The Comprehensive Aramaic Lexicon

(1) 10:81	וְאִתגְלֵי לֵיה יוי בְמֵישְרֵי מַמרֵא וְהוּא יָתֵיב בִתרַע מַשכְנָא כְמֵיחַם יוֹמָא׃
(1) 20:81	וֻזקַף עֵינוֹהִי וַחזָא וְהָא תְלָתָה גֻברִין קָיְמִין עִלָווֹהִי וַחזָא וֻרהַט לְקַדָמוּתְהוֹן מִתְרַע מַשכְנָא וֻסגֵיד עַל ארעא׃
(1) 30:81	וַאֲמַר יוי אִם כְעַן אַשכַחִית רַחמִין בְעֵינָך״קְֹדָמָך#3#״ לָא כְעַן תְעִיבַר מֵעַל עַבדָך׃
(1) 40:81	יִסְבוּן כְעַן זְעֵיר מַיָא וְאַסחוֹ רַגלֵיכוֹן וְאִסתְמִיכוּ תְחוֹת אִילָנָא׃
(1) 50:81	וְאִסַב פִתָא דְלַחמָא וֻסעוּדוּ לִבְכוֹן בָתַר כֵין תִעבְרוּן אֲרֵי עַל כֵין עֲבַרתוּן עַל עַבדְכוֹן וַאֲמַרוּ כֵין תַעֲבֵיד כְמָא דְמַלֵילתָא׃
(1) 60:81	וְאוֹחִי אַברָהָם לְמַשכְנָא לְוָת שָׂרָה וַאֲמַר אוֹחַא תְלָת סָאוָן קַמחָא סוּלתָא לוּשִי וַעֲבִידִי גְרִיצָן״גריסן#3#״׃
(1) 70:81	\וֻלבֵית תוֹרֵי ״ולבקרותא#3#״ רְהַט אַברָהָם וֻנסֵיב בַר תוֹרֵי רַכִיך וְטָב וִיהַב לְעוּלֵימָא וְאוֹחִי לְמַעֲבַד יָתֵיה׃
(1) 80:81	וֻנסֵיב שְמַן וַחלַב וֻבַר תוֹרֵי דַעֲבַד וִיהַב קְדָמֵיהוֹן וְהוּא מְשַמֵיש עִלָוֵיהוֹן תְחוֹת אִילָנָא וַאֲכַלוּ׃
(1) 90:81	וַאֲמַרוּ לֵיה אָן שָׂרָה אִיתְתָך וַאֲמַר הָא בְמשַכְנָא׃
(1) 01:81	וַאֲמַר מְתָב אֵיתוּב לְוָתָך כְעִדָן דְאַתוּן קַיָימִין וְהָא בְרָא לְשָׂרָה אִיתְתָך וְשָׂרָה שְמַעַת בִתרַע מַשכְנָא וְהוּא אֲחוֹרוֹהִי׃
(1) 11:81	וְאַברָהָם וְשָׂרָה סִיבוּ עָלוּ בְיוֹמִין פְסַק מִלְמִהוֵי לְשָׂרָה אוֹרַח כְנשַיָא׃
(1) 21:81	וְחַיִיִכַת שָׂרָה בְמעַהָא לְמֵימַר בָתַר דְסֵיבִית תְהֵי לִי עוּלֵימוּ וְרִבוֹנִי סִיב׃
(1) 31:81	וַאֲמַר יוי לאברהם לְמָא דְנָן חַיֵיכַת שָׂרָה לְמֵימַר הַבְקוּשטָא״הברם בקושטא#3#״ אוֹלֵיד וַאֲנָא סֵיבִית׃
(1) 41:81	הֲיִתכַסַא מִן קדם יוי פִתגָמָא לִזמַן אֵיתוּב לְוָתָך כְעִידַן דְאַתוּן קַיָימִין וֻלשָׂרָה בַר׃
(1) 51:81	וְכַדֵיבַת שָׂרָה לְמֵימַר לָא חַיֵיכִית אֲרֵי דְחֵילִית וַאֲמַר לָא בְרַם״אלהין#3#״ חַיֵיכת׃
(1) 61:81	וְקָמוּ מִתַמָן גֻברַיָא וְאִסתַכִיוּ עַל אַפֵי סְדֹם וְאַברָהָם אָזֵיל עִמְהוֹן לְאַלוֹאֵיהוֹן׃
(1) 71:81	ויוי״ומן קדם ייי#3#״ אֲמַר הַמְכַסֵי״היתכסי#3#״ אֲנָא מאברהם דַאֲנָא עָבֵיד׃
(1) 81:81	וְאַברָהָם מִהוָה יִהוֵי לְעַם סַגִי״רב#3#״ וְתַקִיף וְיִתבָרְכוּן בְדִילֵיה כֹל עַמְמֵי ארעא׃
