H The Comprehensive Aramaic Lexicon

CAL CODE HELP CLICK HERE
click on the file description for more information

51001: TgO Gn

click on a word for lexical analysis
Click on a red-colored coordinate for comments and/or translations of the line

previous chapter


(1) 10:60 וַהֲוָה כַד שָרִיאוּ בְנֵי אֲנָשָא לְמִסגֵי עַל אַפֵי אַרעָא״אדמתא#3#״ וֻבנָתָא אִיתִילִידָא לְהוֹן׃
(1) 20:60 וַחזוֹ בְנֵי רַברְבַיָא יָת בְנָת אֲנָשָא אֲרֵי שַפִירָן אִינִין וֻנסִיבוּ לְהוֹן נְשִין מִכֹל דְאִתרְעִיאוּ״דאיתבחרו#3#״׃
(1) 30:60 וַאֲמַר יוי לָא יִתקַיַים דָרָא בִישָא הָדֵין קְדָמַי לְעָלַם בְדִיל דְאִנוּן בִסרָא וְעוֹבָדֵיהוֹן בִישִין אַרכָא יְהִיב לְהוֹן מְאָה וְעַסרִין שְנִין אִם יְתוּבוּן׃
(1) 40:60 גִיבָרַיָא הְווֹ בְאַרעָא בְיוֹמַיָא הָאִינוּן וְאַף בָתַר כֵין דְעָלִין״די עלין#3#״ בְנֵי רַברְבַיָא לְוָת בְנָת אֲנָשָא וְיָלְדָן <לְהוֹן#3#״מנהון#3#״> אִנוּן גִיבָרַיָא דְמֵיעָלְמָא״דמן עלמא#3#״ אֲנָשִין דִשמָא״דשמן#3#״׃
(1) 50:60 וַחזָא״וַגְלִי קדם#3#״ יוי אֲרֵי סְגִיאַת בִישַת אֲנָשָא בְאַרעָא וְכָל יִצרָא״הרהור#3#״ מַחשְבָת לִבֵיה לְחוֹד בִיש כֹל יוֹמָא׃
(1) 60:60 וְתָב יוי בְמֵימְרֵיה אֲרֵי עֲבַד יָת אֲנָשָא״אדם#3#״ בְאַרעָא וַאֲמַר <במימריה#3#> לְמִתבַר תוּקפְהוֹן כִרעוּתֵיה׃
(1) 70:60 וַאֲמַר יוי אִמחִי יָת אֲנָשָא דִברֵיתִי״די בראתי#3#״ מֵעַל אַפֵי אַרעָא מֵיאֲנָשָא עַד בְעִירָא וְעַד רִחשָא וְעַד עוֹפָא דִשמַיָא אֲרֵי תְבִית״תַבִית#3#״ בְמֵימְרִי אֲרֵי עֲבַדתִינוּן׃
(1) 80:60 וְנֹחַ אַשכַח רַחמִין קְדָם יוי׃
(1) 90:60 אִלֵין תוֹלְדָת נֹחַ נֹחַ גְבַר זַכַי שְלִים הֲוָה בְדָרוֹהִי בְדַחלְתָא דַיוי הַלֵיך״התהליך#3#״ נחַ׃
(1) 01:60 וְאוֹלֵיד נֹחַ תְלָתָה בְנִין יָת שֵם יָת חָם וְיָת יָפַת׃
(1) 11:60 וְאִתחַבַלַת אַרעָא קְדָם יוי וְאִתמְלִיאַת ארעא חָטוֹפִין׃
(1) 21:60 וַחזָא יוי יָת אַרעָא וְהָא אִתחַבַלַת אֲרֵי חַבִילוּ כֹל בִסרָא אֲנָש <ית#3#> אוֹרחֵיה עַל אַרעָא׃
(1) 31:60 וַאֲמַר יוי לְנֹחַ קִיצָא דְכָל בִסרָא עָל לִקדָמַי אֲרֵי אִתמְלִיאַת ארעא חָטוֹפִין מִן קְדָם עוֹבָדֵיהוֹן בִישַיָא וְהָא אֲנָא מְחַבֵילְהוֹן עִם ארעא׃
(1) 41:60 עִיבֵיד לָך תֵיבוֹתָא דְאָעִין דְקַדרוֹס מְדוֹרִין תַעֲבֵיד יָת תֵיבוֹתָא וְתִחפֵי יָתַה מִגָיו וֻמִבַרָא בְכוּפרָא׃
(1) 51:60 וְדֵין <אי#3#> דְתַעֲבֵיד יָתַה תְלָת מְאָה אַמִין אוּרכָא דְתֵיבוֹתָא חַמשִין אַמִין פֻתיַה וֻתלָתִין אַמִין רוּמַה׃
(1) 61:60 נֵיהוֹר תַעֲבֵיד לְתֵיבוֹתָא וֻלאַמְתָא תְשַכלְלִינַה מִלְעֵילָא וְתַרעַה דְתֵיבוֹתָא בְסִטרַה תְשַוֵי מְדוֹרִין אַרעָין תִניָנִין וֻתלִיתָאִין תַעבְדִינַה׃
(1) 71:60 וַאֲנָא הָא אֲנָא מֵיתֵי יָת טוֹפָנָא מַיָא עַל ארעא לְחַבָלָא כֹל בִסרָא דְבֵיה רוּחָא דְחַיֵי מִתְחוֹת שְמַיָא כֹל דְבאַרעָא יְמוּת׃
(1) 81:60 וַאֲקֵים יָת קְיָמִי עִמָך וְתֵיעוֹל לְתֵיבוֹתָא אַת וֻבנָך וְאִתְתָך וֻנשֵי בְנָך עִמָך׃
(1) 91:60 וֻמִכָל דְחַי מִכֹל בִסרָא תְרֵין מִכוֹלָא תַעוֹל לְתֵיבוֹתָא לְקַיָמָא עִמָך דְכַר וְנוּקבָא יְהוֹן׃
(1) 02:60 מֵיעוֹפָא לִזנוֹהִי וֻמִן בְעִירָא לִזנַה מִכֹל רִחשָא דארעא לִזנוֹהִי תְרֵין מִכוֹלָא ייֵעֲלוּן לְוָתָך לְקַיָימָא׃
(1) 12:60 וְאַת סַב לָך מִכֹל מֵיכָל דְמִתאֲכִיל וְתִכנוֹש לְוָתָך וִיהוֹן לָך וֻלהוֹן לְמֵיכַל׃
(1) 22:60 וַעֲבַד נֹחַ כְכֹל דְפַקֵיד יָתֵיה יוי כֵין עֲבַד׃

next chapter