H The Comprehensive Aramaic Lexicon

CAL CODE HELP CLICK HERE
click on the file description for more information

51001: TgO Gn

click on a word for lexical analysis
Click on a red-colored coordinate for comments and/or translations of the line

previous chapter


(1) 10:91 וְעָלוּ תְרֵין מַלאֲכַיָא לִסדֹם בְרַמשָא וְלוֹט יָתֵיב בְתַרעָא דִסדוֹם וַחזָא לוֹט וְקָם לְקַדָמוּתְהוֹן וֻסגֵיד עַל אַפוֹהִי עַל ארעא׃
(1) 20:91 וַאֲמַר בְבָעוּ כְעַן רִבוֹנַי זוּרוּ כְעַן לְבֵית עַבדְכוֹן וְבִיתוּ וְאַסחוֹ רַגלֵיכוֹן וְתַקדְמוּן וֻתהָכוּן לְאוֹרַחכוֹן וַאֲמַרוּ לָא אֲלָהֵין בִרחוֹבָא נְבִית׃
(1) 30:91 וְאַתקֵיף בְהוֹן לַחדָא וְזָרוּ לְוָתֵיה וְעָלוּ״ואתו#3#״ לְבֵיתֵיה וַעֲבַד לְהוֹן מִשתִיָא וֻפַטִיר אַפָא״אְפָא#3#״ לְהוֹן וַאֲכַלוּ׃
(1) 40:91 עַד לָא שְכִיבוּ וַאֲנָשֵי קַרתָא אֲנָשֵי סְדוֹם אַקִיפוּ עַל בֵיתָא מֵעוּלֵימָא וְעַד סָבָא כֹל עַמָא מִסוֹפֵיה״מסיפי#3#״׃
(1) 50:91 וֻקרוֹ לְלוֹט וַאֲמַרוּ לֵיה אָן גֻברַיָא דַאֲתוֹ לְוָתָך בְלֵיליָא אַפֵיקִינוּן לְוָתַנָא וְנִידַע יָתְהוֹן׃
(1) 60:91 וֻנפַק לְוָתְהוֹן לוֹט לְתַרעָא וְדַשָא אַחַד בָתְרוֹהִי׃
(1) 70:91 וַאֲמַר בְבָעוּ כְעַן אֲחַי לָא תַבאֲשוּן׃
(1) 80:91 הָא כְעַן לִי תַרתֵין בְנָן דְלָא יְדַעוּנִין גְבַר״אינש#3#״ אַפֵיק כְעַן יָתְהוֹן לְוָתְכוֹן וַעֲבִידוּ לְהוֹן כִידתָקֵין״כתקין#3#״ בְעֵינֵיכוֹן לְחוֹד לְגַברַיָא הָאִילֵין לָא תַעבְדוּן מִדָעַם אֲרֵי עַל כֵין עָלוּ בִטלַל שָרִיתִי׃
(1) 90:91 וַאֲמַרוּ קְרַב לְהַלאָה וַאֲמַרוּ חַד אֲתָא לְאִיתוֹתָבָא וְהָא דָאֵין דִינָא כְעַן נַבאֵיש לָך מִדִילְהוֹן״מנהון#3#״ וְאַתקִיפוּ בְגַברָא בְלוֹט לַחדָא וֻקרִיבוּ לְמִתבַר דַשָא׃
(1) 01:91 וְאוֹשִיטוּ גֻברַיָא יָת יַדהוֹן וַאֲעִילוּ יָת לוֹט לְוָתְהוֹן לְבֵיתָא וְיָת דַשָא אֲחַדוּ׃
(1) 11:91 וְיָת גֻברַיָא דְבִתרַע בֵיתָא מְחוֹ בְשַברָרָיָא מִזְעֵירָא וְעַד רַבָא וֻלאִיוּ״ולאו#3#״ לְאַשכָחָא תַרעָא׃
