H The Comprehensive Aramaic Lexicon

CAL CODE HELP CLICK HERE
click on the file description for more information

51001: TgO Gn

click on a word for lexical analysis
Click on a red-colored coordinate for comments and/or translations of the line

(1) 10:10 בֲקַדמִין בְרָא יוי יָת שְמַיָא וְיָת אַרעָא׃
(1) 20:10 וְאַרעָא הֲוָת צָדיָא וְרוֹקָניָא וַחֲשוֹכָא <פריש#3#> עַל אַפֵי תְהוֹמָא וְרוּחָא \מִן קְֹדָם יוי ״דייי#3#״ מְנַשבָא״מתנשבא#3#״ עַל אַפֵי מַיָא׃
(1) 30:10 וַאֲמַר יוי יְהֵי נְהוֹרָא וַהֲוָה נְהוֹרָא׃
(1) 40:10 וַחֲזָא יוי יָת נְהוֹרָא אֲרֵי טָב וְאַפרֵיש יוי בֵין נְהוֹרָא וֻבֵין חֲשוֹכָא׃
(1) 50:10 וֻקרָא יוי לִנהוֹרָא יְמָמָא״יומא#3#״ וְלַחֲשוֹכָא קְרָא לֵיליָא וַהֲוָה רְמַש וַהֲוָה צְפַר יוֹם חַד׃
(1) 60:10 וַאֲמַר יוי יְהֵי רְקִיעָא בִמצִיעוּת מַיָא וִיהֵי מַפרֵיש בֵין מַיָא לְמַיָא׃
(1) 70:10 וַעֲבַד יוי יָת רְקִיעָא וְאַפרֵיש בֵין מַיָא דְמִלְרַע לִרקִיעָא וֻבֵין מַיָא דְמֵיעַל״דמלעיל#3#״די מלעילי#3#״ לִרקִיעָא וַהֲוָה כֵין׃
(1) 80:10 וֻקרָא יוי לִרקִיעָא שְמַיָא וַהֲוָה רְמַש וַהֲוָה צְפַר יוֹם תִניָן׃
(1) 90:10 וַאֲמַר יוי יִתכַנשוּן מַיָא מִתְחוֹת שְמַיָא לְאַתרָא חַד וְתִתַחזֵי יַבַשתָא וַהֲוָה כֵין׃
(1) 01:10 וֻקרָא יוי לְיַבַשתָא אַרעָא וֻלבֵית כְנֵישַת מַיָא קְרָא יַמְמֵי וַחֲזָא יוי אֲרֵי טָב׃
(1) 11:10 וַאֲמַר יוי תַדאֵית אַרעָא דִתאָה עִסבָא דְבַר זַרעֵיה מִזדְרַע אִילָן פֵירִין עָבֵיד פֵירִין לִזנֵיה דְבַר זַרעֵיה בֵיה עַל אַרעָא וַהֲוָה כֵין׃
(1) 21:10 וְאַפֵיקַת אַרעָא דִתאָה עִסבָא דְבַר זַרעֵיה מִזדְרַע לִזנוֹהִי וְאִילָן עָבֵיד פֵירִין דְבַר זַרעֵיה בֵיה לִזנוֹהֵי וַחֲזָא יוי אֲרֵי טָב׃
(1) 31:10 וַהֲוָה רְמַש וַהֲוָה צְפַר יוֹם תְלִיתָי׃
(1) 41:10 וַאֲמַר יוי יְהוֹן נְהוֹרִין בִרקִיעָא דִשמַיָא לְאַפרָשָא בֵין יְמָמָא וֻבֵין לֵיליָא וִיהוֹן לְאָתִין וֻלזִמנִין וֻלמִמנֵי בְהוֹן יוֹמִין וֻשנִין׃
(1) 51:10 וִיהוֹן לִנהוֹרִין בִרקִיעָא דִשמַיָא לְאַנהָרָא עַל אַרעָא וַהֲוָה כֵין׃
(1) 61:10 וַעֲבַד יוי יָת תְרֵין נְהוֹרַיָא רַברְבַיָא יָת נְהוֹרָא רַבָא לְמִשלַט בִימָמָא וְיָת נְהוֹרָא זְעֵירָא לְמִשלַט בְלֵיליָא וְיָת כוֹכְבַיָא׃
