The Comprehensive Aramaic Lexicon

(1) 10:11	וַהוָת כֹל אַרעָא לִישָן חַד וֻמַמלַל חַד׃
(1) 20:11	וַהֲוָה בְמִיטַלהוֹן בְקַדמֵיתָא״ממדינחא#3#״ וְאַשכַחוּ בִקעֲתָא בארעא דְבָבַל וִיתִיבוּ תַמָן׃
(1) 30:11	וַאֲמַרוּ גְבַר לְחַברֵיה הַבוּ נִרמֵי לִבנִין וְנִשׂרוֹפִינוּן״וְנוֹקֵידִינוּן#3#״ בְנוּרָא״יוֹקֵידתָא#3#״ וַהוָת לְהוֹן לְבֵנְתָא לְאַבנָא וְחֵימָרָא הֲוָה לְהוֹן לִשיָע׃
(1) 40:11	וַאֲמַרוּ הַבוּ נִבנֵי לַנָא קַרתָא וֻמַגדְלָא וְרֵישֵיה מָטֵי עַד צֵית שְמַיָא וְנַעֲבֵיד לַנָא שוֹם דִלמָא נִתבַדַר עַל אַפֵי כֹל אַרעָא׃
(1) 50:11	וְאִתגְלִי יוי <לְאִתפְרָעָא#3#> עַל עוֹבָד קַרתָא וֻמִגדְלָא״ועל מגדלא#3#״וית מגדלא#3#״ דִבנוֹ בְנֵי אֲנָשָא׃
(1) 60:11	וַאֲמַר יוי הָא עַמָא חַד וְלִישָן חַד לְכוּלְהוֹן וְדֵין דְשָרִיוּ לְמַעֲבַד וֻכעַן לָא יִתְמנַע מִינְהוֹן כֹל דְחַשִיבוּ״דְשָרִיאוּ#3#״ לְמַעֲבַד׃
(1) 70:11	הַבוּ נִתגְלֵי וֻנבַלבֵיל תַמָן לִישָנְהוֹן דְלָא יִשמְעוּן אֲנָש״גְבַר#3#״ לִישָן חַברֵיה׃
(1) 80:11	וֻבַדַר יוי יָתְהוֹן מִתַמָן עַל אַפֵי כֹל ארעא וְאִתמְנַעוּ מִלְמִבנֵי קַרתָא׃
(1) 90:11	עַל כֵין קְרָא שְמַה בָבַל אֲרֵי תַמָן בַלבֵל יוי לִישָן כֹל אַרעָא וֻמִיתַמָן בַדרִינוּן יוי עַל אַפֵי כֹל אַרעָא׃
(1) 01:11	אִלֵין תוֹלְדָת שֵם שֵם בַר מְאָה שְנִין וְאוֹלֵיד יָת אַרפַכשַד תַרתֵין שְנִן בָתַר טוֹפָנָא׃
(1) 11:11	וַחיָא שֵם בָתַר דְאוֹלֵיד יָת אַרפַכשַד חַמֵיש מְאָה שְנִין וְאוֹלֵיד בְנִין וֻבנָן׃
(1) 21:11	וְאַרפַכשַד חֲיָא תְלָתִין וְחַמֵיש שְנִין וְאוֹלֵיד יָת שָלַח׃
(1) 31:11	וַחיָא אַרפַכשַד בָתַר דְאוֹלֵיד יָת שַלַח אַרבַע מְאָה וֻתלָת״ותלתין#3#״ שְנִין וְאוֹלֵיד בְנִין וֻבנָן׃
(1) 41:11	וְשַלַח חֲיָה תְלָתִין שְנִין וְאוֹלֵיד יָת עֵבַר׃
(1) 51:11	וַחיָא שַלַח בָתַר דְאוֹלֵיד יָת עֵבַר אַרבַע מְאָה וֻתלָת שְנִין וְאוֹלֵיד בְנִין וֻבנָן׃
(1) 61:11	וַחיָא ארבַע תְלָתִין וְאַרבָע שְנִין וְאוֹלֵיד יָת פָלַג׃
(1) 71:11	וַחיָא עֵבַר בָתַר דְאוֹלֵיד יָת פַלַג אַרבַע מְאָה וֻתלָתִין שְנִין וְאוֹלֵיד בְנִין וֻבנָן׃
(1) 81:11	וַחיָא פַלַג תְלָתִין שְנִין וְאוֹלֵיד יָת רְעוּ׃
(1) 91:11	וַחיָא פַלַג בָתַר דְאוֹלֵיד יָת רְעוּ מָאתַן וֻתשעַ״וְתִשעִין#3#״ שְנִין וְאוֹלֵיד בְנִין וֻבנָן׃
(1) 02:11	וַחיָא רְעוּ תְלָתִין וְתַרתֵין שְנִין וְאוֹלֵיד יָת שְרוּג׃
(1) 12:11	וַחיָא רְעוּ בָתַר דְאוֹלֵיד יָת שְרוּג מָאתַן וֻשבַע שְנִין וְאוֹלֵיד בְנִין וֻבנָן׃
(1) 22:11	וַחיָא שְרוּג תְלָתִין שְנִין וְאוֹלֵיד יָת נָחוֹר׃
(1) 32:11	וַחיָא שְרוּג בָתַר דְאוֹלֵיד יָת נָחוֹר מָאתַן שְנִין וְאוֹלֵיד בְנִין וֻבנָן׃
(1) 42:11	וַחיָא נָחוֹר עַסרִין וְתִישַע שְנִין וְאוֹלֵיד יָת תָרַח׃
(1) 52:11	וַחיָא נָחוֹר בָתַר דְאוֹלֵיד יָת תַרַח מְאָה וְתִישַע עַסרֵי שְנִין וְאוֹלֵיד בְנִין וֻבנָן׃
(1) 62:11	וַחיָא תַרַח שִבעִין שְנִין וְאוֹלֵיד יָת אַברָם יָת נָחוֹר וְיָת הָרָן׃
(1) 72:11	וְאִלֵין תוֹלְדָת תַרַח תַרַח אוֹלֵיד יָת אַברָם יָת נָחוֹר וְיָת הָרָן וְהָרָן אוֹלֵיד יָת לוֹט׃
(1) 82:11	וֻמִית הָרָן עַל אַפֵי״בחיי#3#״ תַרַח אֲבוּהִי בַאֲרָע יַלָדוּתֵיה בְאוּר דְכַסדָאֵי׃
(1) 92:11	וֻנסֵיב אַברָם וְנָחוֹר לְהוֹן נְשִין שֵם אִיתַת אַברָם שָׂרָי וְשֵם אִיתַת נָחוֹר מִלכָה בַת הָרָן אֲבוּהָא דְמִלכָה וַאֲבוּהָא דְיִסכָה׃
(1) 03:11	וַהוָת שָׂרַי עַקרָא לֵית לַה וְלַד״בנין#3#״׃
(1) 13:11	וֻדבַר תַרַח יָת אַברָם בְרֵיה וְיָת לוֹט בַר הָרָן בַר בְרֵיה וְיָת שָׂרַי כַלְתֵיה אִיתַת אַברָם בְרֵיה וֻנפַקוּ עִמְהוֹן מֵיאוּר דְכַסדָאֵי לְמֵיזַל לארעא דִכנָעַן וַאֲתוֹ עַד חָרָן וִיתִיבוּ תַמָן׃
(1) 23:11	וַהווֹ יוֹמֵי תַרַח מָאתַן וְחַמֵיש שְנִין וֻמִית תַרַח בְחָרָן׃

next chapter