(1) 21:91 וַאֲמַרוּ גֻברַיָא לְלוֹט עוֹד מָא״מאן#3#״ לָך הָכָא <הלא#3#> חַתנָא וֻבנָך וֻבנָתָך וְכֹל דְלָך בְקַרתָא אַפֵיק מִן אַתרָא׃
(1) 31:91 אֲרֵי מְחַבְלִין אֲנַחנָא יָת אַתרָא הָדֵין אֲרֵי סְגִיאַת קְבִילְתהוֹן קדם יוי וְשַלחַנָא יוי לְחַבָלוּתַה׃
(1) 41:91 וֻנפַק לוֹט וֻמַלֵיל עִם חַתנוֹהִי נָסְבֵי בְנָתֵיה וַאֲמַר קוּמוּ פוּקוּ מִן אַתרָא הָדֵין אֲרֵי מְחַבֵיל יוי יָת קַרתָא וַהֲוָה כִמחָאֵיך בְעֵינֵי חַתנוֹהִי׃
(1) 51:91 וֻכמִיסַק צַפרָא הֲוָה וֻדחַקוּ מַלאֲכַיָא בְלוֹט לְמֵימַר קוּם דְבַר יָת אִיתְתָך וְיָת תַרתֵין בְנָתָך דְאִשתְכַחָא מְהֵימְנָן עִמָך דִלמָא תִלקֵי בְחוֹבֵי קַרתָא׃
(1) 61:91 וְאִתעַכַב וְאַתקִיפוּ״ותקיפו#3#״ואחידו#3#״ גֻברַיָא בִידֵיה וֻביַד אִיתְתֵיה וֻביַד תַרתֵין בְנָתֵיה בִדחָס״בדרחים#3#״ יוי עֲלוֹהִי וְאַפְקוּהִי וְאַשרְיוּהִי מִבַרָא לְקַרתָא׃
(1) 71:91 וַהֲוָה כַד אַפֵיק יָתְהוֹן לְבָרָא וַאֲמַר חוּס עַל נַפשָך לָא תִסתַכִי לַאחוֹרָך וְלָא תְקוּם״תתעכב#3#״ בְכֹל מֵישְרָא לְטוּרָא אִשתֵיזַב דִלמָא תִלקֵי׃
(1) 81:91 וַאֲמַר לוֹט לְהוֹן בְבָעוּ <כען#3#> יוי״ריבוני#3#״׃
(1) 91:91 הָא כְעַן אַשכַח עַבדָך רַחמִין קְדָמָך״בעינך#3#״ וְאַסגִיתָא טֵיבוּתָך״טובך#3#״ דַעֲבַדת עִמִי לְקַיָמָא יָת נַפשִי וַאֲנָא לֵית אֲנָא יָכֵיל לְאִשתֵיזָבָא לְטוּרָא דִלמָא תְעָרְעִינַנִי בִשתָא וְאֵימוּת׃
(1) 02:91 הָא כְעַן קַרתָא הָדָא קָרִיבָא לְמִיעִירַק לְתַמָן וְהִיא זְעֵירָא אִשתֵיזַב כְעַן לְתַמָן הֲלָא זְעֵירָא הִיא וְתִתקַייַם נַפשִי׃
(1) 12:91 וַאֲמַר לֵיה הָא נְסֵיבִית אַפָך אַף לְפִתגָמָא הָדֵין בְדִיל דְלָא לְמִהפְכִי יָת קַרתָא דִבעֵיתָא עֲלַה׃
(1) 22:91 אוֹחִי אִשתֵיזַב לְתַמָן אֲרֵי לָא אִיכוֹל לְמַעֲבַד פִתגָמָא״מידעם#3#״ עַד מֵיתָך״מיעלך#3#״ לְתַמָן עַל כֵין קְרָא שְמַה דְקַרתָא צוֹעַר׃
(1) 32:91 שִמשָא נְפַק עַל ארעא וְלוֹט עָל״אתא#3#״ לְצוֹעַר׃
(1) 42:91 וַיוי״ומן קדם ייי#3#״ אַמטַר עַל סְדוֹם וְעַל עֲמֹרָה גוּפרֵיתָה וְאִישָתָא מִן קדם יוי מִן שְמַיָא׃
