The Comprehensive Aramaic Lexicon

(1) 10:90	וְבָרֵיך יוי יָת נֹחַ וְיָת בְנוֹהִי וַאֲמַר לְהוֹן פוּשוּ וֻסגוֹ וֻמלוֹ יָת אַרעָא׃
(1) 20:90	וְדַחלַתכוֹן וְאֵימַתְכוֹן תְהֵי עַל כֹל חַיַת ארעא וְעַל כֹל עוֹפָא דִשמַיָא בְכֹל דְתַרחֵיש אַרעָא״ברא#3#״ וֻבכֹל נוּנֵי יַמָא בְיַדכוֹן <יְהוֹן#3#> מְסִירִין׃
(1) 30:90	כֹל רִחשָא דְהוּא חַי לְכוֹן יְהֵי לְמֵיכַל כְיָרוֹק עִסבָא יְהַבִית לְכוֹן יָת כוֹלָא׃
(1) 40:90	בְרַם בִסרָא בְנַפשֵיה דְמֵיה לָא תֵיכְלוּן׃
(1) 50:90	וֻברַם יָת דַמכוֹן לְנַפשָתְכוֹן אִיתבַע מִיַד כֹל חַיתָא אִתבְעִינֵיה וֻמִיַד אֲנָשָא מִיַד גְבַר דְיֵשוֹד יָת דְמָא דַאֲחוּהִי אִתבָע יָת נַפשָא דַאֲנָשָא׃
(1) 60:90	דְיֵישוֹד דְמָא דַאֲנָשָא בְסָהֲדִין מִימֵמַר״עַל מֵימַר#3#״ דַיָנַייָא דְמֵיה יִתאֲשַד אֲרֵי \בְצַלַם אֲלֹהִים ״בצלמא דייי#3#״ עֲבַד יָת אֲנָשָא׃
(1) 70:90	וְאַתוּן פוּשוּ וֻסגוֹ אִתיַלַדוּ בארעא וֻסגוֹ בַה׃
(1) 80:90	וַאֲמַר יוי לְנֹחַ וְלִבנוֹהִי עִמֵיה לְמֵימַר׃
(1) 90:90	וַאֲנָא הָא אֲנָא מְקִים יָת קִיָמִי עִימְכוֹן וְעִם״וית#3#״ בְנֵיכוֹן בָתְרֵיכוֹן׃
(1) 01:90	וְעִם״וְיָת#3#״ כֹל נַפשָא חַיתָא דְעִימְכוֹן בְעוֹפָא בִבעִירָא וֻבכֹל חַיַת ארעא עִימְכוֹן״דעימכון#3#״ מִכֹל נָפְקֵי תֵיבוֹתָא לְכֹל חַיַת אַרעָא׃
(1) 11:90	וַאֲקֵים יָת קִיָמִי עִימְכוֹן וְלָא יִשתֵיצֵי כֹל בִסרָא עוֹד מִמֵי טוֹפָנָא וְלָא יְהֵי עוֹד טוֹפָנָא לְחַבָלָא <ית#3#> ארעא׃
(1) 21:90	וַאֲמַר יוי דָא אָת קְיָם דַאֲנָא יָהֵיב בֵין מֵימְרִי וֻבֵינֵיכוֹן וֻבֵין כֹל נַפשָא חַיתָא דְעִימְכוֹן לְדָרֵי עָלְמָא׃
(1) 31:90	יָת קַשתִי יְהַבִית בְעֲנָנָא וֻתהֵי לְאָת קְיָם בֵין מֵימְרִי וֻבֵין אַרעָא׃
(1) 41:90	וִיהֵי בְעַנָנוּתִי עֲנָנָא עַל ארעא וְתִתַחזֵי קַשתָא בַעֲנָנָא׃
(1) 51:90	וֻדכִירנָא״ואדכר#3#״ יָת קִיָמִי דְבֵין מֵימְרִי וֻבֵינֵיכוֹן וֻבֵין כֹל נַפשָא חַיתָא בְכֹל בִסרָא וְלָא יְהֵי עוֹד מַיָא לְטוֹפָנָא לְחַבָלָא כֹל בִסרָא׃
(1) 61:90	וֻתהֵי קַשתָא בַעֲנָנָא וְאִיחזֵינַה לְדוּכרַן״למדכר#3#״ קִיָם עָלַם בֵין מֵימְרָא דַיוי וֻבֵין כֹל נַפשָא חַיתָא בְכֹל בִסרָא דְעַל אַרעָא׃
(1) 71:90	וַאֲמַר יוי לְנֹחַ דָא אַת קְיָם דַאֲקֵימִית בֵין מֵימְרִי וֻבֵין כָל בִסרָא דְעַל אַרעָא׃
(1) 81:90	וַהֲווֹ בְנֵי נֹחַ דִנפַקוּ מִן תֵיבְתָא שֵם וְחָם וְיַפַת וְחָם הוּא אֲבוּהִי דִכנָעַן׃
(1) 91:90	תְלָתָה אִלֵין בְנֵי נֹחַ וֻמֵאִלֵין אִתבַדַרוּ בְכָל אַרעָא׃
(1) 02:90	וְשָרִי נֹחַ גְבַר פַלַח בְאַרעָא וֻנצַב כַרמָא׃
(1) 12:90	וֻשתִי מִן חַמרָא וֻרוִי וְאִתַגלִי בְגוֹ מַשכְנֵיה׃
(1) 22:90	וַחזָא חָם אֲבוּהִי דִכנָעַן יָת עַריְתָא דַאֲבוּהִי וְחַוִי לִתרֵין אֲחוֹהִי בְשוּקָא׃
(1) 32:90	וֻנסֵיב שֵם וָיַפַת יָת כְסוּתָא וְשַוִיוּ עַל כְתַף תַרוֵיהוֹן וַאֲזַלוּ מַחזְרִין וְכַסִיוּ יָת עִריְתָא דַאֲבוּהוֹן וְאַפֵיהוֹן מַחזְרִין וְעִריְתָא דַאֲבוּהוֹן לָא חֲזוֹ׃
(1) 42:90	וְאִתְעַר נֹחַ מֵיחַמרֵיה וִידַע יָת דַעֲבַד לֵיה בְרֵיה זְעֵירָא׃
(1) 52:90	וַאֲמַר לִיט כְנָעַן עַבַד פָלַח יְהֵי לַאֲחוֹהִי׃
(1) 62:90	וַאֲמַר בְרִיך יוי אֲלָהֵיה דְשֵם וִיהֵי כְנַעַן עַבדָא לְהוֹן׃
(1) 72:90	יַפתֵי יוי לְיַפַת וְיַשרֵי שְכִינְתֵיה בְמַשכְנֵי שֵם וִיהֵי כְנַעַן עַבדָא לְהוֹן׃
(1) 82:90	וַחיָא נֹחַ בָתַר טוֹפָנָא תְלָת מְאָה וְחַמשִין שְנִין׃
(1) 92:90	וַהווֹ כֹל יוֹמֵי נֹחַ תְשַע מְאָה וְחַמשִין שְנִין וֻמִית׃

next chapter