The Comprehensive Aramaic Lexicon

(1) 10:80	וֻדכִיר יוי יָת נֹחַ וְיָת כֹל חַיתָא וְיָת כֹל בְעִירָא דְעִימֵיה בְתֵיבוֹתָא וְאַעֲבַר יוי רוּחָא עַל אַרעָא וְנַחוּ מַיָא׃
(1) 20:80	וְאִסתַכַרוּ מַבוּעֵי תְהוֹמָא וְכַוֵי דִשמַיָא וְאִתכְלִי מִטרָא מִן שְמַיָא׃
(1) 30:80	וְתָבוּ מַיָא מֵעַל ארעא אָזְלִין וְתָיְבִין וַחסַרוּ מַיָא מִסוֹף מְאָה וְחַמשִין יוֹמִין׃
(1) 40:80	וְנַחַת תֵיבוֹתָא בְיַרחָא שְבִיעָאָה בְשִבעָת עַסרָא יוֹמָא לְיַרחָא עַל טוּרֵי קַרדוּ׃
(1) 50:80	וֻמַיָא הֲווֹ אָזְלִין וְחָסְרִין עַד יַרחָא עֲסִירָאָה בַעסִירָאָה בְחַד לְיַרחָא אִיתַחזִיוּ רֵישֵי טוּרַיָא׃
(1) 60:80	וַהֲוָה מִסוֹף אַרבְעִין יוֹמִין״יממין#3#״ וֻפתַח נֹחַ יָת כַוַת תֵיבוֹתָא דַעֲבַד׃
(1) 70:80	וְשַלַח יָת עוֹרְבָא וְנָפֵיק מִיפַק וְתָאִיב״וְתָאֵיב#3#״ עַד דִיבִישוּ מַיָא מֵעַל ארעא׃
(1) 80:80	וְשַלַח יָת יוֹנָה מִלְוָתֵיה לְמִחזֵי \אִם קַלוּ ״הקלו#3#״ מַיָא מֵעַל אַפֵי ארעא׃
(1) 90:80	וְלָא אַשכַחַת יוֹנָה מְנָח לְפַרסַת רַגלַה וְתַבַת לְוָתֵיה לְתֵיבוֹתָא אְרֵי מַיָא עַל אַפֵי כֹל ארעא וְאוֹשֵיט יְדֵיה וְנִסבַת וַאְעֵיל יָתַה לְוָתֵיה לְתֵיבוֹתָא׃
(1) 01:80	וְאוֹרֵיך״ושרי#3#״ עוֹד שִבעָה יוֹמִין אוּחרָנִין וְאוֹסֵיף שַלַח״למשלח#3#״ יָת יוֹנָה מִן תֵיבוֹתָא׃
(1) 11:80	וַאֲתַת״ועלת#3#״ לְוָתֵיה יוֹנָה לְעִידָן רַמשָא וְהָא טְרַף זֵיתָא תְבִיר מַחַת״נחית#3#״ בְפוּמַה וִידַע נֹחַ אֲרֵי קַלוּ מַיָא מֵעַל ארעא׃
(1) 21:80	וְאוֹרֵיך עוֹד שִבעָה יוֹמִין אוּחרָנִין וְשַלַח יָת יוֹנָה וְלָא אוֹסֵיפַת לִמתָב לְוָתֵיה עוֹד׃
(1) 31:80	וַהֲוָה בְשֵית מְאָה וֻחדַא שְנִין בְקַדמָאָה״בקדמיתא#3#״ בְחַד לְיַרחָא נְגוּבוּ מַיָא מֵעַל ארעא וְאָעֲדִי״ועדי#3#״ נֹחַ יָת חוּפָאָה דְתֵיבוֹתָא וַחזָא וְהָא נְגוּבוּ אַפֵי ארעא׃
(1) 41:80	וֻביַרחָא תִניָנָא בְעַסרִין וְשִבעָה יוֹמָא לְיַרחָא יְבֵישַת אַרעָא׃
(1) 51:80	וֻמַלֵיל יוי עִם נֹחַ לְמֵימַר׃
(1) 61:80	פוֹק מִן תֵיבוֹתָא אַת וְאִיתְתָך וֻבנָך וֻנשֵי בְנָך עִימָך׃
(1) 71:80	כֹל חַיתָא דְעִמָך מִכֹל בִסרָא בְעוֹפָא וֻבִבעִירָא וֻבכָל רִחשָא דְרָחֵיש עַל ארעא אַפֵיק עִימָך וְיִתיַלְדוּן בארעא וְיִפְשוּן וְיִסגוֹן עַל ארעא׃
(1) 81:80	וֻנפַק נֹחַ וֻבנוֹהִי וְאִיתְתֵיה וֻנשֵי בְנוֹהִי עִימֵיה׃
(1) 91:80	כֹל חַיתָא כֹל רִחשָא וְכֹל עוֹפָא כֹל דרָחֵיש עַל ארעא לְזַרעֲיָתְהוֹן נְפַקוּ מִן תֵיבוֹתָא׃
(1) 02:80	וֻבנָא נֹחַ מַדבְחָא קדם יוי וֻנסֵיב מִכֹל בְעִירָא דַכיָא וֻמִכֹל עוֹפָא דַכיָא וְאַסֵיק עֲלָוָן \עַל מַדבְחָא ״במדבחא#3#״׃
(1) 12:80	וְקַבֵיל יוי בְרַעֲוָא יָת קוּרבָנֵיה וַאֲמַר יוי בְמֵימְרֵיה לָא אוֹסֵיף לִמלָט עוֹד יָת ארעא בְדִיל חוֹבֵי אֲנָשָא אֲרֵי יִצרָא לִבָא דַאֲנָשָא בִיש מִיזְעוּרֵיה״מעולימוהי#3#״ לָא אוֹסֵיף עוֹד לְמִמחֵי יָת כֹל דְחַי״חיא#3#״ כְמָא דַעֲבַדִית׃
(1) 22:80	עוֹד כֹל יוֹמֵי ארעא זְרוּעָא וֻחצָדָא וְקוּרָא וְחוֹמָא וְקֵיטָא וְסִתוָא וְיֵמָם וְלֵילֵי לָא יִבטְלוּן׃

next chapter