The Comprehensive Aramaic Lexicon

(1) 10:72	וַהֲוָה כַד סִיב יִצחָק וֻכהַיָא עֵינוֹהִי מִלְמִחזֵי וֻקרָא יָת עֵשָׂו בְרֵיה רַבָא וַאֲמַר לֵיה בְרִי וַאֲמַר <ליה#3#> הָאֲנָא׃
(1) 20:72	וַאֲמַר הָא כְעַן סֵיבִית \לֵית אֲנָא יָדַע ״לָא יְדַעִית#3#״ \יוֹם מוֹתִי ״יוֹמָא דַאְמוּת#3#״׃
(1) 30:72	וֻכעַן סַב כְעַן זֵינָך סֵיפָך וְקַשתָך וְפוֹק לְחַקלָא וְצוּד לִי צֵידָא׃
(1) 40:72	וְעִיבֵיד לִי תַבשִילִין כְמָא דִרחֵימִית וַאֲעֵיל לִי וְאֵיכוּל בְדִיל דִתבָרְכִינָך נַפשִי עַד לָא אֲימוּת׃
(1) 50:72	וְרִבקָה שְמַעַת כַד מַלֵיל יִצחָק \עִם עֵשָׂו ״לעשׂו#3#״ בְרֵיה וַאֲזַל עֵשָׂו לְחַקלָא לִמצָד צֵידָא לְאֵיתָאָה׃
(1) 60:72	וְרִבקָה אֲמַרַת לְיַעֲקֹב בְרַה לְמֵימַר הָא שְמַעִית מִן״ית#3#״ אֲבוּך מְמַלֵיל עִים עֵשָׂו אֲחוּך לְמֵימַר׃
(1) 70:72	אֵיתַא״אעיל#3#״ לִי צֵידָא וְעִיבֵיד לִי תַבשִילִין וְאֵיכוּל וַאֲבָרְכִינְך קדם יוי קְדָם מוֹתִי׃
(1) 80:72	וֻכעַן בְרִי קַבֵיל מִנִי״במימרי#3#״ \לְמָא דַאֲנָא ״לדי אנא#3#״ מְפַקְדָא יָתָך׃
(1) 90:72	אִיזֵיל כְעַן לְעָנָא״לות ענא#3#״ וְסַב לִי מִתַמָן תְרֵין גְדָיֵי <בר#3#> עִזִין טָבִין וְאַעֲבֵיד יָתְהוֹן תַבשִילִין לַאֲבוּך כְמָא דְרָחֵים׃
(1) 01:72	וְתַעֵיל״ותייתי#3#״ לַאֲבוּך וְיֵיכוֹל בְדִיל דִיבָרכִינָך קְדָם מוֹתֵיה׃
(1) 11:72	וַאֲמַר יַעֲקֹב לְרִבקָה אִימֵיה הָא עֵשָׂו אֲחִי גְבַר סַעֲרָן וַאֲנָא גְבַר שְעִיַע׃
(1) 21:72	מָא אִם יְמוּשִינַנִי אַבָא וְאֵיהֵי בְעֵינוֹהִי כְמִתלָעַב וְאַיתֵי״ואיהי מייתי#3#״ עֲלַי לְוָטִין וְלָא בִרכָן׃
(1) 31:72	וַאֲמַרת לֵיה אִימֵיה עֲלַי אִתאֲמַר בִנבוּאָה דְלָא יֵיתוֹן לְוָטַיָא עֲלָך <אלהין ברכן#3#> בְרִי בְרַם קַבֵיל מִנִי וְאִיזֵיל סַב לִי׃
(1) 41:72	וַאֲזַל וֻנסֵיב וְאֵיתִי לְאִימֵיה וַעֲבַדַת אִימֵיה תַבשִילִין כְמָא דְרָחֵים אֲבוּהִי׃
(1) 51:72	וֻנסֵיבַת רבקה יָת לְבוּשֵי עֵשָׂו בְרַה רַבָא דָכיָיתָא דְעִמַה בְבֵיתָא וְאַלבֵישַת יָת יַעֲקֹב בְרַה זְעֵירָא׃
(1) 61:72	וְיָת מַשכֵי דִגדֵי בְנֵי עִזֵי אַלבֵישַת עַל יְדוֹהִי וְעַל שְעִיעוּת צַורֵיה׃
(1) 71:72	וִיהַבַת יָת תַבשִילַיָא וְיָת לַחמָא דַעֲבַדַת בִידָא דְיַעֲקֹב בְרַה׃
