלדָרוֹמָא וְיִתבָרְכוּן בְדִילָך כֹל זַרעֲיָת ארעא וֻבדִיל בְנָך׃
(1) 51:82	וְהָא מֵימְרִי בְסַעֲדָך וְאִטְרִינָך בְכֹל אֲתַר דְתהָך וְאָתִיבִינָך לְארעא הָדָא אֲרֵי לָא אִשבְקִינָך עַד דְאַעֲבֵיד יָת דְמַלֵילִית לָך״עְלָך#3#״׃
(1) 61:82	וְאִתֲעַר יעקב מִשִנתֵיה וַאֲמַר <ברם#3#> בְקוּשטָא <אית#3#> יְקָרָא דַיוי שְרִי בְאַתרָא הָדֵין וַאֲנָא לָא הֲוֵיתִי יָדַע׃
(1) 71:82	וֻדחֵיל וַאֲמַר מָא דְחִילוּ אַתרָא הָדֵין לֵית דֵין אֲתַר הִדיוֹט אֲלָהֵין אֲתַר דְרַעֲוָא בֵיה מִן קדם יוי וְדֵין תְרַע קְבֵיל״לקביל#3#״ שְמַיָא׃
(1) 81:82	וְאַקדֵים יַעֲקֹב בְצַפרָא וֻנסֵיב יָת אַבנָא דְשַוִי אִיסָדוֹהִי״איסהדוהי#3#״ וְשַוִי יָתַה קָמָא וַאֲרֵיק מִשחָא עַל רֵישַה׃
(1) 91:82	וֻקרָא יָת שְמֵיה דְאַתרָא הַהוּא בֵית אֵל וֻברַם לוּז שְמַה דְקַרתָא מִלְקַדמִין״לקדמין#3#״בקדמיתא#3#״׃
(1) 02:82	וְקַיֵים יעקב קִיָם לְמֵימַר עִם יְהֵי מֵימְרָא דַיוי בְסַעֲדִי וְיִטְרִינַנִי בְאוֹרחָא הָדָא״הדין#3#״ דַאֲנָא אָזֵיל וְיִתֵן לִי לְחֵים לְמֵיכַל וֻכסוּ לְמִלבַש׃
(1) 12:82	וַאֲתוּב״ואיתותב#3#״ בִשלָם לְבֵית אַבָא וִיהֵי \מֵימְרָא דַיוי ״ייי#3#״ לִי לַאֲלָה׃
(1) 22:82	וְאַבנָא הָדָא דְשַוִיתִי קָמָא \תְהֵי דְאֵיהֵי ״אהא#3#״ פָלַח עֲלַה <עביד#3#> קדם יוי וְכֹל דְתִתֵין לִי חַד מִן עַסרָא אַפרְשִינֵיה קְדָמָך׃

next chapter