(1) 71:10 וִיהַב יָתְהוֹן יוי בִרקִיעָא דִשמַיָא לְאַנהָרָא עַל אַרעָא׃
(1) 81:10 וֻלמִשלַט בִימָמָא וֻבלֵיליָא וֻלאַפרָשָא בֵין נְהוֹרָא וֻבֵין חֲשוֹכָא וַחֲזָא יוי אֲרֵי טָב׃
(1) 91:10 וַהֲוָה רְמַש וַהֲוָה צְפַר יוֹם רְבִיעָי׃
(1) 02:10 וַאֲמַר יוי יִרחֲשוּן מַיָא רְחֵיש נַפשָא חַיתָא וְעוֹפָא יְפָרַח״דפרח#3#״יהא פרח#3#״ עַל אַרעָא עַל אַפֵי <אויר#3#> רְקִיעַ שְמַיָא׃
(1) 12:10 וֻברָא יוי יָת תַנִינַיָא רַברְבַיָא וְיָת כָל נַפשָא חַיתָא דְרָחֲשָא דְאַרחִישוּ״דרחישו#3#״די רחישו#3#״ מַיָא לִזנֵיהוֹן וְיָת כָל עוֹפָא דְפָרַח לִזנוֹהֵי וַחֲזָא יוי אֲרֵי טָב׃
(1) 22:10 וֻבָרֵיך יָתְהוֹן יוי לְמֵימַר פוּשוּ וֻסגוֹ וֻמלוֹ יָת מַיָא בְיַמְמַיָא וְעוֹפָא יִסגֵי בְאַרעָא׃
(1) 32:10 וַהֲוָה רְמַש וַהֲוָה צְפַר יוֹם חֲמִישָי׃
(1) 42:10 וַאֲמַר יוי תַפֵיק אַרעָא נַפשָא חַיתָא לִזנַה בְעִיר וֻרחֵיש וְחַיַת אַרעָא לִזנַה וַהֲוָה כֵין׃
(1) 52:10 וַעֲבַד יוי יָת חַיַת אַרעָא לִזנַה וְיָת בְעִירָא לִזנַה וְיָת כָל רִחשָא דְאַרעָא לִזנוֹהִי וַחֲזָא יוי אֲרֵי טָב׃
(1) 62:10 וַאֲמַר יוי נַעֲבֵיד אֲנָשָא״אדם#3#״ בְצַלמַנָא כִדמוּתַנָא״בדמותנא#3#״בדדמי לנא#3#״ וְיִשלְטוּן בְנוּנֵי יַמָא וֻבעוֹפָא דִשמַיָא וֻבִבעִירָא וֻבכָל אַרעָא וֻבכָל רִחשָא דְרָחֵיש עַל אַרעָא׃
(1) 72:10 וֻברָא יוי יָת אָדָם בְצַלמֵיה \בְצַלַם אֲלֹהִים ״בצלמא דייי#3#״ בְרָא יָתֵיה דְכַר וְנוּקבָא בְרָא יָתְהוֹן׃
(1) 82:10 וֻבָרֵיך יָתְהוֹן יוי וַאֲמַר לְהוֹן יוי פוּשוּ וֻסגוֹ וֻמלוֹ יָת אַרעָא וֻתקוּפוּ עֲלַה וֻשלוּטוּ בְנוּנֵי יַמָא וֻבעוֹפָא דִשמַיָא וֻבכָל חַיתָא דְרָחֲשָא עַל אַרעָא׃
(1) 92:10 וַאֲמַר יוי הָא יְהַבִית לְכוֹן יָת כָל עִסבָא דְבַר זַרעֵיה מִזדְרַע דְעַל אַפֵי כָל אַרעָא וְיָת כָל אִילָן דְבֵיה \פֵירֵי אִילָנָא ״איבא אילנא#3#״ דְבַר זַרעֵיה מִזדְרַע לְכוֹן״דילכון#3#״ יְהֵי לְמֵיכַל׃
(1) 03:10 וֻלכָל חַיַת אַרעָא וֻלכָל עוֹפָא דִשמַיָא וֻלכֹל דְרָחֵיש עַל אַרעָא דְבֵיה נַפשָא חַיתָא יָת כָל יָרוֹק עִסבָא לְמֵיכַל וַהֲוָה כֵין׃
(1) 13:10 וַחֲזָא יוי יָת כָל דַעֲבַד וְהָא תָקֵין״טב#3#״ לַחדָא וַהֲוָה רְמַש וַהֲוָה צְפַר יוֹם שְתִיתָי׃

next chapter