The Comprehensive Aramaic Lexicon

(1) 10:12	וַיוי דְכִיר יָת שָׂרָה כְמָא דַאֲמַר וַעֲבַד יוי לְשָׂרָה כְמָא דְמַלֵיל׃
(1) 20:12	וְעַדִיאַת וִילֵידַת שָׂרָה לאברהם בַר לְסֵיבְתוֹהִי לְזִמנָא דְמַלֵיל יָתֵיה״עימיה#3#״ יוי׃
(1) 30:12	וֻקרָא אברהם יָת שֵם בְרֵיה דְאִתִילֵיד לֵיה דִילֵידַת לֵיה שָׂרָה יִצחָק׃
(1) 40:12	וֻגזַר אברהם יָת יִצחָק בְרֵיה בַר תְמָניָה יוֹמִין כְמָא דְפַקֵיד \יָתֵיה יוי ״ייי יתיה#3#״׃
(1) 50:12	ואברהם בַר מְאָה שְנִין כַד אִיתִילֵיד לֵיה יָת יִצחָק בְרֵיה׃
(1) 60:12	וַאֲמַרַת שָׂרָה חַדוָא עֲבַד לִי יוי כֹל דְשָמַע יִחדֵי לִי׃
(1) 70:12	וַאֲמַרַת <מאן#3#> מְהֵימָן דַאֲמַר״דמליל#3#״ לְאַברָהָם וְקַיֵים דְתוֹנִיק בְנִין שָׂרָה אֲרֵי יְלֵידִית בַר לְסֵיבְתוֹהִי׃
(1) 80:12	וֻרבָא רָביָא וְאִתחֲסִיל וַעֲבַד אברהם מִשתִיָא רַבָא בְיוֹמָא דְאִתחֲסִיל <ית#3#> יִצחָק׃
(1) 90:12	וַחזָת שָׂרָה יָת בַר הָגָר מִצרֵיתָא דִילֵידַת לאברהם מְחָאִיך׃
(1) 01:12	וַאֲמַרַת לאברהם תָרֵיך <ית#3#> אַמתָא הָדָא וְיָת בְרַה אֲרֵי לָא יֵירַת בַר אַמתָא הָדָא עִם בְרִי עִם יִצחָק׃
(1) 11:12	וֻבאֵיש פִתגָמָא לַחדָא בְעֵינֵי אברהם עַל עֵיסַק בְרֵיה׃
(1) 21:12	וַאֲמַר יוי לאברהם לָא יִבאַש בְעֵינָך עַל עוּלֵימָא וְעַל אַמתָך כֹל דְתֵימַר לָך שָׂרָה קַבֵיל מִינַה״למימרה#3#״ אֲרֵי בְיִצחָק יִתקְרוֹן לָך בְנִין׃
(1) 31:12	וְאַף יָת בַר אַמתָא לְעַמָא אֲשַוֵינֵיה אֲרֵי בְרָך הוּא׃
(1) 41:12	וְאַקדֵים אברהם בְצַפרָא וֻנסֵיב לַחמָא וְרוּקבָא דְמַיָא וִיהַב לְהָגָר שַוִי עַל כִתפַה״כַתפַה#3#״ וְיָת רָביָא וְשַלְחַה וַאֲזַלַת וֻטעָת בְמַדבַר בְאֵר שָבַע׃
(1) 51:12	וֻשלִימוּ מַיָא מִן רוּקבָא וֻרמָת״וטלקת#3#״ יָת רָביָא״טליא#3#״ תְחוֹת חַד מִן אִילָנַיָא׃
(1) 61:12	וַאֲזַלַת וִיתֵיבַת לַה מִקְבַל״מלקביל#3#״ אַרחֵיקַת כְמִגַד בְקַשתָא אֲרֵי אֲמַרַת לָא אִחזֵי בְמוֹתֵיה דְרָביָא וִיתֵיבַת מִקְבַל וַאֲרֵימַת יָת קָלַה וֻבכָת׃
(1) 71:12	וֻשמִיַע קדם יוי יָת קָלֵיה דְרָביָא וֻקרָא מַלאֲכָא דַיוי לְהָגָר מִן שְמַיָא וַאֲמַר לַה מָא לִיך הָגָר לָא תִדחֲלִין אֲרֵי שְמִיַע קדם יוי <ית#3#> קָלֵיה״לקליה#3#״ דְרָביָא בַאֲתַר דְהוּא תַמָן׃
