The Comprehensive Aramaic Lexicon

(1) 10:42	וְאַברָהָם סִיב עָל בְיוֹמִין וַיוי בָרֵיך יָת אַברָהָם בְכוֹלָא׃
(1) 20:42	וַאֲמַר אַברָהָם לְעַבדֵיה סָבָא דְבֵיתֵיה דְשַלִיט בְכָל דְלֵיה שַו כְעַן יְדָך תְחוֹת יִרכִי׃
(1) 30:42	וַאֲקַיֵים עֲלָך בְמֵימְרָא דַיוי אֲלָהָא דִשמַיָא וַאֲלָהָא דְאַרעָא דְלָא תִסַב אִתְתָא לִברִי מִבְנָת כְנַעֲנָאָה דַאֲנָא יָתֵיב בֵינֵיהוֹן׃
(1) 40:42	אֲלָהֵין לְאַרעִי וֻליַלָדוּתִי תֵיזֵיל וְתִיסַב אִתְתָא לִברִי לְיִצחָק׃
(1) 50:42	וַאֲמַר לֵיה עַבדָא מָא אִם לָא תֵיבֵי אִתְתָא לְמֵיתֵי בָתְרַי לְאַרעָא הָדָא הַאָתָבָא אָתִיב יָת בְרָך לְאַרעָא דִנפַקתָא מִתַמָן׃
(1) 60:42	וַאֲמַר לֵיה אַברָהָם אִסתְמַר לָך דִלמָא תָתִיב יָת בְרִי לְתַמָן׃
(1) 70:42	יוי אֲלָהָא דִשמַיָא דְדַברַנִי מִבֵית אַבָא וֻמֵאֲרַע יַלָדוּתִי וֻדמַלֵיל לִי וֻדקַיֵים לִי לְמֵימַר לִבנָך אַתֵין יָת אַרעָא הָדָא הוּא יִשלַח מַלאֲכֵיה קדמך וְתִסַב אִתְתָא לִברִי מִתַמָן׃
(1) 80:42	וְאִם לָא תֵיבֵי אִתְתָא לְמֵיתֵי בָתְרָך וֻתהֵי זָכָא מִמוֹמָתִי דָא לְחוֹד״לחות#3#״ יָת בְרִי לָא תָתִיב לְתַמָן׃
(1) 90:42	וְשַוִי עַבדָא יָת יְדֵיה תְחוֹת יִרכָא דְאַברָהָם רִבוֹנֵיה וְקַיֵים לֵיה עַל פִתגָמָא הָדֵין׃
(1) 01:42	וֻדבַר עַבדָא עַסרָא גַמלִין מִגַמלֵי רִיבוֹנֵיה וַאֲזַל וְכֹל טוּב״שפר#3#״ רִבוֹנֵיה בִידֵיה וְקָם וַאֲזַל לַאֲרָם דְעַל פְרָת לְקַרתָא דְנָחוֹר׃
(1) 11:42	וְאֲשרִי גַמלַיָא מִבַרָא לְקַרתָא \עִם בֵירָא ״לבאירא#3#״ דְמַיָא לְעִדָן רַמשָא לְעִדָן דְנָפְקָן מַליָתָא׃
(1) 21:42	וַאֲמַר יוי אֲלָהֵיה דְרִבוֹנִי אברהם זָמֵין כְעַן קדמי יוֹמָא דֵין וַעֲבֵיד טֵיבוּ עִם רִבוֹנִי אברהם׃
(1) 31:42	הָא אֲנָא קָאֵים עַל עֵינָא דְמַיָא וֻבנָת אֲנָשֵי קַרתָא נָפְקָן לְמִמלֵי מַיָא׃
(1) 41:42	וֻתהֵי עוּלֵימְתָא דְאֵימַר לַה אַרכַנִי כְעַן קֻלְתִיך וְאַשתֵי וְתֵימַר אֵישת וְאַף גַמלָך אַשקֵי יָתַה זָמֵינתָא לְעַבדָך לְיִצחָק וֻבַה אִידַע אֲרֵי עֲבַדת טֵיבוּ עִם רִיבוֹנִי׃
(1) 51:42	וַהֲוָה הוּא עַד לָא שֵיצִי לְמַלָלָא וְהָא רִבקָה נְפַקַת דְאִיתיְלֵידַת״די איתלידת#3#״ לִבתוּאֵל בַר מִלכָה אִיתַת נָחוֹר אָחוּהִי דאברהם וְקוּלְתַה עַל כִתפַה״כַתפַה#3#״׃