(1) 81:72	וְעָל לְוָת אֲבוּהִי וַאֲמַר אַבָא וַאֲמַר הָא אֲנָא מַן אַת בְרִי׃
(1) 91:72	וַאֲמַר יַעֲקֹב לַאֲבוּהִי אֲנָא עֵשָׂו בוּכרָך עֲבַדִית כְמָא דְמַלֵילתָא עִמִי״לי#3#״ קוּם כְעַן אִסתְחַר וְאֵיכוּל מִצֵידִי בְדִיל דִתבָרְכִינַנִי נַפשָך׃
(1) 02:72	וַאֲמַר יִצחָק לִברֵיה מָא דֵין אוֹחִיתָא לְאַשכָחָא בְרִי וַאֲמַר אֲרֵי זָמֵין יוי אֲלָהָך קְדָמָי׃
(1) 12:72	וַאֲמַר יִצחָק לְיַעֲקֹב קְרַב כְעַן וַאֲמוּשִינָך בְרִי הֲאַת דֵין בְרִי עֵשָׂו אִם לָא׃
(1) 22:72	וֻקרֵיב יעקב לְוָת יִצחָק אֲבוּהִי וֻמָשֵיה וַאֲמַר קָלָא קָלֵיה דיעקב וִידַיָא \יְדֵי עֵשָׂו ״ידוהי דעשׂו#3#״׃
(1) 32:72	וְלָא אִשתְמוֹדְעֵיה״חכים#3#״ אֲרֵי הֲוַאָה יְדוֹהִי כִידֵי עֵשָׂו אֲחוּהִי סַעֲרָניָן וֻבָרְכֵיה׃
(1) 42:72	וַאֲמַר אַת דֵין בְרִי עֵשָׂו וַאֲמַר אֲנָא׃
(1) 52:72	וַאֲמַר קָרֵיב לִי״קדמי#3#״ וְאֵיכוּל מִצֵידָא דִברִי בְדִיל דִתבָרְכִינָך נַפשִי וְקָרֵיב לֵיה וַאֲכַל וַאֲעֵיל״ואייתי#3#״ לֵיה חַמרָא וֻשתִי׃
(1) 62:72	וַאֲמַר לֵיה יִצחָק אֲבוּהִי קְרַב כְעַן וְשַק לִי בְרִי׃
(1) 72:72	וֻקרֵיב וְנַשֵיק לֵיה וַאֲרֵיַח יָת רֵיַח לְבוּשוֹהִי וֻבָרְכֵיה וַאֲמַר חְזִי רֵיחָה דִברִי כְרֵיח חַקלָא דְבָרְכֵיה יוי׃
(1) 82:72	וְיִתֵן״ויהב#3#״ לָך יוי מִטַלָא דִשמַיָא וֻמִיטוּבָא דארעא וְסַגיוּת עִיבוּר וַחמַר׃
(1) 92:72	יִפלְחוּנָך עַמְמִין וְיִשתַעַבדָן לָך מַלכְוָן הְוִי רָב לַאֲחָך וְיִסגְדוּן לָך בְנֵי אִמָך לִיטָך יְהוֹן לִיטִין וֻברִיכָך״מברכך#3#״ יְהוֹן בְרִיכִין׃
(1) 03:72	וַהֲוָה כַד שֵיצִי יִצחָק לְבָרָכָא יָת יַעֲקֹב וַהֲוָה בְרַם מִיפַק נְפַק יַעֲקֹב מִן קְדָם <אפי#3#> יִצחָק אֲבוּהִי וְעֵשָׂו אֲחוּהִי עָל״אתא#3#״ מִצֵידֵיה׃
(1) 13:72	וַעֲבַד אַף הוּא תַבשִילִין וַאֲעֵיל״ואייתי#3#״ לַאֲבוּהִי וַאֲמַר לַאֲבוּהִי יְקוּם אַבָא וְיֵיכוֹל מִצֵידָא דִברֵיה בְדִיל דִתבָרְכִינַנִי נַפשָך׃
(1) 23:72	וַאֲמַר לֵיה יִצחָק אֲבוּהִי מַן אַת וַאֲמַר אֲנָא בְרָך בוּכרָך עֵשָׂו׃
(1) 33:72	וֻתוַה יִצחָק תִיוהָא רַבָא עַד לַחדָא וַאֲמַר מַן הוּא דֵיכִי דְצָד צֵידָא וְאֲעֵיל לִי וַאֲכַלִית מִכוֹלָא עַד לָא תֵיעוֹל וֻבָרֵיכתֵיה אַף בְרִיך יְהֵי׃
