The Comprehensive Aramaic Lexicon

(1) 10:22	וַהֲוָה בָתַר פִתגָמַיָא הָאִילֵין וַיוי נַסִי יָת אַברָהָם וַאֲמַר לֵיה אברהם וַאֲמַר הָאֲנָא׃
(1) 20:22	וַאֲמַר דְבַר כְעַן יָת בְרָך יָת יְחִידָך דִרחֵימתָא יָת יִצחָק וְאִיזֵיל לָך לַאֲרַע פֻלחָנָא וְאַסֵיקהִי קְדָמַי תַמָן לְעֲלָתָא עַל חַד מִן טוּרַיָא דְאֵימַר לָך׃
(1) 30:22	וְאַקדֵים אברהם בְצַפרָא וְזָרֵיז יָת חֲמָרֵיה וֻדבַר יָת תְרֵין עוּלֵימוֹהִי עִמֵיה וְיָת יִצחָק בריה וְצַלַח אָעֵי לַעֲלָתָא״דעלתא#3#״עלתא#3#״ וְקָם וַאֲזַל לְאַתרָא דַאֲמַר לֵיה יוי׃
(1) 40:22	בְיוֹמָא תְלִתָאָה וֻזקַף אברהם יָת עֵינוֹהִי וַחזָא יָת אַתרָא מֵרַחִיק׃
(1) 50:22	וַאֲמַר אַברָהָם לְעוּלֵימוֹהִי אוֹרִיכוּ <כען#3#> לְכוֹן הָכָא עִים חֲמָרָא וַאֲנָא וְעוּלֵימָא נִתמְטֵי עַד כָא וְנִסגוֹד וֻנתוּב לְוָתְכוֹן׃
(1) 60:22	וֻנסֵיב אברהם יָת אָעֵי דַעֲלָתָא וְשַוִי עַל יִצחָק בְרֵיה וֻנסֵיב בִידֵיה יָת אִישָתָא וְיָת סַכִינָא וַאֲזַלוּ תַרוֵיהוֹן כַחדָא׃
(1) 70:22	וַאֲמַר יִצחָק לאברהם אֲבוּהִי וַאֲמַר אַבָא וַאֲמַר הָאֲנָא בְרִי וַאֲמַר הָא אִישָתָא וְאָעַיָא וְאָן אִימְרָא לְעֲלָתָא׃
(1) 80:22	וַאֲמַר אַברָהָם קְדָם יוי גְלִי״אתגלי#3#״ <ליה#3#> אִימְרָא <ליה#3#> לַעֲלָתָא בְרִי וַאֲזַלוּ תַרוֵיהוֹן כַחדָא׃
(1) 90:22	וַאֲתוֹ לְאַתרָא דַאֲמַר לֵיה יוי וֻבנָא תַמָן אברהם יָת מַדבְחָא וְסַדַר יָת אָעַיָא וְעַקַד״וַעקַד#2#״ יָת יִצחָק בְרֵיה וְשַוִי יָתֵיה עַל מַדבְחָא \עֵיל מִן אָעַיָא ״מעל לאעיא#3#״׃
(1) 01:22	וְאוֹשִיט״וְאוֹשֵיט#3#״ אברהם יָת יְדֵיה וֻנסֵיב יָת סַכִינָא לְמִכַס יָת בְרֵיה׃
(1) 11:22	וֻקרָא לֵיה מַלאֲכָא דַיוי מִן שְמַיָא וַאֲמַר אברהם אברהם וַאֲמַר הָאֲנָא׃
(1) 21:22	וַאֲמַר לָא תוֹשִיט״תוֹשֵיט#3#״ יְדָך בְעוּלֵימָא״לעולימא#3#״ וְלָא תַעֲבֵיד לֵיה מִדָעַם אֲרֵי כְעַן יָדַעִית אֲרֵי דָחֲלָא דַיוי אַת וְלָא מְנַעתָא יָת בְרָך יָת יְחִידָך מִנִי׃
(1) 31:22	וֻזקַף אברהם יָת עֵינוֹהִי בָתַר אִלֵין וַחזָא וְהָא דִכרָא <בתר#3#״חדא#3#״> אֲחִיד״דאיתחד#3#״ בְאִילָנָא בְקַרנוֹהִי וַאֲזַל אברהם וֻנסֵיב יָת דִכרָא וְאַסְקֵיה לַעֲלָתָא חֲלָף בְרֵיה׃
(1) 41:22	\וֻפלַח וְצַלִי ״וצלי ופלח#3#״ אברהם תַמָן בְאַתרָא הַהוּא אֲמַר קדם יוי הָכָא יְהוֹן פָלְחִין דָרַיָא בְכֵין יִתאֲמַר כְיוֹמָא״ביומא#3#״ הָדֵין״ההוא#3#״ בְטוּרָא הָדֵין אַברָהָם קדם יוי פְלַח׃
(1) 51:22	וֻקרָא מַלאֲכָא דַיוי לאברהם תִיניָנוּת מִן שְמַיָא׃
(1) 61:22	וַאֲמַר בְמֵימְרִי קַיֵימִית אֲמַר יוי אֲרֵי חֲלָף דַעֲבַדתָא יָת פִתגָמָא הָדֵין וְלָא מְנַעתָע יָת בְרָך יָת יְחִידָך׃
(1) 71:22	אֲרֵי בָרָכָא אֲבָרְכִינָך וְאַסגָאָה אַסגֵי יָת בְנָך כְכוֹכְבֵי שְמַיא וֻכחָלָא דְעַל כֵיף יַמָא וְיֵירְתוּן בְנָך יָת קִרוֵי סָנְאֵיהוֹן׃
(1) 81:22	וְיִתבָרכוּן בְדִיל בְנָך כֹל עַמְמֵי ארעא חֲלָף דְקַבֵילתָא לְמֵימְרִי״במימרי#3#״׃
(1) 91:22	וְתָב אברהם \לְוָת עוּלֵימֹהִי ״לעולימוהי#3#״ וְקָמוּ וַאֲזַלוּ כַחדָא לִבאֵר שָבַע וִיתֵיב אַברָהָם בִבאֵר שָבַע׃
(1) 02:22	וַהֲוָה בָתַר פִתגָמַיָא הָאִלֵין וְאִתחַוַה לאברהם לְמֵימַר הָא יְלֵידַת מִלכָה אַף הִיא בְנִין לְנָחוֹר אֲחוּך׃
(1) 12:22	יָת עוץ בֻכרֵיה וְיָת בוּז אֲחוּהִי וְיָת קְמוּאֵל אֲבוּהִי דַאֲרָם׃
(1) 22:22	וְיָת כַשַד וְיָת חֲזוֹ וְיָת פִלדָש וְיָת יִדלָף וְיָת בְתוּאֵל׃
(1) 32:22	וֻבתוּאֵל אוֹלֵיד יָת רִבקָה תְמָניָה אִלֵין יְלֵידַת מלכָה לְנָחוֹר אֲחוּהִי דאברהם׃
(1) 42:22	וֻלחֵינְתֵיה וֻשמַה רְאוּמָה וִילֵידַת אַף הִיא יָת טַבַח וְיָת גַחַם וְיָת תַחַש וְיָת מַעֲכָה׃

next chapter