The Comprehensive Aramaic Lexicon

(1) 10:71	וַהֲוָה אַברָם בַר תִשעִין וְתִישַע שְנִין וְאִתגְלִי יוי לְאַברָם וַאֲמַר לֵיה אֲנָא אֵל שַדַי פְלַח קְדָמַי וִהוִי שְלִים׃
(1) 20:71	וְאִיתֵין קְיָמִי \בֵין מֵימְרִי ״ביני#3#״ וֻבֵינָך וְאַסגֵי יָתָך לַחדָא לַחדָא׃
(1) 30:71	וֻנפַל אַברָם עַל אַפוֹהִי וֻמַלֵיל עִמֵיה יוי לְמֵימַר׃
(1) 40:71	אֲנָא הָא גָזַר קִיָמִי עִמָך וֻתהֵי לְאַב סְגֵי עַמְמִין׃
(1) 50:71	וְלָא יִתקְרֵי עוֹד יָת שְמָך אַברָם וִיהֵי שְמָך אַברָהָם אֲרֵי לְאַב״אב#3#״ סְגֵי עַמְמִין יְהַבתָך׃
(1) 60:71	וְאַפֵיש יָתָך לַחדָא לַחדָא וְאִיתְנִינָך לְכִנשָן וֻמַלכִין דְשָלְטִין״שלטין#3#״ בְעַמְמַיָא מִינָך יִפְקוּן׃
(1) 70:71	וַאֲקֵים יָת קְיָמִי בֵין מֵימְרִי וֻבֵינָך וֻבֵין בְנָך בָתְרָך לְדָרֵיהוֹן לִקיָם עָלַם לְמִהוֵי לָך לַאֲלָה וְלִבנָך בָתְרָך׃
(1) 80:71	וְאִיתֵין לָך וְלִבנָך בָתְרָך יָת אֲרַע תוֹתָבוּתָך יָת כֹל אַרעָא דִכנַעַן לְאַחסָנַת עָלַם וְאִהוֵי״וְאַהוֵי#3#״ לְהוֹן לַאֲלָה׃
(1) 90:71	וַאֲמַר יוי לְאַברָהָם וְאַת יָת קְיָמִי תִטַר אַת וֻבנָך בָתְרָך לְדָרֵיהוֹן׃
(1) 01:71	דֵין״דא#3#״ קְיָמִי דְתִיטְרוּן בֵין מֵימְרִי וֻבֵינֵיכוֹן וֻבֵין בְנָך בָתְרָך לְמִגזַר״איתגזר#3#״ לְכוֹן כֹל דְכוּרָא׃
(1) 11:71	וְתִגזְרוּן יָת בִסרָא דְעוּרלַתכוֹן וִיהֵי לְאָת קְיָם בֵין מֵימְרִי וֻבֵינֵיכוֹן׃
(1) 21:71	וֻבַר תְמָניָה יוֹמִין יִגזַר״יתגזר#3#״ לְכוֹן כֹל דְכוּרָא לְדָרֵיכוֹן יְלִידֵי בֵיתָא וֻזבִין כַספָא מִכֹל״מן#3#״ בַר עַמְמִין דְלָא מִבְנָך הוּא׃
(1) 31:71	\מִגזָר יִגזַר ״איתגזרא יתגזרון#3#״ יְלִיד בֵיתָך וֻזבִין כַספָך וִיהֵי קְיָמִי בִבסַרכוֹן לִקיָם עָלַם׃
(1) 41:71	וַעֲרַל דְכוּרָא דְלָא יִגזַר יָת בִסרָא דְעוּרלְתֵיה וְיִשתֵיצֵי אֲנָשָא הַהוּא מֵעַמֵיה יָת קִיָמִי אַשנִי׃
(1) 51:71	וַאֲמַר יוי לְאַברָהָם שָׂרַי אִיתְתָך לָא תִקרֵי יָת שְמַה שָׂרָי אֲרֵי שָׂרָה שְמַה׃
(1) 61:71	וַאֲבָרֵיך יָתַה וְאַף אַתֵין״יהבית#3#״ מִנַה לָך בַר וַאֲבָרְכִינַך וֻתהֵי לְכִנשָן מַלכִין דְשָלְטִין״שליטין#3#״ בְעַמְמַיָא מִינַה יְהוֹן׃
(1) 71:71	וֻנפַל אַברָהָם עַל אַפוֹהִי וַחדִי וַאֲמַר בְלִבֵיה הַלְבַר מְאָה שְנִין \יְהֵי וְלַד ״יתיליד#3#״ <לי#3#> וְאִם שָׂרָה הֲבַת תִשעִין שְנִין תְלִיד׃
(1) 81:71	וַאֲמַר אַברָהָם קדם יוי לְוֵי יִשמָעֵאל יִתקַיַים קְדָמָך׃
(1) 91:71	וַאֲמַר יוי בְקוּשטָא שָׂרָה אִיתְתָך תְלִיד לָך בַר וְתִקרֵי יָת שְמֵיה יִצחָק וַאֲקֵים יָת קִיָמִי עִימֵיה לִקיָם עָלַם לִבנוֹהִי בָתְרוֹהִי׃
(1) 02:71	\וְעַל יִשמָעֵאל ״ולישמעאל#3#״ קַבֵילִית צְלוֹתָך הָא בָרֵיכִית יָתֵיה וְאַפֵישִית יָתֵיה וְאַסגִיתִי יָתֵיה לַחדָא לַחדָא תְרֵי עֲסַר רַברְבִין יוֹלִיד וְאִתְנִינֵיה לְעַם סַגִי׃
(1) 12:71	וְיָת קְיָמִי אֲקִים עִים״ית#3#״ יִצחָק דִתלִיד לָך שָׂרָה לְזִמנָא הָדֵין״הדא#3#״ בְשַתָא אוּחרָנְתָא׃
(1) 22:71	וְשֵיצִי לְמַלָלָא עִמֵיה וְאִסתַלַק יְקָרָא דַיוי מֵעִלָוֹהִי דְאַברָהָם׃
(1) 32:71	וֻדבַר אַברָהָם יָת יִשמָעֵאל בְרֵיה וְיָת כֹל יְלִידֵי בֵיתֵיה וְיָת כֹל זְבִינֵי כַספֵיה כֹל דְכוּרָא בַאֲנָשֵי בֵית אַברָהָם וֻגזַר יָת בִסרָא דְעוּרלַתהוֹן בִכרַן יוֹמָא הָדֵין כְמָא \דְמַלֵיל עִימֵיה ״דפקיד יתיה#3#״ יוי׃
(1) 42:71	וְאַברָהָם בַר תִשעִין וְתִישַע שְנִין \כַד גְזַר ״במיגזריה#3#״ בִסרָא דְעוּרלְתֵיה׃
(1) 52:71	וְיִשמָעֵאל בְרֵיה בַר תְלָת עַסרֵי שְנִין כַד גְזַר יָת בִסרָא דְעוּרלְתֵיה׃
(1) 62:71	בִכרַן יוֹמָא הָדֵין אִתגְזַר אַברָהָם וְיִשמָעֵאל בְרֵיה׃
(1) 72:71	וְכֹל אֲנָשֵי בֵיתֵיה יְלִידֵי בֵיתָא וֻזבִינֵי כַספָא מִן בְנֵי עַמְמַיָא גְזַרוּ״אִתגְזַרוּ#3#״ עִמֵיה׃

next chapter