(1) 61:42	וְעוּלֵימְתָא \שַפִירָא לְמִחזֵי ״שפירת חיזו#3#״ לַחדָא בְתוּלְתָא וֻגבַר לָא יַדעַה וֻנחַתַת לְעֵינָא וֻמלָת קוּלְתַה וֻסלֵיקַת׃
(1) 71:42	וֻרהַט עַבדָא לְקַדָמוּתַה וַאֲמַר אַשקַנִי״אטעמני#3#״ כְעַן זְעֵיר מַיָא מִקוּלְתִיך׃
(1) 81:42	וַאֲמַרַת אֵישת רִבוֹנִי וְאוֹחִיאַת וַאֲחֵיתַת קוּלְתַה עַל יְדַה וְאַשקִיתֵיה׃
(1) 91:42	וְשֵיצִיאַת לְאַשקָיוּתֵיה וַאֲמַרַת אַף לְגִמלָך אִמלֵי עַד דִיסַפְקוּן לְמִשתֵי׃
(1) 02:42	וְאוֹחִיאַת וֻנפַצַת קוּלְתַה לְבֵית שִקיָא וֻרהַטַת עוֹד לְבֵירָא לְמִמלֵי וֻמלָת לְכֹל גַמלוֹהִי׃
(1) 12:42	וְגֻברָא שָהֵי״שָתֵי#3#״ בַה מִסתַכַל שָתִיק לְמִדַע הֲאַצלַח יוי אוֹרחֵיה אִם לָא׃
(1) 22:42	וַהֲוָה כַד סְפִיקוּ גַמלַיָא לְמִשתֵי וֻנסֵיב גַברָא קְדָשָא דְדַהבָא תִקלָא מַתקָלֵיה וֻתרֵין שֵירִין עַל יְדַהָא מַתקַל עֲסַר סִלעִין דַהבָא״דדהבא#3#״ <הוה#3#> מַתקָלְהוֹן׃
(1) 32:42	וַאֲמַר בַת מַן אַת חַוַא כְעַן לִי הֲאִית בֵית אֲבוּיִיך אֲתַר כָשַר לַנָא לִמבָת׃
(1) 42:42	וַאֲמַרַת לֵיה בַת בְתוּאֵל אֲנָא בַר מִלכָה דִילֵידַת לְנָחוֹר׃
(1) 52:42	וַאֲמַרַת לֵיה אַף תִבנָא אַף כִסְתָא סַגִי עִמַנָא אַף אֲתַר כָשַר לִמבָת׃
(1) 62:42	וֻכרַע גֻברָא וֻסגֵיד קדם יוי׃
(1) 72:42	וַאֲמַר בְרִיך יוי אֲלָהֵיה דְרִיבוֹנִי אברהם דְלָא מְנַע״שבק#3#״ טֵיבוּתֵיה וְקוּשטֵיה מִן רִבוֹנִי אֲנָא בְאוֹרַח תָקְנָא דַבְרַנִי יוי לְבֵית אֲחוּהִי דְרִיבוֹנִי׃
(1) 82:42	וֻרהַטַת עוּלֵימְתָא וְחַוִיאַת לְבֵית אִמַה כְפִתגָמַיָא הָאִלֵין׃
(1) 92:42	וֻלרִבקָה אַחָא וֻשמֵיה לָבָן וֻרהַט לָבָן לְוָת גֻברָא לְבָרָא לְעֵינָא״לות עינא#3#״׃
(1) 03:42	וַהֲוָה כַד חֲזָא יָת קְדָשָא וְיָת שֵירַיָא עַל יְדֵי אֲחָתֵיה וְכַד שְמַע יָת פִתגָמֵי רִבקָה אֲחָתֵיה לְמֵימַר כְדֵין מַלֵיל עִמִי גֻברָא וַאֲתָא לְוָת גֻברָא וְהָא קָאֵים עִלָוֵי״על#3#״ גַמלַיָא עַל עֵינָא׃
(1) 13:42	וַאֲמַר עוֹל בְרִיכָא דַיוי לְמָא אַת קָאֵים בְבָרָא וַאֲנָא פַנִיתִי בֵיתָא וַאֲתַר כָשַר לְגַמלַיָא׃
(1) 23:42	וְעָל גֻברָא לְבֵיתָא וֻשרָא מִן גַמלַיָא וִיהַב תִבנָא וְכִסְתָא לְגַמלַיָא וֻמַיָא לְאַסחָאָה רַגלוֹהִי וְרַגלֵי גֻברַיָא דְעִמֵיה׃
(1) 33:42	ושַוִיאוּ קְדָמוֹהִי לְמֵיכַל וַאֲמַר לָא אֵיכוֹל עַד דַאֲמַלֵיל פִתגָמַי וַאֲמַר מַלֵיל׃
(1) 43:42	וַאֲמַר עַבדָא דאברהם אֲנָא׃