(1) 81:12	קוּמִי טוּלִי יָת רָביָא וְאַתקִיפִי יָת יְדִיך בֵיה אֲרֵי לְעַם <רב#3#> סַגִי אֲשַוֵינֵיה׃
(1) 91:12	וֻגלָא יוי יָת עֵינַהָא וַחזָת בֵירָא דְמַיָא וַאֲזַלַת וֻמלָת יָת רוּקבָא מַיָא וְאַשקִיאַת יָת רָביָא׃
(1) 02:12	וַהֲוָה מֵימְרָא דַיוי בְסַעֲדֵיה דְרָביָא וֻרבָא וִיתֵיב בְמַדבְרָא וַהֲוָה רָביָא״רָבֵי#3#״ קַשָתָא׃
(1) 12:12	וִיתֵיב בְמַדבְרָא דְפָראָן וֻנסֵיבַת לֵיה אִימֵיה אִיתְתָא מארעא דמצרים׃
(1) 22:12	וַהֲוָה בְעִידָנָא הַהוּא״ההיא#3#״ וַאֲמַר אבִימַלַך וְפִיכֹל רַב חֵילֵיה לְאַברָהָם לְמֵימַר מֵימְרָא דַיוי בְסַעֲדָך בְכֹל דְאַת עָבֵיד׃
(1) 32:12	וֻכעַן קַיָים לִי בְמֵימְרָא דַיוי הָכָא דְלָא״אם#3#״ תְשַקַר בִי״לי#3#״ וֻבִברִי״וֻלִברִי#3#״ וֻבבַר בְרִי״וֻלבַר בְרִי#3#״ כְטֵיבוּתָא דַעֲבַדִית עִמָך תַעֲבֵיד עִמִי וְעִם ארעא דְאִתוֹתבַת בַה׃
(1) 42:12	וַאֲמַר אַברָהָם אֲנָא אֲקַיֵים׃
(1) 52:12	וְאוֹכַח״והוחכ#3#״ אַברָהָם יָת״עם#3#״ אֲבִימַלַך עַל עֵיסַק בֵירָא דְמַיָא דַאֲנַסוּ עַבדֵי אֲבִימַלַך׃
(1) 62:12	וַאֲמַר אֲבִימַלַך לָא יְדַעִית מַן עֲבַד יָת פִתגָמָא הָדֵין וְאַף אַת לָא חַוֵית לִי וְאָף אֲנָא לָא שְמַעִית אֲלָהֵין יוֹמָא דֵין׃
(1) 72:12	וֻדבַר אַברָהָם עָן וְתוֹרִין וִיהַב לַאֲבִימָלָך וֻגזַרוּ תַרוֵיהוֹן קְיָם׃
(1) 82:12	וַאֲקֵים אברהם יָת שְבַע חוּרפָן דְעָן בִלחוֹדֵיהוֹן׃
(1) 92:12	וַאֲמַר אבִימַלַך לאברהם מָא אִינִין שְבַע חוּרפַן אִלֵין״האלין#3#״ דַאֲקֵימתָא בִלחוֹדֵיהוֹן׃
(1) 03:12	וַאֲמַר אֲרֵי יָת שְבַע חוּרפָן תְקַבֵיל״תיסב#3#״ מִן יְדִי בְדִיל דִתהֵי לִי לְסָהֲדוּ״לסהיד#3#״ אֲרֵי חֲפַרִית יָת בֵירָא הָדָא״הדין#3#״׃
(1) 13:12	עַל כֵין קְרָא לְאַתרָא הַהוּא בְאֵר שָבַע אֲרֵי תַמָן קַיִימוּ תַרוֵיהוֹן׃
(1) 23:12	וֻגזַרוּ קְיָם בִבאֵר שָבַע וְקָם אֲבִימַלַך וֻפִיכֹל רַב חֵילֵיה וְתָבוּ לַאֲרַע פְלִשתָאֵי׃
(1) 33:12	וֻנצַב אִילָנָא בִבאֵר שָבַע וְצַלִי תַמָן בִשמָא דַיוי אֲלָה עָלְמָא׃
(1) 43:12	וְאִתוֹתַב אברהם בְאַרַע פְלִשתָאֵי יוֹמִין סַגִיאִין׃

next chapter