(1) 52:91 וַהפַך יָת קִרוַיָא״ארֻ#3#״קרביא#3#״ הָאִלֵין וְיָת כֹל מֵישְרָא וְיָת כֹל יָתְבֵי קִרוַיָא וְצִמחַה דארעא׃
(1) 62:91 וְאִסתְכִיאַת אִיתְתֵיה מִבָתְרוֹהִי״מאחורוהי#3#״ וַהוָת קָמָא דִמלַח׃
(1) 72:91 וְאַקדֵים אַברָהָם בְצַפרָא לְאַתרָא דְשַמֵיש תַמָן בִצלוֹ קדם יוי׃
(1) 82:91 וְאִסתַכִי״ואודיק#3#״ עַל אַפֵי סְדוֹם וַעֲמוֹרָה וְעַל \כֹל אַפֵי ״אַפֵי כֹל#3#״ אֲרַע מֵישְרָא וַחזָא וְהָא סְלֵיק תַנְנָא דארעא כְתַנְנָא דַאֲתוּנָא׃
(1) 92:91 וַהֲוָה בְחַבָלוּת״כד חבל#3#״ יוי יָת קִרוֵי מֵישְרָא וֻדכִיר יוי יָת אַברָהָם וְשַלַח יָת לוֹט מִגוֹ הֲפֵיכְתָא כַד הֲפַך יָת קִרוַיָא דַהוָה יָתֵיב בְהוֹן לוֹט׃
(1) 03:91 וֻסלֵיק לוֹט מִצוֹעַר וִיתֵיב בְטוּרָא וְתַרתֵין בְנָתֵיה עִימֵיה אֲרֵי דְחֵיל לְמִיתַב בְצוֹעַר וִיתֵיב בְמעָרְתָא הוּא וְתַרתֵין בְנָתֵיה׃
(1) 13:91 וַאֲמַרַת רַבְתָא לְזעֵירְתָא אֲבוּנָא סִיב וֻגבַר לֵית בארעא לְמֵיעַל עֲלַנָא כְאוֹרַח כֹל אַרעָא׃
(1) 23:91 אֵיתַא נַשקֵי יָת אֲבוּנָא חַמרָא וְנִשכוֹב עִימֵיה וֻנקַיֵים מֵאֲבוּנָא בְנִין׃
(1) 33:91 וְאַשקִיאָה יָת אֲבוּהֵין חַמרָא בְלֵיליָא הוּא וְעַלַת״וְקַמַת#3#״ רַבְתָא וֻשכֵיבַת עִים אֲבוּהָא וְלָא יְדַע בְמִשכְבַה וְבִמקִימַה׃
(1) 43:91 וַהֲוָה בְיוֹמָא״מיומא#3#״ דְבָתְרוֹהִי וַאֲמַרַת רַבְתָא לִזעֵירְתָא הָא שְכֵיבִית בְרַמשִי״אַף רמשא#3#״ עִם אַבָא נַשקֵינֵיה חַמרָא אַף בְלֵיליָא וְעוּלִי שְכוּבִי עִמֵיה וֻנקַיֵים מֵאֲבוּנָא בְנִין׃
(1) 53:91 וְאַשקִיאָה אַף בְלֵיליָא הַהוּא יָת אֲבוּהֵין חַמרָא וְקַמַת זְעֵירְתָא וֻשכֵיבַת עִמֵיה וְלָא יְדַע בְמִשכְבַה וֻבִמקִימַה׃
(1) 63:91 וְעַדִיאָה תַרתֵין בְנָת לוֹט מֵאֲבוּהוֹן׃
(1) 73:91 וִילֵידַת רַבְתָא בַר וֻקרָת שְמֵיה מוֹאָב הוּא אֲבוּהוֹן דְמוֹאֲבָאֵי עַד יוֹמָא דֵין״הָדֵין#3#״׃
(1) 83:91 וֻזעֵירְתָא אַף הִיא יְלֵידַת בַר וֻקרָת שְמֵיה בַר עַמִי הוּא אֲבוּהוֹן דִבנֵי עַמוֹן עַד יוֹמָא דֵין״הָדֵין#3#״׃

next chapter