(1) 53:42	וַיוי בָרֵיך יָת רִיבוֹנִי לַחדָא וֻרבָא וִיהַב לֵיה עָן וְתוֹרִין וְכַספָא וְדַהבָא וְעַבדִין וְאַמהָן וְגַמלִין וֻחמָרִין׃
(1) 63:42	וִילֵידַת שָׂרָה אִיתַת רִיבוֹנִי בַר לְרִיבוֹנִי בָתַר דְסֵיבַת וִיהַב לֵיה יָת כֹל דְלֵיה׃
(1) 73:42	וְקַיֵים עֲלַי רִבוֹנִי לְמֵימַר לָא תִסַב אִיתְתָא לִברִי מִבְנָת כְנַעֲנָאָה דַאֲנָא יָתֵיב בַאֲרַעהוֹן׃
(1) 83:42	אֲלָהֵין לְבֵית אַבָא תֵיזִיל וֻלזַרעִיתִי וְתִיסַב אִיתְתָא לִברִי׃
(1) 93:42	וַאֲמַרִית לְרִבוֹנִי מָא אִם לָא תֵיתֵי״תֵיזֵל#3#״ אִתְתָא בָתְרַי׃
(1) 04:42	וַאֲמַר <לי#3#> יוי דִפלַחִית קְדָמוֹהִי יִשלַח מַלאֲכֵיה עִמָך וְיַצלַח אוֹרחָך וְתִסַב אִתְתָא לִברִי מִזַרעִיתִי וֻמִבֵית אַבָא׃
(1) 14:42	בְכֵין תְהֵי זָכָא מִמוֹמָתִי אֲרֵי תְהָך״תעול#3#״ לְזַרעִיתִי וְאִם לָא יִתְנוּן לָך וֻתהֵי זָכָא מִמוֹמָתִי׃
(1) 24:42	וַאֲתֵית יוֹמָא דֵין לְעֵינָא וַאֲמַרִית יוי אֲלָהֵיה דְרִבוֹנִי אַברָהָם אִם אִית כְעַן רַעֲוָא קְדָמָך לְאַצלָחָא אוֹרחִי דַאֲנָא אָזֵיל עֲלַה׃
(1) 34:42	הָא אֲנָא קָאֵים עַל עֵינָא דְמַיָא וֻתהֵי עוּלֵימְתָא דְתִפוֹק לְמִמלֵי וְאֵימַר לַה אַשקַנִי כְעַן זְעֵיר מַיָא מִקוּלְתִיך׃
(1) 44:42	וְתֵימַר לִי אַף אַת אֵישת וְאַף לְגַמלָך אִמלֵי הִיא אִיתְתָא דְזָמֵין יוי לְבַר רִיבוֹנִי׃
(1) 54:42	אֲנָא עַד לָא שֵיצִיתִי לְמַלָלָא בְלִיבִי״עם לבי#3#״ וְהָא רִבקָה נְפַקַת וְקוּלְתַה עַל כַתפַה״כִתפַה#3#״ וֻנחַתַת לְעֵינָא וֻמלָת וַאֲמַרִית לַה אַשקַנִי כְעַן׃
(1) 64:42	וְאוֹחִיאַת וַאֲחֵיתַת קוּלְתַה מִינַה״מעלה#3#״ וַאֲמַרַת אֵישתְ וְאַף גַמלָך אַשקֵי וֻשתִיתִי וְאַף <ית#3#> גַמלַיָא אַשקִיאַת׃
(1) 74:42	וֻשאֵילִית יָתַה וַאֲמַרִית בַת מַן אַת וַאֲמַרַת בַת בְתוּאֵל בַר נָחוֹר דִילֵידַת לֵיה מִלכָה וְשַוֵיתִי קְדָשָא עַל אַפַה וְשֵירַיָא עַל יְדַהָא׃
(1) 84:42	וֻכרַעִית וֻסגֵידִית קְדָם יוי וֻבָרֵיכִית יָת יוי אֲלָהֵיה דְרִבוֹנִי אַברָהָם דְדַבְרַנִי בְאוֹרַח קְשוֹט לְמִסַב יָת בַת אֲחוּהִי דְרִיבוֹנִי לִברֵיה׃
(1) 94:42	וֻכעַן אִם אִיתֵיכוֹן עָבְדִין טֵיבוּ וֻקשוֹט עִם רִבוֹנִי חַווֹ לִי וְאִם לָא חַווֹ לִי וְאִתפְנֵי עַל יַמִינָא אוֹ עַל סְמָלָא׃