(1) 91:81	אֲרֵי \גְלֵי קדמי ״ידעתיניה#3#״ בְדִיל דִיפַקֵיד יָת בְנוֹהִי וְיָת אֲנָש בֵיתֵיה בָתְרוֹהִי וְיִטְרוּן אוֹרחָן דְתָקְנָן <מן#3#> קְדָם יוי לְמַעֲבַד צְדַקתָא וְדִינָא בְדִין דְיֵיתֵי״לאייתאה#3#״ יוי עַל״עם#3#״ אברהם יָת דְמַלֵיל <לאיתאה#3#> עֲלוֹהִי׃
(1) 02:81	וַאֲמַר יוי קְבֵילַת״קְבִילַת#3#״ סְדֹם וַעֲמֹרָה אֲרֵי סְגִיאַת וְחוֹבַתהוֹן אֲרֵי תְקֵיפַת לַחדָא׃
(1) 12:81	אִתגְלִי״איתפני#3#״ כְעַן וַאֵידִין הֲכִקבִילתְהוֹן דעלַת לִקדָמַי עֲבַדוּ אַעֲבֵיד עִמְהוֹן גְמֵירָא אִם <לָא#3#> תָיְבִין וְאִם <תָיְבִין#3#> לָא אִתפָרַע׃
(1) 22:81	וְאִתפְנִיוּ מִתַמָן גֻברַיָא וַאֲזַלוּ לִסדוֹם ואברהם עַד כְעַן <הוא#3#> מְשַמֵיש בִצלוֹ קְדָם יוי׃
(1) 32:81	וֻקרֵיב אַברָהָם וַאֲמַר הֲבִרגַז תְשֵיצֵי זַכָאָה עִם חַיָיבָא׃
(1) 42:81	מָא אִם אִית חַמשִין זַכָאִין בְגוֹ קַרתָא הֲבִרגַז תְשֵיצֵי וְלָא תִשבוֹק לְאַתרָא בְדִיל חַמשִין זַכָאִין דִבגַוַה׃
(1) 52:81	קוּשטָא אִינוּן דִינָך מִלְמַעֲבַד כְפִתגָמָא הָדֵין לְשֵיצָאָה״לקטלא#3#״ זַכָאָה עִם חַיָיבָא וִיהֵי זַכָאָה כְחַייָבָא קוּשטָא אִינוּן דִינָך דַיָין״הְדַיָין#3#״דדאין#3#״ כֹל״דכל#3#״ ארעא <לא#3#> בְרַם״לא#3#״ יַעֲבֵיד דִינָא׃
(1) 62:81	וַאֲמַר יוי אִם אַשכַח בִסדוֹם חַמשִין זַכָאִין בְגוֹ קַרתָא וְאִשבוֹק לְכֹל אַתרָא בְדִילְהוֹן׃
(1) 72:81	וַאֲתֵיב אַברָהָם וַאֲמַר הָא כְעַן אַסגִיתִי״שריתי#3#״ לְמַלָלָא קְדָם יוי וַאֲנָא עֲפַר וֻקטַם׃
(1) 82:81	מָא אִם יַחסְרוּן חַמשִין״מחמשין#3#״ זַכָאִין חַמשָה הַתְחַבֵיל בְחַמשָה״בדיל חמשה#3#״ יָת כֹל קַרתָא וַאֲמַר לָא אֲחַבֵיל אִם אַשכַח תַמָן אַרבְעִין וְחַמשָה׃
(1) 92:81	וְאוֹסֵיף עוֹד לְמַלָלָא קְדָמוֹהִי״עמיה#3#״ וַאֲמַר מָא אִם יִשתַכחוּן תַמָן אַרבְעִין וַאֲמַר לָא אַעֲבֵיד גְמֵירָא בְדִיל אַרבְעִין׃
(1) 03:81	וַאֲמַר לָא כְעַן יִתקַף \רוּגזָא דַיוי ״קדם ייי#3#״ וַאֲמַלֵיל מָא אִם יִשתַכחוּן תַמָן תְלָתִין וַאֲמַר לָא אַעֲבֵיד <גְמֵירָא#3#> אִם אַשכַח תַמָן תְלָתִין׃
(1) 13:81	וַאֲמַר הָא כְעַן אַסגִיתִי לְמַלָלָא קדם יוי מָא אִם יִשתַכחוּן תַמָן עַסרִין וַאֲמַר לָא אֲחַבֵיל בְדִיל עַסרִין׃
(1) 23:81	וַאֲמַר לָא כְעַן יִתקַף \רוּגזָא דַיוי ״קדם ייי#3#״ וַאֲמַלֵיל בְרַם זִמנָא״בזימנא#3#״ הָדָא מָא אִם יִשתַכחוּן תַמָן עַסרָא וַאֲמַר לָא אֲחַבֵיל בְדִיל עַסרָה׃
(1) 33:81	וְאִסתַלַק יְקָרָא דַיוי כַד שֵיצִי לְמַלָלָא עִם אַברָהָם וְאַברָהָם תָב לְאַתרֵיה׃

next chapter