(1) 43:72	כַד שְמַע עֵשָׂו יָת פִתגָמֵי אֲבוּהִי וֻצוַח צִיוחָא רַבָא וֻמָרִירָא עַד לַחדָא וַאֲמַר לַאֲבוּהִי בָרְכֵינִי אַף לִי״אנא#3#״ אַבָא׃
(1) 53:72	וַאֲמַר עַל אֲחוּך בְחוּכמָא וְקַבֵיל בִרכְתָך׃
(1) 63:72	וַאֲמַר יָאוּת קְרָא שְמֵיה יַעֲקֹב וְחַכמַנִי״ואכמני#3#״ דְנָן תַרתֵין זִמנִין יָת בְכֵירוּתִי נְסֵיב וְהָא כְעַן קַבֵיל בִרכְתִי וַאֲמַר הֲלָא שְבַקת לִי בִרכָא׃
(1) 73:72	וַאֲתֵיב יִצחַק וַאֲמַר לְעֵשָׂו הָא רָב שְוִיתֵיה״שַוִיתֵיה#3#״ <לך#3#> עִילָווָך״לך#3#״ וְיָת כֹל אֲחוֹהִי יְהַבִית לֵיה לְעַבדִין וֻבעִיבוּר״ועיבור#3#״ וֻבחַמַר״וחמר#3#״ סְעַדתֵיה וְלָך כְעַן״הכא#3#״ מָא אַעֲבֵיד בְרִי׃
(1) 83:72	וַאֲמַר עֵשָׂו לַאֲבוּהִי הֲבִרכְתָא חֲדָא הִיא לָך אַבָא בָרכֵינִי אַף לִי״אנא#3#״ אַבָא וַאֲרֵים עֵשָׂו קָלֵיה וֻבכָא׃
(1) 93:72	וַאֲתֵיב יִצחָק אֲבוּהִי וַאֲמַר לֵיה הָא מִטוּבָא דארעא יְהֵי מוֹתְבָך וֻמִטַלָא דִשמַיָא מִלְעֵילָא׃
(1) 04:72	וְעַל חַרבָך תֵיחֵי וְיָת אֲחוּך תִפלַח וִיהֵי כַד יִעִברוּן בְנוֹהִי עַל פִתגָמֵי אוֹרָיתָא וְתַעֲדֵי נִירֵיה מֵעַל צַורָך׃
(1) 14:72	וֻנטַר עֵשָׂו דְבָבוּ ליעקב״ית יעקב#3#״ עַל בִרכְתָא דְבָרְכֵיה אֲבוּהִי וַאֲמַר עֵשָׂו בְלִיבֵיה יִקרְבוּן יוֹמֵי אִבלֵיה דְאַבָה וְאִקטוֹל יָת יעקב אֲחִי׃
(1) 24:72	וְאִתחַוַה לְרִבקָה יָת פִתגָמֵי עֵשָׂו בְרַה רַבָא וֻשלַחַת וֻקרָת ליעקב בְרַה זְעֵירָא וַאֲמַרַת לֵיה הָא עֵשָׂו אֲחוּך כָמֵין לָך לְמִקטָלָך׃
(1) 34:72	וֻכעַן בְרִי קַבֵיל מִנִי וְקוּם אִיזֵיל לָך לְוָת לָבָן אַחִי לְחָרָן׃
(1) 44:72	וְתִתֵיב עִמֵיה יוֹמִין זְעֵירִין עַד דְתִתוּב חִמתָא״רוגזא#3#״ דַאֲחוּך׃
(1) 54:72	עַד דִיתוּב רוּגזָא דַאֲחוּך מִינָך וְיִתנְשֵי יָת דַעֲבַדת לֵיה וְאִשלַח וְאִדבְרִינָך מִתַמָן לְמָא״דילמא#3#״ אִתכוּל \אַף תַרוֵיכוֹן ״מתרויכון#3#״ יוֹמָא חַד׃
(1) 64:72	וַאֲמַרַת רִבקָה לְיִצחָק עַקִית בְחַיַי מִן קְדָם בְנָת חִיתָאָה אִם נָסֵיב יַעֲקֹב אִיתְתָא מִיבְנָת״מִן בְנָת#3#״ חִיתָאָה כְאִלֵין מִבְנָת ארעא לְמָא <דנן#3#> לִי חַיִין׃

next chapter