(1) 05:42	וַאֲתֵיב לָבָן וֻבתוּאֵל וַאֲמַרוּ מִן קדם יוי נְפַק פִתגָמָא לֵית אֲנַחנָא יָכְלִין לְמַלָלָא עִימָך בִיש אוֹ טָב׃
(1) 15:42	הָא רִבקָה קְדָמָך דְבַר וְאִיזֵיל וֻתהֵי אִתְתָא לְבַר רִבוֹנָך כְמָא דְמַלֵיל יוי׃
(1) 25:42	וַהֲוָה כַד שְמַע עַבדָא דְאַברָהָם יָת פִתגָמֵיהוֹן וֻסגֵיד עַל ארעא קדם יוי׃
(1) 35:42	וְאַפֵיק עַבדָא מָנִין דִכסַף וֻמָנִין דִדהַב וֻלבוּשִין וִיהַב לְרִבקָה וֻמַגדָנִין יְהַב לַאֲחוּהָא וֻלאִימַה׃
(1) 45:42	וַאֲכַלוּ וֻשתִיוּ הוּא וְגַברַיָא דְעִמֵיה וֻבָתוּ וְקַמוּ בְצַפרָא וַאֲמַר שַלחוּנִי לְוָת רִיבוֹנִי׃
(1) 55:42	וַאֲמַר אֲחוּהָא וְאִימַה תִתֵיב״תִסַב#3#״ עוּלֵימְתָא עִימַנָא עֲידָן בְעִידָן אוֹ עַסרָה יַרחִין בָתַר כֵין תֵיזִיל׃
(1) 65:42	וַאֲמַר לְהוֹן לָא תְאַחֲרוּן יָתִי וַיוי״ומן קדם ייי#3#״ אַצלַח אוֹרחִי שַלחוּנִי וַאֲהָך \לְוָת רִבוֹנִי ״לריבוני#3#״׃
(1) 75:42	וַאֲמַרוּ נִקרֵי לְעוּלֵימְתָא וְנִשמַע מָא דְהִיא אָמְרָה׃
(1) 85:42	וֻקרוֹ לְרִבקָה וַאֲמַרוּ לַה הֲתֵיזְלִין עִם גֻברָא הָדֵין וַאֲמַרַת אֵיזֵיל׃
(1) 95:42	וְשַלַחוּ יָת רִבקָה אֲחָתְהוֹן וְיָת מֵינֵיקתַה וְיָת עַבדָא דְאַברָהָם וְיָת גַברוֹהִי׃
(1) 06:42	וֻבָרִיכוּ יָת רִבקָה וַאֲמַרוּ לַה אֲחָתַנָא אַת הִוַא לְאַלפִין וֻלרִבְוָן וְיֵירְתוּן בְנַכִי יָת קִרוֵי סָנְאֵיהוֹן׃
(1) 16:42	וְקַמַת רבקה וְעוּלֵימָתַהָא וֻרכִיבָא עַל גַמלַיָא וַאֲזַלָא בָתַר גֻברָא וֻדבַר עַבדָא יָת רִבקָה וַאֲזַל׃
(1) 26:42	וְיִצחָק עָל בְמֵיתוֹהִי״מימתוהי#3#״ מִבֵירָא דְמַלאַך קַייָמָא אִיתַחזִי עֲלַה וְהוּא יָתֵיב בַאֲרַע דָרוֹמָא׃
(1) 36:42	וֻנפַק יִצחָק לְצַלָאָה בְחַקלָא לְמִפנֵי״לעידן#3#״לעדן מפני#3#״ רַמשָא וֻזקַף עֵינוֹהִי וַחזָא וְהָא גַמלַיָא אָתַן׃
(1) 46:42	וֻזקַפַת רבקה יָת עֵינַהָא וַחזָת יָת יצחק וְאִתרְכֵינַת מֵעַל גַמלָא׃
(1) 56:42	וַאֲמַרַת לְעַבדָא מַן גֻברָא דֵיכִי דִמהַלֵיך בְחַקלָא לְקַדָמוּתַנָא וַאֲמַר עַבדָא הוּא רִבוֹנִי וֻנסֵיבַת עִיפָא וְאִתכַסִיאַת׃
(1) 66:42	וְאִשתַעִי עַבדָא לְיִצחָק יָת כֹל פִתגָמַיָא דַעֲבַד׃
(1) 76:42	וְאַעֲלַה יצחק לְמַשכְנָא וַחזָא וְהָא תָקְנִין עוֹבָדַהָא כְעוֹבָדֵי שָׂרָה אִימֵיה וֻנסֵיב יָת רבקה וַהוָת לֵיה לְאִיתוּ״לאנתו#3#״ וְרִחמַה וְאִתנַחַם יִצחָק בָתַר <דמיתת#3#> אִמֵיה׃

next chapter